Лудвигслуст (округ)

Лудвигслуст
*Landkreis Ludwigslust*
Лудвигслуст; Landkreis Ludwigslust;
	округ
Земја	Германија
Покраина	Мекленбург-Западна Померанија
Укинат	2011
Седиште	Лудвигслуст
Површина
• Вкупна	2,517 км2 (0,972 ми2)
Население (2010-12-31)
• Вкупно	122.564
• Густина	49,000/км2 (130,000/ми2)
Час. појас	CET (UTC+1)
• Лето (ЛСВ)	CEST (UTC+2)
Рег. таб.	LWL
Мреж. место	kreis-lwl.de

Лудвигслуст (германски: Ludwigslust) — поранешен округ во југозападниот дел на сојузната покраина Мекленбург-Западна Померанија, Германија. Се граничел со (од север надесно) Северозападен Мекленбург, слободниот град Шверин, Пархим, Пригниц во Бранденбург, Лихов-Даненберг и Линебург во Долна Саксонија и округот Лауенбург во Шлезвиг-Холштајн. Округот бил распуштен при административната реформа во септември 2011 година. Неговата територија била припоена кон новосоздадениот округ Лудвигслуст-Пархим.

Географија

Округот бил сместен помеѓу реката Елба и градот Шверин. Пред административната реформа во 2011 година бил најголем округ во Мекленбург-Западна Померанија, но многу слабо населен.

Историја

По повторното обединување на Германија биле основани два окрузи Хагенов и Лудвигслуст. Во 1994, обата окрузи со општинските заедници Растов и Штралендорф од округот Шверин-Ланд биле споени во тогашниот округ Лудвигслуст. Овој округ бил споен со округот Пархим при административната реформа во септември 2011 година, создавајќи го новиот округ Лудвигслуст-Пархим.

Грб

Грбот прикажува коњ во горниот дел, симболизирајќи ја ергелето во Редефин, како и традицијата за одгледување на коњи во областа. Шверинските грофови исто така го користеле коњот како нивен симбол. Брановитата линија која го одвојува долниот дел ја претставува реката Елба. Трите дабови листа во долниот дел се за трите окрузи од кои бил создаден тогашниот округ. Боите потекнуваат од двете историски грофовии — црвено-жолтата од Шверинското грофовија и црвено-сребрено-зелената од грофовијата Даненберг.