Википедија

Сушица (Порече)

село во Општина Македонски Брод
За други истоимени места, погледајте Сушица.

Сушица — село во Општина Македонски Брод, во областа Порече, во околината на градот Македонски Брод.

Сушица

Поглед на селото Сушица

Сушица во рамките на Македонија
Сушица
Местоположба на Сушица во Македонија
Сушица на карта

Карта

Координати 41°38′35″N 21°08′37″E / 41.64306° СГШ; 21.14361° ИГД / 41.64306; 21.14361
Регион  Југозападен
Општина  Македонски Брод
Област Порече
Население 6 жит.
(поп. 2021)[1]

Пошт. бр. 6535
Повик. бр. 045
Шифра на КО 03044
Надм. вис. 980 м
Сушица на општинската карта

Атарот на Сушица во рамките на општината
Сушица на Ризницата

Географија и местоположба

уреди
 
Поглед на двете маала на селото

Селото се наоѓа во областа Порече, во западниот висок планински дел на територијата на Општина Македонски Брод.[2] Селото е планинско, на надморска височина од 980 метри.[2]

Атарот зафаќа површина од 7,4 км2. На него обработливото земјиште зафаќа површина од 106 хектари, на пасиштата отпаѓаат 229 хектари, а на шумите 224 хектари.[2]

До селото води макадамски пат, кој се двои од локалниот пат кој води до селото Томино Село.

Историја

уреди

Селото се споменува во турските пописни дефтери од 1467/68 година, како дел од Кичевската нахија (Nahiye-I Kirçova) со 9 семејства и 1 неженет, сите христијани.[3]

Во XIX век, Сушица било село во Поречката нахија на Кичевската каза на Отоманското Царство.

Вкупно 2 жители на оваа населба се заведени како жртви во Втората светска војна.[4]

Стопанство

уреди

Селото нема развиена земјоделска функција.[2]

Население

уреди
Население во минатото
ГодинаНас.±%
1948252—    
1953241−4.4%
1961167−30.7%
1971117−29.9%
198174−36.8%
ГодинаНас.±%
199125−66.2%
199424−4.0%
200213−45.8%
20216−53.8%

Според податоците на Васил К’нчов („Македонија. Етнографија и статистика“) од 1900 година, во селото Сушица имало 260 жители, сите Македонци.[5] По податоците на секретарот на Бугарската егзархија, Димитар Мишев („La Macédoine et sa Population Chrétienne“) во 1905 година во Сушица имало 320 жители.[6]

Според германска карта издадена во 1941 година, а заснована на пописот на Кралство Југославија во 1931 година, селото имало 250 Македонци.[7]

Селото е мало, населено со македонско население, коешто во 1961 година имало 167 жители, додека во 1994 година бројот се намалил на 24 жители.[2]

Според пописот од 2002 година, во селото Сушица имало 13 жители, од кои 12 Македонци и 1 Србин.[8]

Според последниот попис од 2021 година, во селото живееле 6 жители, сите Македонци.

Во табелата во продолжение е направен преглед на населението во сите пописни години:

Година 1900 1905 1948 1953 1961 1971 1981 1991 1994 2002 2021
Население 260 320 252 241 167 117 74 25 24 13 6
Извор за 1900 г.: Македонија. Етнографија и статистика.[9]; за 1905 г.: La Macédoine et sa Population Chrétienne.[10]; за 1948-2002 г.: Државен завод за статистика на РМ.[11]; за 2021 г.: Државен завод за статистика на РМ.[12]

Родови

уреди

Сушица е македонско село.

Родови во селото се: Ковачевци (6 к.), Атулевци (13 к.) и Ѓорговци (6 к.), сите потекнуваат од ист предок и доселени се од раселениот град Закамен.[13]

Самоуправа и политика

уреди
 
Главната селска црква „Св. Никола“

Селото влегува во рамките на Општина Македонски Брод, која била променета со новата територијална поделба на Македонија во 2004 година, при што кон нејзе била придодадена поранешната Општина Самоков. Во периодот од 1996-2004 година, селото било во рамките на некогашната Општина Самоков.

Во периодот 1950-1952, селото било дел од некогашната општина Самоков, во која влегувале селата Бенче, Брест, Зркле, Звечан, Ковче, Лупште, Рамне, Самоков и Сушица.

Во периодот 1952-1955, селото било дел од тогашната општина Самоков, во која покрај селото Зркле се наоѓале селата Бенче, Брест, Звечан, Инче, Ковач, Ковче, Лупште, Рамне, Самоков, Старо Село и Сушица.

Во периодот 1955-1957, селото било дел од тогашната општина Манастирец.

Во периодот 1957-1965, селото се наоѓало во некогашната општина Брод.

Во периодот 1965-1996 година, селото се наоѓало во рамките на големата Општина Брод.

Избирачко место

уреди

Во селото постои избирачко место бр. 0261 според Државната изборна комисија, кое е сместено во приватна просторија.[14]

На локалните избори во 2017 година, на ова избирачко место биле запишани вкупно 2 гласачи.[15] На претседателските избори во 2019 година, на ова избирачко место бил запишан вкупно 1 гласач.[16]

Културни и природни знаменитости

уреди
Цркви[17]

Личности

уреди

Личности родени во Сушица:

  • Анѓеле Блажески — загинат во Балканските војни / Првата светска војна[18]
  • Анѓеле Јаковлески — загинат во Балканските војни / Првата светска војна[18]
  • Гане Димоски — загинат во Балканските војни / Првата светска војна[18]
  • Милован Маркоски — загинат во Балканските војни / Првата светска војна[18]
  • Милан Кочоски — загинат во Балканските војни / Првата светска војна[18]
  • Нове Петкоски — загинат во Балканските војни / Првата светска војна[18]
  • Стојко Симоноски — загинат во Балканските војни / Првата светска војна[18]
  • Серафиле Стојкоски — загинат во Балканските војни / Првата светска војна[18]
  • Стојо Трајкоски — загинат во Балканските војни / Првата светска војна[18]
  • Cпиpкo Стојкоски — загинат во Балканските војни / Првата светска војна[18]
  • Стале Наумоски — загинат во Балканските војни / Првата светска војна[18]
  • Трајко Маркоски — загинат во Балканските војни / Првата светска војна[18]
  • Трпе Трајкоски — загинат во Балканските војни / Првата светска војна[18]
  • Ванчо Аврамоски (1893 - 1944) — загинат во НОБ.[19]
  • Иван Јаковлески (1925 - 1944) — загинат во НОБ.[19]

Галерија

уреди
  •  
    Долното маало на селото
  •  
    Поглед на селото

Наводи

уреди
  1. ↑ „Пописна слика на населените места во Македонија, Попис 2021“. Државен завод за статистика. Посетено на 22 декември 2022.
  2. ↑ 2,0 2,1 2,2 2,3 2,4 Панов, Митко (1998). Енциклопедија на селата во Република Македонија (PDF). Скопје: Патрија. стр. 132. Посетено на 11 ноември 2017.
  3. ↑ Турски документи за историјата на македонскиот народ кн.4, Методија Соколоски, д-р Александар Стојановски, Скопје 1971, стр.237
  4. ↑ „Попис на жртвите од војната 1941-1945, СР Македонија“ (PDF).
  5. ↑ Васил К’нчов. „Македонија. Етнографија и статистика“. Софија, 1900, стр. 258.
  6. ↑ D.M.Brancoff. "La Macédoine et sa Population Chrétienne". Paris, 1905, р. 156-157.
  7. ↑ „200K Volkstumskarte Jugoslawien“.
  8. ↑ „Попис на Македонија“ (PDF). Завод за статистика на Македонија. 2002. Посетено на 11 ноември 2017.
  9. ↑ К’нчов, Васил. „Македонија. Етнографија и статистика“. Софија, 1900
  10. ↑ Brancoff, D.M. „La Macédoine et sa Population Chrétienne“. Paris, 1905.
  11. ↑ „Население по возраст и по пол, по населени места, според пописите спроведени во Република Македонија по Втората светска војна“. Државен завод за статистика.
  12. ↑ „Вкупно резидентно население на Република Северна Македонија според етничката припадност, по населени места, Попис, 2021“. Државен завод за статистика.
  13. ↑ Јовановиќ, Петар (1935). Порече. Белград: Српски етнографски зборник.
  14. ↑ „Описи на ИМ“. Архивирано од изворникот на 2023-08-17. Посетено на 16 октомври 2017.
  15. ↑ „Локални избори 2017“. Архивирано од изворникот на 2020-05-29. Посетено на 16 октомври 2017.
  16. ↑ „Претседателски избори 2019“. Архивирано од изворникот на 5 мај 2019. Посетено на 5 мај 2019.
  17. ↑ Јелена Павловска, Наташа Ниќифоровиќ и Огнен Коцевски (2011). Валентина Божиновска (уред.). Карта на верски објекти во Македонија. Менора - Скопје: Комисија за односи во верските заедници и религиозните групи. ISBN 978-608-65143-2-7.
  18. ↑ 18,00 18,01 18,02 18,03 18,04 18,05 18,06 18,07 18,08 18,09 18,10 18,11 18,12 Порече низ историјата, Милан Ристески, НИО „Студентски збор“, Скопје, 1982, стр.257
  19. ↑ 19,0 19,1 . Крајчески, Цуте (2017). Порече (1943 - 1945). Скопје: Државен Архив на Република Македонија. Отсутно или празно |title= (help)CS1-одржување: друго (link)

Надворешни врски

уреди
Преземено од „https://mk.wikipedia.org/w/index.php?title=Сушица_(Порече)&oldid=5214464“