Википедија

Мајкл Џордан

американски кошаркар


Мајкл Џефри Џордан (англиски: Michael Jeffrey Jordan; роден 17 февруари 1963)[1] — поранешен американски НБА-кошаркар, активен стопанственик, и моментален сопственик на НБА-клубот Шарлот Хорнетс. Сметан е за еден од најдобрите кошаркари на сите времиња.

Мајкл Џордан


Лични информации
Роден на 17 февруари 1963
Роден во Бруклин, Њујорк, САД
Националност САД САД
Висина 1,98 м
Тежина 98 кг
Позиција бек, крило
Информации за кариерата
Колеџ Северна Каролина (1981–1984)
Драфт 1984 / Рунда: 1 / Пик: 3
Избран од:
Чикаго Чикаго Булс
Проф. кариера 1984–2003
Сениорски клубови
Години: Клубови:
1984–1993
1995–1998
2001–2003 		Чикаго Чикаго Булс
Чикаго Чикаго Булс
Вашингтон Вашингтон Визардс
Репрезентација
1981—1992 САД САД

Мајкл Џордан поминал 15 сезони во НБА лигата со 30,12 бода по натпревар во регуларниот дел од сезоната (најмногу во НБА). Освоил шест НБА првенства со Чикаго Булс, бил 10 пати најдобар стрелец и пет пати избран за најкорисен играч во лигата. Девет пати бил избран во првата одбранбена петорка, а трипати бил најдобар по бројот на украдените топки. Од 1983 рекордни 49 пати се појавил на насловнота страница на списаниет Спортс илустрејтед, а во 1991 бил прогласен за спортист на годината во изборот на ова списание.[2] Во 1999 година е прогласен за „најдобар северноамерикански спортист во XX век“ по изборот на спортскиот канал ЕСПН. Неговиот силен одраз и забивањата од линијата за слободни фрлања му ги донеле прекарите „Воздушниот Џордан“ и „Воздушното височество“.

Животопис

уреди

Во февруари 2015 година, Џордан за првпат се нашол на списокот на „Форбс“ на најбогатите луѓе во светот. Имено, тој бил како 1741. најбогат човек на светот во 2014 година, со проценето богатство од над милијарда долари. Неговото богатство произлегува од неколку негови инвестиции: тој е сопственик на кошаркарскиот клуб „Шарлот“, а има договори со „Најк“, „Хенес“, „Геторејд“ итн. Во 2010 година, Џордан купил 80% од акциите на „Шарлот“ за 275 милиони долари.[3]

Професионална кариера

уреди
 
Џордан пред забивање.

Во 1984 година, Џордан бил драфтуван од Чикаго Булс како трет пик во првата рунда на НБА Драфтот 1984.[4] Тој бргу се вклопил во тимот, и се наметнал како ѕвезда во лигата, импресионирајќи ја публиката со своите бодови, и забивања од линијата за слободни фрлања. Со учеството во натпреварот во забивања, Џордан го добил прекарот „Воздушен Џордан“ (англиски: Air Jordan).[5] Тој, исто така, важи за еден од најдобрите одбранбени играчи во кошарката.[6] Во 1991 година, Џордан ја освоил првата шампионска титула во НБА со тимот на „Чикаго“, по што во следните две сезони освоил уште две титули. Потоа, тој привремено ја напуштил кошарката во период од две години, за следните три сезони (1996, 1997, 1998) пак да го освои шампионскиот прстен со Чикаго Булс.

Иако најавил повлекување од кошарката по вторпат во 1998 година,[7][8][9] во септември 2001 се вратил на паркетот повторно на возраст од 38 години овојпат во дресот на Вашингтон Визардс, во кој година претходно бил приклучен како претседател на кошаркарските операции во клубот.[10] Сепак, годините и многуте повреди со кој се соочувал не му дозволиле да остави силен печат и во овој клуб како што го сторил претходно тоа во Чикаго. Во двете сезони поминати во Визардс имал просек од 22,9 и 20 бода по натпревар.[11] Својот последен натпревар во НБА го одиграл на 16 април 2003 против Филаделфија Севентисиксерс, по што се пензионирал.[12]

Според многумина, Мајкл Џордан е најдобриот НБА играч на сите времиња, за што говорат шесте шампионски прстени, неговите пет награди за најкорисен играч на сезоната (MVP), шест награди за најкорисен играч во финалето на НБА, 10 шампионски титули за најдобар стрелец во сезоната, како и 14 настапи во НБА Ол-стар натпреварот.[13][14] Во текот на својата професионална кариера, Џордан остварил просек од 30,12 бода по натпревар.[3] Од 2009 година, тој е член на Куќата на славните во Спрингфилд.[15]

НБА статистика на кариерата

уреди
Легенда
  ОН Одиграно натпревари   СН  Натпревари како стартер  МПН  Минути по натпревари
 ПШИ%  Процент на шут од игра  3П%  Процент на шут за три бода  СФ%  Процент на шут за слободни фрлања
 СкПН  Скокови по натпревар  AсПН  Асистенции по натпревар  УТПН  Украдени топки по натпревар
 БлПН  Блокади по натпревар  ППН  Поени по натпревар  Задебелено  Најдобро во кариерата
† Ја означува сезона во која Џордан ја освоил титулата во НБА
Водач во лигата

Регуларен дел од сезоната

уреди
Година Екипа ОН СН МПН ПШИ 3П% СФ% СкПН АсПН УТПН БлПН ППН
1984-1985   Чикаго 82 82 38.3 .515 .173 .845 6.5 5.9 2.4 .8 28.2
1985-1986   Чикаго 18 7 25.1 .457 .167 .840 3.6 2.9 2.1 1.2 22.7
1986-1987   Чикаго 82 82 40.0 .482 .182 .857 5.2 4.6 2.9 1.5 37.1
1987-1988   Чикаго 82 82 40.4 .535 .132 .841 5.5 5.9 3.2 1.6 35.0
1988-1989   Чикаго 81 81 40.2 .538 .276 .850 8.0 8.0 2.9 .8 32.5
1989-1990   Чикаго 82 82 39.0 .526 .376 .848 6.9 6.3 2.8 .7 33.6
1990-1991†   Чикаго 82 82 37.0 .539 .312 .851 6.0 5.5 2.7 1.0 31.5
1991-1992†   Чикаго 80 80 38.8 .519 .270 .832 6.4 6.1 2.3 .9 30.1
1992-1993†   Чикаго 78 78 39.3 .495 .352 .837 6.7 5.5 2.8 .8 32.6
1993-1994   Чикаго 17 17 39.3 .411 .500 .801 6.9 5.3 1.8 .8 26.9
1994-1995†   Чикаго 82 82 37.7 .495 .427 .834 6.6 4.3 2.2 .5 30.4
1995-1996†   Чикаго 82 82 37.9 .486 .374 .833 5.9 4.3 1.7 .5 29.6
1996-1997†   Чикаго 82 82 38.8 .465 .238 .784 5.8 3.5 1.7 .5 28.7
2001-2002   Вашингтон 60 53 34.9 .416 .189 .790 5.7 5.2 1.4 .4 22.9
2002-2003   Вашингтон 82 67 37.0 .445 .291 .821 6.1 3.8 1.5 .5 20.0
Кариера 1,072 1,039 38.3 .497 .327 .835 6.2 5.3 2.3 .8 30.1
Ол Стар 13 13 29.4 .472 .273 .750 4.7 4.2 2.8 .5 20.2

Плејоф

уреди
Година Екипа ОН СН МПН ПШИ 3П% СФ% СкПН АсПН УТПН БлПН ППН
1985   Чикаго 4 4 42.8 .436 .125 .828 5.8 8.5 2.8 1.0 29.3
1986   Чикаго 3 3 45.0 .505 1.000 .872 6.3 5.7 2.3 1.3 43.7
1987   Чикаго 3 3 42.7 .417 .400 .897 7.0 4.7 2.4 1.1 36.3
1988   Чикаго 10 10 42.7 .531 .333 .869 7.1 7.6 2.5 .8 34.8
1989   Чикаго 17 17 41.8 .510 .236 .799 7.0 7.6 1.7 1.8 29.1
1990   Чикаго 16 16 42.1 .514 .320 .836 7.2 6.8 2.8 .9 36.7
1991†   Чикаго 17 17 40.5 .524 .385 .845 6.4 8.4 2.4 1.4 31.1
1992†   Чикаго 22 22 41.8 .499 .386 .857 6.2 5.8 2.0 .7 34.5
1993†   Чикаго 19 19 41.2 .475 .389 .805 6.7 6.0 2.1 .9 35.1
1995   Чикаго 10 10 42.0 .484 .367 .810 6.5 4.5 2.3 1.4 31.5
1996†   Чикаго 18 18 40.7 .459 .403 .818 4.9 4.1 1.8 .3 30.7
1997†   Чикаго 19 19 42.3 .456 .194 .831 7.9 4.8 1.6 .9 31.1
1998†   Чикаго 21 21 41.5 .462 .302 .812 5.1 3.5 1.5 .6 32.4
Кариера 179 179 41.8 .487 .332 .828 6.4 5.7 2.1 .8 33.4

Наводи

уреди
  1. ↑ Morrissey, Rick (September 10, 2009). „Chapter 1: Brooklyn“. Chicago Tribune. Архивирано од изворникот April 21, 2020. Посетено на October 30, 2023.
  2. ↑ (англиски)By SI.com. „Sports Illustrated, „Спортиста године 2006. скупа са листом претходних година"“. Sportsillustrated.cnn.com. Архивирано од изворникот на 2013-09-09. Посетено на 13 февруари 2013.
  3. ↑ 3,0 3,1 „Џордан стана милијардер“, Утрински весник, година XVI, број 4725, среда, 4 март 2015, стр. 20.
  4. ↑ „Michael Jordan Stats“. Basketball Reference. Архивирано од изворникот November 21, 2020. Посетено на November 21, 2020.
  5. ↑ „Air Jordan, Black Cat, His Airness Nickname - What does it mean and how did it come about? - Player Biography and Profile“. www.sports-king.com. Посетено на 2024-01-19.
  6. ↑ Berkow, Ira (June 15, 1991).
  7. ↑ Kruger, pp. 55–56, 59.
  8. ↑ Wise, Mike (January 19, 2002).
  9. ↑ Wise, Mike (January 21, 1999).
  10. ↑ Sandomir, Richard (January 20, 2000).
  11. ↑ "Michael Jordan 2001–02 Splits".
  12. ↑ „Sixers Prevail in Jordan's Final Game“. NBA.com. April 16, 2003. Архивирано од изворникот на January 19, 2012. Посетено на August 2, 2019.
  13. ↑ „Michael Jordan Stats“. Basketball Reference. Архивирано од изворникот November 21, 2020. Посетено на November 21, 2020.
  14. ↑ Gaines, Cork (June 20, 2016).
  15. ↑ Smith, Sam (September 12, 2009).

Надворешни врски

уреди
Преземено од „https://mk.wikipedia.org/w/index.php?title=Мајкл_Џордан&oldid=5271824“