Ѓунер Исмаил

Ѓунер Исмаил (роден на 27 септември 1951 година во Битола) — македонски политичар, издавач, публицист, општественик и политичар од турско потекло.

Ѓунер Исмаил
Роден	27 септември 1951 (1951-09-27) Битола, Македонија
Националност	Турчин
Занимање	политичар

Животопис

Завршил Филозофски факултет во Скопје. Со пишување почнал во студентските денови, со театарски рецензии за МОТ и фестивалот „Војдан Чернодрински” во Прилеп. Првите публицистички трудови ги објавил во весникот „Комунист”, а кон крајот на осумдесеттите години соработувал и во „Млад борец”. Во наредната деценија е колумнист во „Дневник”. Заедно со Сашо Ордановски е основач и сопственик на магазинот „Форум”, подоцна „Форум плус”, каде што од првиот број (30 декември 1997) е колумнист. Пишува и за списанија од областа на политиката и општествените науки. Бил министер за култура во периодот од 5 септември 1992 до 20 декември 1994 и портпарол на Владата на Македонија.

Филмографија

• Пред дождот - 1994
• Прашина - 2001
• Наше маало - 2002
• Контакт - 2005
• Збогум Румелија - 2007
• Балканска приспивна песна - 2022