Паула Бадоса

шпанска тенисерка

Паула Бадоса Жиберт (родена на 15 ноември 1997 во Њујорк) е шпанска тенисерка.

Паула Бадоса
ИмеПаула Бадоса Жиберт
ЗемјаШпанија Шпанија
Место на живеењеБарселона, Шпанија
Роден на15 ноември 1997(1997-11-15)(26 г.)
Роден воЊујорк, САД
Спорт Тенис
Висина&100000000000001800000001,80 м
Игра соДесна рака
(дворачен бекхенд)
Заработка$1,760,270
Поединечно
Победи-порази264–146
Титули3 ВТА, 7 ИТФ
Највисок пласманБр. 4 (21 февруари 2022)
Сегашен пласманБр. 7 (16 март 2022)
Резултати на Гренд Слемови
Австралијан Опен4К (2020)
Ролан ГаросЧФ (2021)
Вимблдон4К (2021)
УС Опен2К (2021)
Други турнири
Олимписки игриЧФ (2021)
Во двојки
Победи-порази12–18
Титули0
Највисок пласман194 (20 мај 2019)
Сегашен пласман195 (20 мај 2019)
Резултати на Гренд Слемови
Австралијан Опен2К (2021)
Ролан Гарос1К (2020, 2021)
Вимблдон2К (2021)
УС Опен-
Ажурирано на: 22 мај 2019.

Бадоса го освоила Отвореното првенство на Франција во јуниорска поединечна конкуренција во 2015 година победувајќи ја Ана Калинскаја во финалето.

Во 2021 година, таа го направила својот пробив меѓу најдобрите 50 тенисерки на светот и го достигнала својот највисок пласман на ВТА листата на 23 август кога била рангирана на 26-тото место, позиција на која се наоѓа и денес. Истата година, таа ја освоила својата прва ВТА титула, освојувајќи го турнирот Србија Опен во Белград, каде во финалето ја совладала Ана Коњух.

Биографија уреди

Паула Бадоса е родена во Менхетен како ќерка на Миреја Жиберт и Јосеп Бадоса, двајцата вработени во светот на модата.[1] Кога Паула имала седум години, семејството се преселило во Барселона, каде таа започнала да игра тенис во клубот Плаја де Аро. На 14-годишна возраст, таа се преселила во Валенсија со цел да напредува во тенисот, но кога имала 17 години, се вратила во Барселона.[2]

Таа зборува шпански, каталонски, англиски и малку француски јазик, и учела средно училиште на далечина околу четири години. Нејзиниот идол додека растела била Марија Шарапова,[1] додека нејзиниот омилен турнир е УС Опен.[3] Кога била дете, се стремила да биде модел, следејќи го патот на нејзините родители.[4] Во раните години, таа се борела со депресија и анксиозност.[5]

Јуниорска кариера уреди

 
Бадоса како јуниорка во 2014

Бадоса е поранешен јуниорски светски број 8. Таа дебитирала на ИТФ јуниорските турнири во септември 2012 година, на 14-годишна возраст. Во февруари 2014 година, таа ја освоила својата прва јуниорска титула во поединечна конкуренција на турнирот Медитеране Авенир во Казабланка. Во април 2014 година, таа ја освоила титулата во двојки на турнирот Трофео „Хуан Карлос Фереро“ во Вилена. Во мај 2014 година, таа стигнала до полуфиналето во двојки на Трофео Бонфиљо во двојки. Во јуниорската конкуренција на Отвореното првенство на Франција, таа стигнала до четвртфиналето и во поединечна и во конкуренција на двојки. Потоа, таа стигнала и до четвртфиналето на Вимблдон во јуниорска поединечна конкуренција. Таа завршила како вицешампион во поединечна конкуренција на Европското првенство за јуниори, губејќи од сонародничката Сара Сорибес Тормо.[6] Својата јуниорска кариера ја завршила со Отвореното првенство на Франција во 2015 година, каде што ја освоила титулата за девојчиња во поединечна конкуренција.[7] Како јуниорка, таа освоила три титули во поединечна и една титула во двојки.[6]

Професионална кариера уреди

2012–2017: Први чекори уреди

Бадоса дебитирала на ИТФ женската тениска турнеја во мај 2012 година на турнирот во Гечо. Во ноември 2013 година, таа ја освоила својата прва титула во Сант Жорди.[8] Во март 2015 година, таа добила вајлд-карта да игра во главниот ждреб на Премиер Мандатори турнирот во Мајами, каде што ги забележала своите први натпревари и воедно своите први две победи на ВТА турнејата. Во првото коло таа убедливо ја совладала Петра Четоковска со 6-1, 6-1, а потоа била подобра во два сета и од Женг Саисаи со 6-1, 7-5. Нејзиното учество на турнирот завршило во третото коло, кога била поразена од 14-тата носителка Каролина Плишкова со 7-5, 6-1. Подоцна истата година, таа стигнала до главниот ждреб на Мутуа Мадрид Опен преку квалификации, но морала да го предаде нејзиниот натпревар од првото коло против 15-тата носителка Сара Ерани после само три одиграни гема.[9]

2018–2019: Пробив, влез во топ 100 на ВТА листата уреди

Нејзиниот пробив дошол во 2018 година кога таа стигнала до четвртфиналето на Мароко Опен, кога стигнала до четвртфиналето и загубила од Александра Круниќ.[10] Во септември, го освоила турнирот Опен де Валенсија со награден фонд од 60.000 $, победувајќи ја својата сонародничка Алиона Болсова во финалето.[8]

На Австралијан Опен 2019, Бадоса го направила своето деби на Гранд слем турнирите во главниот ждреб, откако претходно ги минала квалификациите; сепак уште во првото коло таа загубила од домашната натпреварувачка повикана со специјална покана Кимберли Бирел. Во јули, таа стигнала до своето прво полуфинале на ВТА турнирте, во Палермо, но таму загубила од светскиот број 5, Кики Бертенс. По ова, таа остварила уште еден пласман во полуфиналето на ВТА челенџерот во Карлсруе Опен.[9] Тоа и било доволно за првпат во својата кариера да се најде во топ 100 на ВТА листата.[11] На Кореја Опен, стигнала до четвртфиналето, каде била сопрена од Ванг Јафан.[9]

2020: Првото Гренд слем осминафинале уреди

Во почетокот на 2020 година, Бадоса ја забележала својата прва победа на Гренд слем натпревар, победувајќи ја квалификантката Јохана Ларсон во првото коло на Австралијан Опен 2020. Во второто коло, таа се сретнала со светскиот рекет бр. 7, Петра Квитова, и била поразена во два тесни сета со 7-5, 7-5.[12] Во септември, таа дошла до второто ВТА полуфинале во кариерата во Истанбул, каде што загубила од Ежени Бушар.[13] Нејзиниот најдобар резултат за сезоната и бил на Ролан Гарос, каде стигнала до првото осминафинале на голем турнир.[14] На патот до таму, таа победила две поранешни Грен слем шампионки, Слоун Стивенс и Јелена Остапенко.[15][16]

2021: Првата ВТА титула, Гренд слем четвртфинале, победник на Индијан Велс, деби на ВТА завршниот турнир и топ 10 уреди

По нешто послабиот почеток на 2021 година, на почетокот на март таа стигнала до своето прво полуфинале за сезоната во Лион Опен, што било исто така нејзиното прво полуфинале на некој ВТА турнир на тврда подлога во кариерата. Следниот месец, Бадоса настапила на турнирот во Чарлстон, каде успеала да ги победи петтата носителка Белинда Бенчиќ во второто коло и светскиот рекет бр. 1, Ешли Барти, во четвртфиналето, што била нејзина прва победа во кариерата над светски број еден.[17] Сепак и покрај овие битни резултати, таа повторно не успеала да оди до крај на еден турнир губејќи одново во полуфиналето овојпат од Вероника Кудерметова со 3-6, 3-6.

Во мај, Бадоса стигнала до своето прво полуфинале на ВТА 1000 на Мадрид Опен, со што станала првата шпанска тенисерка која стигнала до полуфиналето во историјата на турнирот.[18] Таму таа одново ја совладала Бенчиќ и одиграла уште еден натпревар со прворангираната тенисерка во светот, но овојпат Барти била поуспешна одмаздувајќи се за поразот во Чарлстон.[19] Овој одличен настап ја донел Бадоса до најдобрите 50 тенисерки во светот, регистрирајќи нов највисок пласман во својата кариера на 42. место. Во меѓувреме таа продолжила со својте добри игри и на Србија Опен, стигнала до трето по ред полуфинале на земјена подлога, победувајќи ја седмата носителка Ребека Петерсон.[20][21] Таа победа и донела пласман во првото ВТА финале, каде успеала да се избори и за првата ВТА титула откако нејзината противничка Ана Коњух го предала финалето поради повреда при водство на Бадоса од 6-2 и 2-0.[22]

 
Бадоса на Ролан Гарос 2021.

На Ролан Гарос 2021, Бадоса била поместена во 33-та носителка на турнирот по повлекувањето на Алисон Риск. Таа остварила две лесни победи во два сета против Лорен Дејвис и Данка Ковиниќ во првите две кола пред да се соочи со Ана Богдан. Во овој натпревар од третото коло, Бадоса го загубила првиот сет и спасила меч топка во вториот сет, пред да направи целосен пресврт и да победи во три сета (2-6, 7-6, 6-4). Со оваа победа, таа втора година по ред се пласирала во осминафиналето на Гренд слемот во Франција. Потоа таа се соочила со поранешната финалистка на турнирот и 20-та носителка Маркета Вондроушова, каде успеала да забележи уште една победа во три сета за да стигне до четвртфинале на еден голем турнир за првпат во нејзината кариера.[23][24] Во тоа четвртфинале, и покрај тоа што имала брејк предност во последниот одлучувачки сет, таа загубила од Тамара Зиданшек.

До првата победа во кариерата во главниот жреб на Вимблдон, Паула стигнала совладувајќи ја сонародничката Алиона Болсова со 6-2, 5-7, 6-2, во првото коло од изданието на турнирот во 2021 година. Во следните два натпревари, таа ги совладала и Јулија Путинцева и Магда Линет, за да стигне до осминафиналето каде загубила од Каролина Мухова, иако имала брејк предност и сервис за освојување на првиот сет.

Бадоса ја претставувала Шпанија на Летните олимписки игри 2020 во женска поединечна конкуренција и во конкуренција на двојки. Заедни со нејзината партнерка Сара Сорибес Тормо ги победиле мексиканската двојка Џулијана Олмос и Рената Сарасуа во првата рунда, пред да загубат во втората од чешката двојка и подоцнежните златни медалистки, Барбора Крејчикова и Катержина Синиакова.[25] Во поединечна конкуренција, Бадоса ги добила своите први три меча на турнирот против французинката Кристина Младеновиќ, полската тенисерка Ига Швјонтек и аргентинката Надја Подороска.[26] Во нејзиниот четвртфинален натпревар против подоцнежната освојувачка на сребрен медал, чехињата Маркета Вондроушова, Бадоса го загубила првиот сет пред да се повлече од мечот поради топлотен удар кој го претрпела предизвикан од топлите и влажни услови во Токио - што на крајот резултирало со долг медицински тајмаут и потреба да го напушти теренот во инвалидска количка. Ова, заедно со поплаките од другите тенисери, како што се Данил Медведев и Новак Ѓоковиќ, било катализатор за официјалните лица на Олимпијадата да го променат најраното време за почеток на натпреварите од 11 во 15 часот.[27]

ВТА финалиња уреди

Сингл: 3 (3 титули) уреди

Легенда
Гренд слем (0-0)
ВТА Завршен турнир (0–0)
ВТА 1000 (1–0)
ВТА 500 (1–0)
ВТА 250 (1–0)
Финалиња по подлога
Тврда (2–0)
Земја (1–0)
Трева (0–0)
Тепих (0–0)
Резултат П–И Дата Турнир Категорија Подлога Противник Резултат
Победа 1–0 мај 2021 Белград Опен, Србија ВТА 250 Земја   Ана Коњух 6–2, 2–0, пред.
Победа 2–0 окт 2021 Индијан Велс Опен, САД ВТА 1000 Тврда   Викторија Азаренка 7–6(7–5), 2–6, 7–6(7–2)
Победа 3–0 јан 2022 Сиднеј, Австралија ВТА 500 Тврда   Барбора Крејчикова 6–3, 4–6, 7–6(7–4)

Note: Tournaments sourced from official WTA archives

ИТФ финалиња уреди

Сингл: 9 (6–3) уреди

Легенда
Категорија
Турнири со награден фонд од $100,000
Турнири со награден фонд од $80,000
Турнири со награден фонд од $60,000
Турнири со награден фонд од $25,000
Турнири со награден фонд од $15,000
Турнири со награден фонд од $10,000
Финалиња по подлога
Тврда подлога (4–1)
Земја (2–2)
Трева (0–0)
Тепих (0–0)
Исход Бр. Дата Категорија Турнир Подлога Противник Резултат
Победник 1. 17 ноември 2013 $10,000 Сант Жорди, Шпанија Тврда подлога   Лусија Сервера Васкес 7–5, 6–0
Вицешампион 1. 26 октомври 2014 $25,000 Сиудад Викторија, Мексико Тврда подлога   Дијана Марцинкевича 7–6(7–2), 3–6, 1–6
Победник 2. 5 јули 2015 $25,000 Данен, Франција Земја   Ирина Рамиалисон 7–5, 6–0
Вицешампион 2. 10 април 2016 $25,000 Џексон, САД Земја   Грејс Мин 6–1, 2–6, 4–6
Вицешампион 3. 28 мај 2017 $25,000 Казерта, Италија Земја   Клер Лиу 3–6, 3–6
Победник 3. 5 август 2017 $25,000 Ел Еспинар, Шпанија Тврда подлога   Ајла Аксу 6–2, 6–4
Победник 4. 4 февруари 2018 $25,000 Глазгов, Велика Британија Тврда подлога   Маиа Лумсден 2–6, 6–1, 6–3
Победник 5. 27 мај 2018 $25,000 Лес Франкесес дел Валес, Шпанија Тврда подлога   Маргарита Гаспарјан 6–4, 3–6, 6–2
Победник 6. 30 септември 2018 $60,000 Валенсија, Шпанија Земја   Алиона Болсова 6–1, 4–6, 6–2

Наводи уреди

  1. 1,0 1,1 JF de la Cruz (June 17, 2015). „Paula Badosa, la campeona del Roland Garros júnior: "Me identifico con María Sharapova" (in Spanish)“ [Paula Badosa, junior Roland Garros champion: "I identify with María Sharapova"]. 20 minutos. Посетено на 20 January 2021.
  2. Raul Cosin, Sheila Perez (October 15, 2018). „Paula Badosa: On the attraction by peculiarity and a brave tennis“. Visibilitas. Посетено на 20 January 2021.
  3. „Paula Badosa Bio“. WTA Tennis. Посетено на 23 January 2021.
  4. Roger Requena (July 20, 2015). „De Manhattan a París passant per Begur (in Catalan)“ [From Manhattan to Paris via Begur]. ara.cat. Посетено на 20 January 2021.
  5. David Kane (August 26, 2019). 'I had to be brave' - Badosa shares mental health struggle ahead of 2019 US Open debut“. WTA Tennis. Посетено на 20 January 2021.
  6. 6,0 6,1 „Paula Badosa Gibert - Junior Profile“. ITF Tennis - JUNIORS (англиски). Архивирано од изворникот на 2017-09-03. Посетено на 3 September 2017.
  7. Alex Macpherson (January 11, 2019). „Getting to know you: Introducing Melbourne 2019's Grand Slam debutantes“. WTA Tennis. Посетено на 20 January 2021.
  8. 8,0 8,1 „Paula Badosa Gibert ITF“. ITF. Посетено на 20 January 2021.
  9. 9,0 9,1 9,2 „Paula Badosa Gibert career statistics“. WTA Tennis. Посетено на 20 January 2021.
  10. Iván Alonso Villares (May 3, 2018). „Paula Badosa cae antre Krunic en cuartos de Rabat (in Spanish)“ [Paula Badosa falls antre Krunic in Rabat quarters]. Vavel. Посетено на 20 January 2021.
  11. „WTA Rankings History – Paula Badosa“. wtatennis.com. Архивирано од изворникот 23 November 2020. Посетено на 24 November 2020.
  12. Stephanie Livaudais (January 22, 2020). „Kvitova escapes Badosa to reach Australian Open third round“. WTA Tennis. Архивирано од изворникот 23 January 2021. Посетено на 20 January 2021.
  13. Alex Macpherson (September 12, 2020). „Bouchard bests Badosa, sets Istanbul final against Tig“. WTA Tennis. Архивирано од изворникот 28 January 2021. Посетено на 20 January 2021.
  14. WTA Staff (October 5, 2020). „Siegemund seals first Grand Slam singles quarterfinal berth in Paris“. WTA Tennis. Архивирано од изворникот 20 January 2021. Посетено на 20 January 2021.
  15. WTA Staff (October 1, 2020). „Badosa beats Stephens for Roland Garros breakthrough“. WTA Tennis. Архивирано од изворникот 21 January 2021. Посетено на 20 January 2021.
  16. Victoria Chiesa (October 3, 2020). „Badosa ousts former champion Ostapenko in Paris“. WTA Tennis. Архивирано од изворникот 5 March 2021. Посетено на 20 January 2021.
  17. „World No. 71 Paula Badosa stuns No. 1 Barty in Charleston quarters“. tennis.com. 9 април 2021. Посетено на 19 март 2022.
  18. „Stat of the Day: Badosa 1st Spanish woman in Madrid SFS“. Архивирано од изворникот 2021-05-06. Посетено на 2021-05-06.
  19. „Madrid preview: Our keys to Sabalenka-Pavlyuchenkova semifinal“. Архивирано од изворникот 2021-05-06. Посетено на 2021-05-05.
  20. „Badosa leads field into semis after busy day in Belgrade“. Архивирано од изворникот 2021-05-22. Посетено на 2021-05-22.
  21. „News“. Архивирано од изворникот 2021-05-21. Посетено на 2021-05-21.
  22. „Badosa breaks through for first singles title in Belgrade“. Архивирано од изворникот 2021-05-22. Посетено на 2021-05-23.
  23. Johnson, Abbey (6 June 2021). „French Open: Tamara Zidansek, Paula Badosa to make QF debuts“. Tennis World. Архивирано од изворникот 7 June 2021. Посетено на 7 June 2021.
  24. „Badosa's winding road from teen prodigy to French Open quarterfinalist“. Архивирано од изворникот 2021-06-08. Посетено на 2021-06-08.
  25. „Tennis - Krejcikova/Siniakova vs Badosa/Sorribes Tormo - Second Round…“. 2021-08-01. Архивирано од изворникот 2021-08-01. Посетено на 2021-08-01.
  26. „Tennis BADOSA Paula - Tokyo 2020 Olympics“. 2021-08-01. Архивирано од изворникот 2021-08-01. Посетено на 2021-08-01.
  27. Puleo, Mark (2021-07-30). „Tennis star leaves court in wheelchair amid 'brutal' Tokyo heat“. AccuWeather. Архивирано од изворникот 2021-08-01. Посетено на 2021-08-01.

Надворешни врски уреди