Централна Африка
Централна Африка е средиштен регион во Африка во кој влегуваат Бурунди, ДР Конго, Руанда, Централноафриканската Република и Чад.
Средна Африка (како географски подрегион на ООН) е сличен географски поим кој ги опфаќа Ангола, Габон, Екваторска Гвинеја, Камерун, ДР Конго, Република Конго, Саун Томе и Принсип, Централноафриканската Република и Чад.[1] Сите држави во оваа област на ООН, заедно со другите што обично се сметаат за дел од централна Африка (вкупно 11), ја сочинуваат Економската заедница на централноафриканските држави (ECCAS).[2]
Централна Африка ги опфаќа териториите што, главно, му припаѓаат на сливот на реката Конго. Таа опфаќа дел од внатрешниот слив на езерото Чад и непосредниот слив на Атлантскиот Океан. Се простира во екваторскиот појас, така што се одликува со типична екваторска клима, со високи температури (25°С) и голема влажност. Има густа речна мрежа и разновиден растителен свет, главно претставен со непрегледни прашуми и савани, и разновиден животински свет - слонови, мајмуни, птици, влекачи и инсекти.
Стопанство
уредиГлавни стопански гранки се земјоделството, шумарството и сточарството. Од земјоделските култури најразвиени се банани, какао, кафе, памук, пченка. Во шумите најзначајни се тиковото, каучуковото и абоносовото дрво. Од сточарството најразвиено е говедарството. Во Централна Африка постојат разни рудни богатства. Најзастапени се: железо, калај, уран, кобалт и дијаманти. Од индустриските гранки најразвиени се прехранбената, дрвната, текстилната и металната индустрија. Густата и полноводната мрежа на реката Конго со притоките е голем енергетски потенцијал и основа за сообраќајната комуникација во Централна Африка.
Демографија
уредиВо централна Африка главно живеат народите од групата Банту. Најзастапени се банту-јазиците, а во некои подрачја се говорат и чадските и нилосахарските јазици. Предоминантна религија во централна Африка е христијанството, кое во некои места се одликува со примеси од народните верувања.
Земји
уредиЗемји во Средна Африка (подрегион на ООН) :
| Име | Главен град | Валута | Држ. јазици | Површина (км2) | Население |
|---|---|---|---|---|---|
 Ангола[3] |
Луанда | кванза | португалски | 1.246.700 | 15.941.000 |
 ДР Конго[4] |
Киншаса | конгоански франк | француски | 2.344.858 | 71.712.867 |
 Република Конго[5] |
Бразавил | ЦА франк | француски | 342.000 | 4.012.809 |
 Габон[6] |
Либрвил | ЦА франк | француски | 267.668 | 1.384.000 |
 Екваторска Гвинеја[7] |
Малабо | ЦА франк | шпански, француски | 28.051 | 504.000 |
 Камерун[8] |
Јаунде | ЦА франк | француски, англиски | 47.442 | 17.795.000 |
 Саун Томе и Принсип[9] |
Саун Томе | саотомска добра | португалски | 964 | 157.000 |
 Централноафриканска Република[10] |
Банги | ЦА франк | санго, француски | 622.984 | 4.216.666 |
 Чад[11] |
Нџамена | ЦА франк | француски, арапски | 1.284.000 | 10.146.000 |
Поврзано
уредиНаводи
уреди- ↑ „Макрорегиони и составни делови на светот“. ООН. 2000. Посетено на 16 декември 2007. (англиски)
- ↑ „Економска заедница на централноафриканските држави“. Africa-Union.org. 2007. Архивирано од изворникот на 2007-12-14. Посетено на 16 декември 2007. (англиски)
- ↑ „Светска книга на факти: Ангола“. Управа за разузнавање на ЦИА. 15 мај 2008. Архивирано од изворникот на 2020-05-06. Посетено на 12 јуни 2008. (англиски)
- ↑ „Светска книга на факти: Конго, Демократска Република“. Управа за разузнавање на ЦИА. 15 мај 2008. Архивирано од изворникот на 2018-12-28. Посетено на 12 јуни 2008. (англиски)
- ↑ „Светска книга на факти: Конго, Република“. Управа за разузнавање на ЦИА. 15 мај 2008. Архивирано од изворникот на 2020-08-31. Посетено на 12 јуни 2008. (англиски)
- ↑ „Светска книга на факти: Габон“. Управа за разузнавање на ЦИА. 15 мај 2008. Архивирано од изворникот на 2008-12-10. Посетено на 12 јуни 2008. (англиски)
- ↑ „Светска книга на факти: Екваторска Гвинеја“. Управа за разузнавање на ЦИА. 15 мај 2008. Архивирано од изворникот на 2020-08-31. Посетено на 12 јуни 2008. (англиски)
- ↑ „Светска книга на факти: Камерун“. Управа за разузнавање на ЦИА. 15 мај 2008. Архивирано од изворникот на 2020-05-15. Посетено на 12 јуни 2008. (англиски)
- ↑ „Светска книга на факти: Саун Томе и Принсип“. Управа за разузнавање на ЦИА. 15 мај 2008. Архивирано од изворникот на 2015-09-18. Посетено на 12 јуни 2008. (англиски)
- ↑ „Светска книга на факти: Централноафриканска Република“. Управа за разузнавање на ЦИА. 15 мај 2008. Архивирано од изворникот на 2019-05-07. Посетено на 12 јуни 2008. (англиски)
- ↑ „Светска книга на факти: Чад“. Управа за разузнавање на ЦИА. 15 мај 2008. Архивирано од изворникот на 2020-04-24. Посетено на 12 јуни 2008. (англиски)
Надворешни врски
уреди| „Централна Африка“ на Ризницата ? |
- Туристичка агенција за централна Африка (англиски)
- Интерактивна карта на Африка Архивирано на 17 јануари 2010 г. - Армија на САД во Африка (англиски)
|