Црква „Успение на Пресвета Богородица“ - Злетово

Успение на Пресвета Богородица — црква во пробиштипското село Злетово. Му припаѓа на Штипското архијерејско намесништво во Брегалничката епархија на МПЦ - ОА. Ова е главна црква во селото, како и главен храм на Злетовската парохија. Прогласена е за културно наследство на Македонија.^[1]

Местоположба
Успение на Пресвета Богородица

Поглед на црквата
македонска православна црква
Епархија	Брегалничка
Архијерејско намесништво	Штипско
Парохија	Злетовска

Координати	41°59′27″N 22°14′21″E / 41.99083° СГШ; 22.23917° ИГД / 41.99083; 22.23917
Место	Злетово
Општина	Пробиштип
Држава	Македонија
Општи податоци
Покровител	Богородица Марија
Изградба	XVI век
Архитектонски опис
Архит. тип	еднокорабен

Историја уреди

Постои несогласување во врска со годините на изградба на црквата поради тоа што таа претрпела неколку фази на преизградба. Првично била еднокорабна, од кршен камен и малтер. Од таа градба денес преостанува само полукружната апсида со зачуван стар живопис. Апсидата е вградена во новата градба, која исто така е еднокорабна, но потесна и подолга, градена од делкан камен со полукружен свод. Нартексот од западната страна и тремот од јужната се од третата градежна фаза од 1853 г.

Во преродбеничкиот период оваа црква била под врховенството на Бугарската егзархија, додека пак помалата црква „Св. Илија“ ја држеле српските црковни власти од Цариградската патријаршија.

Архитектура уреди

Фрескоживопис уреди

Фрескоживописот од првата фаза е релативно добро зачуван. Според историчарот Коста Балабанов, тој е стилски близок на делата од првата половина на XVI век. Најблизок споредбен материјал е живописот во црквата „Св. Никола“ на Топличкиот манастир.^[2]