Горан Богдан
Горан Богдан (хрватски: Goran Bogdan; р. 2 октомври 1980 во Широки Бриег) — хрватски театарски, филмски и телевизиски актер. Основно и средно образование стекнал во родниот град, потоа се запишал на Економскиот факултет во Загреб. Паралелно студирал и Сообраќаен факултет, на кој завршил три години од студиите. На Академијата за драмски уметности во Загреб се запишал во 2005 година, а дипломирал во 2012.
| Горан Богдан Goran Bogdan | |
|---|---|
| Роден(а) | 2 октомври 1980 Лиштица, СР Босна и Херцеговина, СФР Југославија |
| Живеалиште | Загреб, Хрватска |
| Националност | хрватско |
| Занимање | глумец |
| Активен период | 2005–до денес |
Животопис
уредиРоден е на 2 октомври 1980 година во Широки Бриег. Неговиот татко Шимун бил професор на Машинскиот факултет во Мостар, а мајка му Мила, била професорка по математика во Средното машинско училиште во Широки Бриег.
Во Загреб ја започнал својата глумечка кариера играјќи во културниот центар Пешченица. Горан Богдан е еден од најбараните и најпопуларни хрватски театарски, телевизиски и филмски глумци. Остварува значајна кариера не само во Хрватска туку и во странство.[1]
Во 2010 година станал член на ансамблот на Загрепскиот театар за млади (Загребачко казалиште младих) остварувајќи поголем број истакнати улоги: Хамлет, Коко во Париз, Пат околу светот за 80 дена, Гуливеровите патувања и други.[2] Има реализирано и повеќе телевизиски и филмски улоги, истакнувајќи се пред сè со улогите во филмовите Соња и бикот (2012), Некои други приказни, (2010), како и улогата во серијата - Сенките над Балканот.
Покрај кариерата во Хрватска, започнал да игра и во странство - во Франција и во Велика Британија.
Филмографија
уредиТелевизиски улоги
уреди- „Сенките над Балканот“, како Мустафа Голубиќ, (2017)[3].
- „Вери и звери“, како Сергеј Рудиќ, (2016)
- „На терапија“, како Јозо, (2013)
- „На гост кај Стипе“, како Борис, (2013)
- „Мајстори“, како Илија, (2013)
- „Битанги и принцези“, како Озрен,(2009)
- „Мамутица“, како Дарко, (2009)
- „Одмори се, си заслужил“, како Никола, (2008)
- „Гордоста на Раткиеви“, како стражар, (2008)
- „Луда куќа“, како Јозо, (2008)
- „Засекогаш соседи“, како Андреј, (2007 - 2008)
- „Цимер - фрај“, како Марко, (2007)
- „Операција Кајман“, како Иво Спанковиќ, (2007)
- „Обични луѓе“ како Небојша, (2007)
- „Забранета љубов“, како адвокатот Чуљак, (2005)
Филмски улоги
уреди- „Сè најдобро (2016)“, како Мислав, (2016)[4].
- „Името на вишната (2015)“, како Марко, (2015)
- „Такви се правилата“, како докторот, (2014)
- „Децата од улицата Маркс и Енгелс“, како Станко, (2014)
- „Број 55 (2014)“, како Томо, (2014)
- „Мајстори“, како Илија, (2013)
- „Соња и бикот", како Анте, (2012)
- „Ирис (2012)“, (2012)
- „Децата харакири (2010", (2010)
- „The Show Must Go On“, како војник, (2010)
- „Некои други приказни (2010)“ како Марин (2010)
- „Шампион (2010)“, како млад војник, (2010)
- „Во земјата на чудата (2009)“, како Јосан, (2009)
- „Проклети (2008)“, како докторот, (2008)
- „Зад стаклата (2008)“, како работник #1, (2008)
- „Ноќно возење (2007)“, како злосторник, (2007)
- „За наивните деца (2007)“, како Дарко Шимиќ, (2007)[5].
Наводи
уреди- ↑ Goran Bogdan/
- ↑ „Postavi pitanje omiljenom glumcu/“. Архивирано од изворникот на 2019-03-30. Посетено на 2019-03-30.
- ↑ TV and Film roles/
- ↑ Goran Bogdan - Filmografija/
- ↑ Goran Bogdan IMBd/
Надворешни врски
уреди- Stranica na ZKM.hr Архивирано на 2 декември 2017 г.
- Organizatori West Herzegowina Festa