Астрологија
Астрологија (грчки: αστρολογία - наука за ѕвездите) се занимава со проучување на движењето и положбата на небесните тела и нивното влијание врз Земјата, врз човекот и неговата судбина. Луѓето кои се занимаваат со астрологија се нарекуваат астролози. Основачи на астрологијата се Халдејците.[1]
Хороскоп
уредиНајпознат израз во астрологијата е астролошката карта, попозната како хороскоп. Хороскопот се прави според точно определено време и положба на Земјата, а неговото толкување се заснова врз синтеза од четири основни елементи:
- Планетите - десет небесни тела: Две светли (Сонце и Месечина) и осум планети: (Меркур, Венера, Марс, Јупитер, Сатурн, Уран, Нептун, Плутон)
- Хороскопски знаци - дванаесет знаци: Овен, Бик, Близнаци, Рак, Лав, Девица, Вага, Скорпија, Стрелец, Јарец, Водолија, Риби
- Астролошки куќи (полиња) - дванаесет куќи што ги претставуваат различните подрачја од животот
- Аспекти - оддалеченоста на планетите.
Важно е да се напомене дека не треба да се мешаат поимите астрономија и астрологија.
Поделба на астролошките знаци
уредиКако што е познато, постојат дванаест астролошки знаци и се распоредени во следниот редослед: Овен, Бик, Близнаци, Рак, Лав, Девица, Вага, Скорпија, Стрелец, Јарец, Водолија, Риби.
Тие понатаму се делат на две групи: по квалитет и елемент.
По квалитет, астролошките знаци се делат на:
- кардинални: Овен, Рак, Вага и Јарец
- фиксни: Бик, Лав, Скорпија и Водолија
- променливи: Близнаци, Стрелец, Девица и Риби.
По елемент, знаците се делат на:
Поделба на астрологијата според предметот и начинот на изучување
уредиХорарна астрологија - дава одговор на конкретно прашање. Астролошката карта се изработува според времето и местото во коешто е поставено прашањето на астрологот. Едноставна и практична е бидејќи се толкува само оној дел од астролошката карта, што е опфатен од прашањето.
Натална астрологија - се занимава со делови од животот на поединецот, како што се психолошката структура, карактер, наследни особини, физичка градба и кондиција, односите со околината, со луѓето и ситуациите кои ни ги носи животот. Наталната карта се изработува според времето (датум, час и минута) како и место на раѓање. Картата е основа за сите наредни предвидувања, синастриски карти итн.
Синастрија или споредбена астрологија - ова е гранка на астрологијата што се занимава со односите помеѓу две лица на основа на нивните натални карти, при што се обраќа внимание дали двата знака си одговараат по елемент и квалитет, меѓусебните планетарни односи, влијанието на планетите на астролошката куќа итн.
Мундана астрологија - се анализираат и прогнозираат сите случувања внатре во државата и народот, од политички, воени, економски, па сѐ до природните непогоди и катастрофи. Овој хороскоп се изработува врз основа на времето кога се случил или почнал да се случува настанот. На пример, хороскоп на држава се изработува според времето и местото на прогласување на независност, воспоставување на нов режим и слично.
Модерна астрологија
уредиМодерната астрологија се дели на:
Од историски аспект се познати многу астрологии што денес веќе не се употребуваат. Такви се: арапска и персиска астрологија, вавилонска астрологија, египетска астрологија, грчка астрологија и маиска астрологија.
Астрологијата како мотив во уметноста и во популарната култура
уреди- „Го“ — песна на аргентинскиот писател Хорхе Луис Борхес.[2]
Надворешни врски
уреди