Исмаил Ќемали

Исмаил Ќемали Беј Влора (албански: Ismail Qemal Bej Vlora, турски: İsmail Kemal Vlora), или попознат како Исмаил Ќемали (Ismail Qemali, İsmail Kemal Bey) бил истакнал албански политичар и дипломат. Исмаил Ќемали е една од најзначајните фигури во времето на независноста на Албанија. Ќемали се смета за основач на современа Албанија, бидејќи тој е првиот претеседател, премиер и министер за надворешни работи на земјата.

Исмаил Ќемали Ismail Qemali
Прв претседател на Албанија Прв премиер на Албанија Прв министер за надворешни работи на Албанија
На должноста 29 ноември 1912 4 декември 1912 како министер – 22 јануари 1914 јуни 1913 како министер
Претходник	објавена независност
Наследник	Принц Вилијам од Вид (како шеф на држава) Фејзи Беј Ализоти (премиер) Мифти Либохова (министер за надворешни)
Лични податоци
Роден(а)	16 јануари 1844 Валона, Отоманско Царство
Починал(а)	24 јануари 1919 (возраст: 75) Перуџа, Италија
Вероисповед	ислам

Животопис

По завршувањето на гимназијата во Јанина, Ќемали во 1859 година се преселил во Истанбул, каде почнал да работи во државната управа на Османлиското Царство, при што напредувал во кариерата и бил управител на неколку балкански градови.

По Младотурската револуција станал пратеник (од изборната единица Белград во Албанија) во обновениот парламент на Османлиското Царство. Бил член на Либералната партија. Кога во април 1909 година дошло до преврат против младотурците, Ќемали кратко време бил претседател на Отоманскиот парламент.

Ќемали одиграл најважна улога во прогласувањето на независноста на Албанија на 28 ноември 1912 година. По државниот удар, кој на 22 јануари 1914 година го извел Есад Паша Топтани, живеел во егзил. Умрел во Перуџа од срцев удар.

Исмаил Ќемали како премиер

Во времето кога Исмаил Ќемали бил премиер, кабинетот на министри бил следниов:

• Премиер: Исмаил Ќемали
• Генерален секретар: Ќемал Караосмани
• Заменик премиер: Никола Качори
• Министер за надворешни работи: Исмаил Ќемали, а потоа Мифти Либохова
• Министер за внатрешни работи: Мифти Либохова, потоа Есад Паша Топтани
• Министер за војна: Мехмет Паша Дерала
• Министер за финансии: Ади Топтани
• Министер за правда: Петро Пога
• Министер за образование: Луиѓ Гуракуќи
• Министер за јавни услуги: Митхар Фрашери
• Министер за земјоделство: Пандели Цале, потоа Ќемал Караосмани
• Министер за пошта и телеград: Леф Носи

Користена литература

• David Barchard, The Man Who Made Albania—Ismail Kemal Bey, Cornucopia Magazine No 34, 2004.
• Ismail Kemal Bey and Sommerville Story, ed. The memoirs of Ismail Kemal Bey. London: Constable and company, 1920. (The Internet Archive, full access)
• Sommerville, A.M. (1927), Twenty years in Paris with a pen, A. Rivers ltd.
• Xoxi, Koli (1983), Ismail Qemali: jeta dhe vepra, Shtëpia Botuese "8 Nentori"

Политички функции
Претходник Објавена е независноста	Шеф на држава 1912–1914	Наследник Вилијам од Вид како принц
Претходник Објавена е независноста	Премиер на Албанија 1912–1914	Наследник Фејзи Беј Ализоти
Претходник Објавена е независноста	Министер за надворешни работи на Албанија 1912–1914	Наследник '