Мишевска Воденица (Немањици)

„Мишевска Воденица“
Езерото Мавровица каде што е потопено наоѓалиштето
Местоположба	41°55′3.15″N 21°58′52.97″E
Основни податоци
Место	Немањици
Општина	Свети Николе
Тип	вила рустика
Период	римско време
Портал „Археологија“

Мишевска Воденица — археолошко наоѓалиште во светиниколското село Немањици. Претставува вила рустика од античкоримско време.

Местоположба и наоди

Се наоѓа на 2,1 км северозападно од селото, на десниот брег на Орелска Река и југозападно од наоѓалиштето Јокуш. Лежи на голема речна тераса, под патот за селото Орел, која на источната страна е заштитена со венец од благи ритчиња. Во 1981 година, при изградбата на браната од хидросистемот Мавровица било извршено заштитно ископување од страна на Археолошкиот музеј и Републичкиот завод за заштита на спомениците на културата. Во нивата на Б. Гигов и во соседните ниви биле откриени повеќе темели од градба ѕидана од кршен камен и варов малтер. Со оглед на бројот на просториите, се смета дека се работи за голема вила рустика, во која имало бања со префурниум и тепидарум, со под подигнат врз суспензури и столпчиња, просторија за гмечење на грозје и други наменски простории. Источниот крај на вилата бил однесен од поројните води на реката.

Поврзано

• Алин Дол — населба од неолитското и римското време;
• Ветрен — некропола од железното време;
• Вреж — населба од неолитското време;
• Градиште — утврдена населба од железното време;
• Дабица — населба и некропола од римското време;
• Зелена Чукарка - Јокуш — населба и некропола од римското време;
• Јокуш — некропола од римското време;
• Старо Село — населба и некропола од средниот век;
• Црквиште — населба и некропола од римското време;
• Немањици;
• Список на археолошки наоѓалишта во Светиниколско;
• Список на средновековни некрополи во Македонија.