Пелка
Пелка (грчки: Πελεκάνος, Пелеканос; до 1927 г. Πέλκα, Пелка[2]) — село во Населичко, Егејска Македонија, денес во општината Горуша на Кожанскиот округ во областа Западна Македонија, Грција. Населението брои 269 жители (2011).
| Пелка Πελεκάνος | |
|---|---|
 Поглед на селото | |
  Пелка | |
|
Местоположба во областа   Пелка | |
| Координати: 40°22′N 21°28′E / 40.367° СГШ; 21.467° ИГД | |
| Земја | Грција |
| Област | Западна Македонија |
| Округ | Кожански |
| Општина | Горуша |
| Општ. единица | Сињак |
| Надм. вис. | 760 м |
| Население (2011)[1] | |
| • Вкупно | 269 |
| Часовен појас | EET (UTC+2) |
| • Лете (ЛСВ) | EEST (UTC+3) |
Географија и местоположба уреди
Селото е сместено на западните падини на Сињак, околу 22 км северно од гратчето Сачишта, на надморска височина од 760 м.[3]
Историја уреди
Во Отоманското Царство уреди
Во XIX век Пелка било грчко село во Населичката каза на Серфиџенскиот Санџак.
Според податоците на Васил К’нчов („Македонија. Етнографија и статистика“) од 1900, во Пелка живееле 580 Грци.[4] Според егзархискиот секретар Димитар Мишев („La Macédoine et sa Population Chrétienne“), во 1905 во Пелка живееле 575 Грци.[5]
Според грчка статистика од 1904 г. во Пелка живееле 585 Грци христијани.[6]
Во Грција уреди
По Балканските Војни во 1913 г. селото е припоено кон Грција согласно Букурешкиот договор. Истата година во него се попишани 664 жители, кои во 1920 г. се намалиле на 594 лица.[3]
Во 1927 година, името на селото било променето во Πελεκάνος (Пелеканос).
Стопанство уреди
Населението произведува жито, тутун, компири и други земјоделски производи. Населението делумно се занимава и со краварството.[3]
Население уреди
Еве преглед на населението во сите пописни години, од 1940 г. до денес:
| Година | 1940 | 1951 | 1961 | 1971 | 1981 | 1991 | 2001 | 2011 | 2021 |
|---|---|---|---|---|---|---|---|---|---|
| Население | 931 | 926 | 825 | 712 | 632 | 614 | 523 | 269 |
- Извор за 1940-1991 г.: Т. Симовски, Населените места во Егејска Македонија
Самоуправа и политика уреди
Селото припаѓа на општинската единица Сињак со седиште во селото Враништа, која припаѓа на поголемата општина Горуша, во округот Кожани. Воедно, селото е дел од општинскиот оддел Пелка, во кој е единствено село.
Културни и природни знаменитости уреди
Цркви
- Црква „Успение на Пресвета Богородица“ — изградена во 1939 г.[7]
Личности уреди
Родени во Пелка
- Аргириос Папаризос (1764 - 1851)
- Константинос Мустаклис (1871 - 1950)
Починати во Пелка
- Зисо Калиманов (? - 1943)
Наводи уреди
- ↑ „Попис на населението од 2011 г. Трајно население“. Државен завод за статистика на Грција.
- ↑ „Πανδέκτης: Pelka -- Pelekanos“. pandektis.ekt.gr. Посетено на 2023-07-16.
- ↑ 3,0 3,1 3,2 Симовски, Тодор (1998). Населените места во Егејска Македонија : географски, етнички и стопански одлики. I дел. Скопје: Институт за национална историја. стр. 334.
- ↑ „Makedonija. Etnografija i statistika - 2.45“. macedonia.kroraina.com. Посетено на 2023-08-16.
- ↑ Brancoff, D.M. „La Macédoine et sa Population Chrétienne“. Paris, 1905, р.226-227.
- ↑ Σπανός, Κωνσταντίνος. "Η απογραφή του Σαντζακίου των Σερβίων", in: "Ελιμειακά", 48-49, 2001.
- ↑ „Πολιτιστικός Σύλλογος Πελεκάνου Κοζάνης“. www.pelka.gr. Посетено на 2023-08-16.