Некар

Некар (герм. Neckar) — река во Германија со должина од 362 километри. Тече главно во југозападната покраина Баден-Виртемберг, но мал дел и во Хесен и се вбројува меѓу поголемите притоки на Рајна. Извира во областа Шварцвалд близу Филинген-Швенинген, на надморска височина од 706 метри, па минува низ Ротвајл, Ротенбург на Некар, Килхберг, Тибинген, Ниртинген, Плохинген, Еслинген, Штутгарт, Лудвигсбург, Марбах, Хајлброн и Хајделберг, и на крај се влева во Рајна кај Манхајм (на 95 метри надм. височина).

Некар
Некај кај Штутгарт
Изворно име	Neckar
Местоположба
Земја	Германија
Физички особености
Извор
• место	Шварцвалд
• надм. вис.	706 м
Устие
• место	Рајна
• координати	49°30′43″N 8°26′14″E
Должина	362,4 км
Големина на сливот	13.928 км2
Проток
• просечен	145 м3/с
Особености на сливот
Течение	Рајна→ Северно Море

На потегот од Плохинген до Штутгарт, долината на Некар е густо населена, со многу индустриски области, вклучувајќи неколку познати претпријатија како Дајмлер АГ (Daimler AG) (Мерцедес-Бенц) и Мале ГмбХ (Mahle GmbH). Помеѓу Штутгарт и Лауфен, реката тече во живописни меандри и стрмни котлини со фосилен тријаски варовник и плеистоценски травертин. Долж долината се издигаат Оденвалдските ридови, каде се сместени бројни замоци како Бург Хорнберг и Бург Гутенберг во Хасмерсхајм, но и енергетски капацитети како затворената Обригхајмска и активната Некарвестхајмска атомска централа. Заминувајќи го Хајделберг, Некар излива просечно 145 m³/сек вода во реката Рајна, и со тоа е четврта најголема притока, и десетта река по големина во Германија.

Името „Некар“ доаѓа од латинските Nicarus и Neccarus, кои пак се изведени од келтскиот збор „никрос“, што знали „дива вода“ или „диво момче“. Од 1100 г. Некар почнал да се користи за сплаварење на дрвени трупци од Шварцвалд во други подрачја како Холандија, каде граѓата се употребувала за бродоградба.

Во текот на XIX век, традиционалните влечни чамци се заменети со паробродови кои користеле 155-километарски ланец за спротиводна пловидба.

Отсјај на куќи во Некар, Тибинген

Некар во Штутгарт

Во 1968 е завршена и последната од вкупно 27 каналски брани, и со тоа Некар станал пловен за товарни бродови околу 200 км спротиводно од Манхајм, па сè до речнниот пристаништен град Плохинген, каде се влева притоката Филс. Други поважни делови се Штутгарт, Хајлброн и Манхајм.

Течението на реката е популарно кај велосипедистите, особено во летниот период. Стрмните падини на речната долина се просеани со лозја, каде главно се одгледува сортата „Тролингер“.

Населени места крај Некар

Од изворот, па до вливот во Рајна:

• Филинген-Швенинген
• Ротвајл
• Оберндорф на Некар
• Зулц на Некар
• Хорб
• Ротенбург на Некар
• Килхберг
• Тибинген
• Ниртинген
• Плохинген
• Еслинген
• Штутгарт
• Фелбах
• Лудвигсбург
• Фрајберг на Некар
• Бенинген на Некар
• Марбах на Некар
• Безигхајм
• Лауфен
• Хајлброн
• Некарзулм
• Бад Вимпфен
• Мосбах
• Ебербах
• Хајделберг
• Манхајм

Поважни притоки

Реката Керш, притока на Некар

• Ешах (лева, кај Ротвајл-Билинген)
• Амер (лева, кај Тибинген-Лустнау)
• Ехац (десна, кај Кирхентелинсфурт)
• Лаутер (десна, кај Вендлинген)
• Филс (десна, кај Плохинген)
• Хезенбах (лева, кај Штутгарт-Исток)
• Ремс (десна, кај Ремсек)
• Мура (десна, кај Марбах)
• Енц (лева, кај Безигхајм)
• Цабер (лева, кај Лауфен)
• Зулм (десна, кај Некарзулм)
• Јагст (десна, кај Бад Вимпфен)
• Елц (десна, кај Мосбах-Некарелц)

Надворешни врски

• Водич низ течението на Некар (англиски)
• Туристички информатор за реката Некар Архивирано на 4 септември 2007 г. (германски)