Мост

Мостот е конструкција изградена за премостување на природните и вештачките препреки. Целта на мостот е да овозможи преминување на луѓе, коли, возови итн. Мостот може да биде направен од различни материјали. Првите мостови биле правени од дрво.

Мостот Акаши-Кајкјо во Јапонија, моментално најдолгиот висечки мост во светот.

Градењето на мостови започнало уште во далечната древност и го следело развојот на општеството и напредокот во различните области на техниката. Првите мостови биле всушност паднати дрвја над потоци коешто било употребено како идеја за градење на дрвени мостови, а во понатамошниот развој се граделе мостови и од камен, а потоа и од метални конструкции.

Еден од најпознатите мостови во Македонија е Камениот мост во Скопје.

Мостот како тема во уметноста и во популарната култура

Мостот „Кенеди“ на Рајна, во Бон, Германија

Мостот како тема во книжевноста

• „По мостовите“ — песна на македонската поетеса Николина Андова од 2013 година.
• „Мостот на Жепа“ (српски: Most na Žepi) — расказ на југословенскиот писател Иво Андриќ.
• „Мостот на Дрина“ (српски: На Дрини ђуприја) — роман на Иво Андриќ.
• „Деветстотини деведесет и осум пати“ — кус расказ на австрискиот писател Томас Берхнард од 1978 година.
• „Мост“ — песна на југословенскиот поет Мак Диздар.
• „Еленот и мостот“ — расказ за деца на македонскиот писател Киро Донев од 2013 година.
• „Радин мост“ — расказ за деца на Киро Донев од 2013 година.
• „Мост“ — песна на францускиот поет Виктор Иго.
• „Мостот“ — поема на македонскиот поет Блаже Конески.
• „Бруклинскиот мост“ (руски: Бруклинскиҋ мост) — песна на рускиот поет Владимир Мајаковски од 1925 година.
• „Мајсторот и мостот“ — песна на македонскиот поет Анте Поповски.
• „Камениот мост“ — збирка поезија на чешкиот поет Јарослав Сајферт од 1944 година.
• „Лондонскиот мост“ — книга на францускиот писател Луј-Фердинанд Селин од 1964 година.
• „Мост“ — песна на полскиот поет Леополд Стаф.
• „Луѓе на мостот“ — песна на полската поетеса Вислава Шимборска.

Мостот како тема во музиката

Мост на реката Рајна во Келн, Германија

• „Мост“ — песна на македонската музичка група Анастасија од 1998 година.
• „Мостот“ (англиски: The Bridge) — песна на американскиот пејач Скот Вокер (Scott Walker) од 1968 година.
• „Мост ми ѕидаа девет мајстори“ - фолк песна на Васка Илиева.
• „Мостот“ (англиски: The Bridge) — композиција на американскиот џез-музичар Сони Ролинс (Sonny Rollins) од 1962 година.
• „Мостот преку немирната вода“ (англиски: Bridge Over Troubled Water) — песна од истоимениот албум на американското дуо Пол Сајмон и Арт Гарфанкел од 1970 година.