Кентевиус Колдвел-Поуп

Американски кошаркар


Кентевиус Колдвел-Поуп (роден на 18 февруари 1993 година) е американски кошаркар, бек на Лос Анџелес Лејкерс во НБА.

Кентевиус Колдвел-Поуп


Лични информации
Роден на 18 февруари 1993(1993-02-18)(31 г.)
Роден во Томастон, Џорџија
Националност САД САД
Висина 1,96 м
Тежина 93 кг
Позиција бек
Информации за кариерата
Колеџ Џорџија (2011–2013)
Драфт 2013 / Рунда: 1 / Пик: 8
Избран од:
Детроит Детроит Пистонс
Проф. кариера 2013—
Моментален клуб
Клуб Л.А. Лејкерс Л.А. Лејкерс
Број 1
Сениорски клубови
Години: Клубови:
2013—2017
2017—
Детроит Детроит Пистонс
Л.А. Лејкерс Л.А. Лејкерс

Тој бил избран како 8-ми пик на Драфтот 2013 од Детроит Пистонс. Претходно тој играл две години колеџ кошарка за Универзитетот Џорџија односно за нивната кошаркарска екипа Џорџија Булдогс. Во 2017 година, како слободен играч тој им се приклучил на Лејкерс, со кои станал НБА шампион во сезоната 2019-2020.

Колеџ кариера уреди

 
Колдвел-Поуп играјќи за Џорџија во 2012

Колдвел-Поуп избрал да игра за колеџот Џорџија кој го воделе Марк Фокс и Коди Андерсон и покрај понудите за стипендии од Алабама, Флорида, Џорџија Тек и Тенеси меѓу другите. Во неговата прва сезона Колдвел-Поуп бил избран во Тимот на Новаците на југоисточната конференција, во кои исто така биле вклучени и други подоцнежни НБА играчи како Бредли Бил, Ентони Дејвис и Мајкл Кид-Гилхрист. Неговиот највисок учинок како бруцош бил 25 бода во натпреварот против Оле Мис, што претставува највисок број бодови постигнати од страна на новак на UGA во речиси 13 години.

Во неговата втора година бил избран за Играч на годината на југоисточната конференција со учиок од 18.5 бода и 7.1 скока по натпревар.[1] Тој ја заврши својата кариера во Џорџија постигнувајќи рекордни во кариерата 32 бода и 13 скока, во поразот од ЛСУ на ЈИК турнирот во Нешвил.[2]

Колеџ статистика

Година Екипа ОН СН МПН ПШИ 3П% СФ% СкПН АсПН УТПН БлПН ППН
2011–2012 Џорџија 32 32 32.1 .396 .304 .654 5.2 1.2 1.8 .3 13.2
2012–2013 Џорџија 32 32 33.9 .433 .373 .799 7.1 1.8 2.0 .5 18.5
Кариера[3] 64 64 33.0 .415 .339 .727 6.2 1.5 1.9 .4 15.9

Професионална кариера уреди

Детроит Пистонс (2013-2017) уреди

 
Колдвел-Поуп со Пистонс во 2016.

На 27 јуни 2013 година, Колдвел-Поуп бил избран како осми пик на НБА Драфтот 2013 од Детроит Пистонс. Тој подоцна му се приклучил на Детроит за натпреварите од Летната лига 2013 и го потпишал својот руки договор со тимот на 19 јули.[4] На 16 април 2014 година, тој постигнал тогаш највисоки во кариерата 30 бода, во поразот од Оклахома Сити Тандер.[5] Својата прва сезона во НБА ја завршил со 80 одиграни натпревари од кој на 41 бил стартер и со учинок од 5.9 бода и 2 скока по натпревар.

Во јули 2014 година, Колдвел-Поуп повторно бил вклучен во составот на Детроит за Летната лига 2014, каде што тој имал во просек 24,0 бода и 7,4 скока во пет натпревари. Тренерот на тимот Стен Ван Ганди брзо го оценил Колдвел-Поуп како неговиот најдобар одбранбен периметар и тој завршил како водечки играч на Пистонс по бројот на минути поминати на паркетот со 2.587 минути. Игрите на Колдвел-Поуп доста се подобреле по паузата за Ол-Стар викендот, во голема мера благодарение на новото засилување на Пистонс плејмејкерот Реџи Џексон; после паузата имал просек од 14.3 бода по натпревар. Тој ја завршил сезоната со 153 погодени тројки, 70 повеќе од вториот најблизок играч на Пистонс, и исто така бил изедначен со Кевин Лав на делба на 16-тото место во целата НБА во таа статистичка категорија.[6]

Во неговата трета сезона во Пистонс, Колдвел-Поуп постигнал рекордни за него во дотогашната кариерата 31 бод во победата со 119-116 над Бостон Селтикс на 16 декември 2015 година, шутирајќи 7-12 за два бода, 3-4 за три и 8-8 од линијата за слободни фрлања.[7] Неговите игри во текот на сезоната 2015-2016 биле многу подобри во однос на претходините сезони и тој се наметнал како еден од носителите на играта на Пистонс. Тој му помогнал на клубот да избори место во плејофот на Источната конференција како 8-мо пласирани со скор од 44-38, со што Пистонс дошле до плејофот за првпат по 2009 година. Во првиот круг на Плејофот, Пистонс се соочиле со првите носители на истокот и подоцнежните шампиони Кливленд Кавалирс. Во натпреварот број 1 одигран на 17 април кој Пистонс го загубиле тесно со пет бода разлика, Колдвел-Поуп бил најдобар стрелец во својот тим со реазлизиран 21 бод.[8] На крајот Кливленд ја добиле серијата со 4-0 и ги елиминирале Детроит од понатамошното натпреварување.

На 9 ноември, 2016, Колдвел-Поуп ги постигнал највисоките 27 бода за неговата четврта сезона со Пистонс во поразот со 107–100 од Финикс Санс.[9] На 25 ноември, 2016, тој забележал 16 бода и највисоки во кариерата 10 асистенции во победата со 108–97 над Лос Анџелес Клиперс.[10] На 8 јануари, 2017, тој постигнал одлучувачка тројка на 9.4 секунди до крајот на второто продолжение со кој му донел победа на својот тим од 125–124 на гостувањето кај Портланд Трејлблејзерс; тој го завршил натпреварот со 26 бода.[11] На 13 јануари 2017 се здобил со повреда од втор степен на манжетниот ротатор на рамото поради која пропуштил четири натпревари.[12] Се вратил во акција на 24 јануари запишувајќи 14 бода 5 скока и 4 асистенции во поразот со 104-109 од Сакраменто Кингс во Палас оф Оберн Хилс.[13] На 1 февруари 2017, Колдвел-Поуп постигнал највисоки во кариерата 38 бода во победата со 118-98 над Њу Орлеанс Пеликанс, а исто така постигнал и највисоки во неговата кариера 8 тројки (од 11 обиди) на еден натпревар.[14]

Лос Анџелес Лејкерс (2017-денес) уреди

На 13 јули 2017, Колдвел-Поуп потпишал едногодишен договор, вреден 18 милиони долари со Лос Анџелес Лејкерс.[15][16] Тој дебитирал за Лејкерс на 22 октомври 2017 година, постигнувајќи 20 бода како стартер во поразот од Њу Орлеанс Пеликанс со 119-112.[17] На 27 ноември 2017 година, тој ги постигнал својте највисоки за сезоната 29 бода против Лос Анџелес Клиперс.[18] На 13 декември 2017 година, Колдвел-Поуп се изјаснил за виновен за нанесување телесни повреди при тепачка во која учествувал во текот на летото. Му била изречена затворска казна од 25 дена, но според програмата за ослободување од работа, му било дозволено да го напушти објектот за домашните натпревари и тренинзи. Сепак, бидејќи не му било дозволено да ја напушти Калифорнија, тој останал ограничен само на домашни натпревари кои се играле во рамките на оваа сојузна држава во тој период.[19] На 24 февруари 2018, тој постигнал нови највисоки за сезоната 34 бода во победата со 113–108 над Сакраменто Кинг, погодувајќи исто така 8 тројки со што го изедначил својот најдобар резултат во кариерата во оваа категорија.[20] На 22 март 2018 година, тој погодил осум тројки и имал 28 бода во поразот од 128–125 од Њу Орлеанс Пеликанс.[21]

На 6 јули 2018 година, Колдвел-Поуп потпиша нов едногодишен договор со Лејкерс,[22] вреден 12 милиони долари.[23] На 16 декември 2018 година, тој постигнал највисоки за сезоната 25 бода во поразот од 128-110 од Визардс Визардс.[24] На 30 декември, постигнал 26 бода во победата над Сакраменто Кингс од 121–114, што бил негов нов сезонски рекорд.[25] Конечно, на 19 март, тој ги постигнал својте највисоки за сезоната 35 бода, три бода помалку од неговите највисоки во НБА кариерата, во поразот од Милвоки Бакс со 115-101.[26] Ниту во втората сезона на Колдвел-Поуп во тимот, Лејкерси не успеале да се пласираат во плејофот завршувајќи на 10-тото место во западната конференција, иако пред почетокот на сезоната се засилиле со повеќекратниот НБА шампион и МВП - Леброн Џејмс.

Во 2019 година, Колдвел-Поуп повторно потпишал со Лејкерс, овој пат двегодишен договор вреден приближно 16 милиони долари.[27] Во сезоната 2019-2020, тој остварил рекордни во кариерата 38,5% прецизност од неговите шутеви за 3 бода и бил трет во својата екипа со 92 постигнати тројки.[28] Во регуларниот дел од сезоната тој одиграл 69 натпревари од кои 26 како стартер со просеци од 9.3 бода, 2.1 скокови и 1.6 асистенции по натпревар. Откако Лејкерс се пласирале во Колдвел-Поуп го имал својот прв натпревар во плејофот по четири години пауза, во првиот натпреварот од четвртфиналето на западната конференција против Портланд Трејлблејзерс; сепак, тој натпревар играчот не го памети по добро, бидејќи постигнал само еден бод (од линијата за слободни фрлања) со катастрофален шут од игра 0/9. Лејкерси го продолжиле својот пат во плејофот до финалето каде ги победиле Мајами Хит со 4-2, со што Колдвел-Поуп ја освоил својата прва НБА титула. Тој бил клучен во успехот на езерџиите, особено во натпреварот број 4 кога неговите пет последователни бодови кон крајот на четвртата четвртина им помогнала на Лејкерси да се оддалечат од Хит и да ја заверат победата на тој натпревар.[29] Тој ги започнал сите 21 натпревар во плејофот, со просек од 29 минути, 10.7 бода, 2.1 скокови, 1.3 асистенции и 1 украдена топка по натпревар, шутирајќи 37.8% од линијата за 3 бода.[28][30]

НБА статистика на кариерата уреди

Статистика од 28 декември 2020

Општи податоци уреди

Регуларна сезона

Плејоф

Статистика по сезони уреди

Регуларен дел од сезоната уреди

Легенда
  ОН Одиграно натпревари   СН  Натпревари како стартер  МПН  Минути по натпревари
 ПШИ%  Процент на шут од игра  3П%  Процент на шут за три бода  СФ%  Процент на шут за слободни фрлања
 СкПН  Скокови по натпревар  AсПН  Асистенции по натпревар  УТПН  Украдени топки по натпревар
 БлПН  Блокади по натпревар  ППН  Поени по натпревар  Задебелено  Најдобро во кариерата
Година Екипа ОН СН МПН ПШИ 3П% СФ% СкПН АсПН УТПН БлПН ППН
2013-2014   Детроит Пистонс 80 41 19.8 .396 .319 .770 2.0 .7 .9 .2 5.9
2014-2015   Детроит Пистонс 82 82 31.5 .401 .345 .696 3.1 1.3 1.1 .2 12.7
2015-2016   Детроит Пистонс 76 76 36.7 .420 .309 .811 3.7 1.8 1.4 .2 14.5
2016-2017   Детроит Пистонс 76 75 33.3 .399 .350 .832 3.3 2.5 1.2 .2 13.8
2017-2018   Л.А. Лејкерс 74 74 33.2 .426 .383 .789 5.2 2.2 1.4 .2 13.4
2018-2019   Л.А. Лејкерс 82 23 24.8 .430 .347 .867 2.9 1.3 .9 .2 11.4
2019-2020     Л.А. Лејкерс 69 26 25.5 .467 .385 .775 2.1 1.6 .8 .2 9.3
Кариера 539 397 29.2 .418 .349 .797 3.2 1.6 1.1 .2 11.6

Плејоф уреди

Година Екипа ОН СН МПН ПШИ 3П% СФ% СкПН АсПН УТПН БлПН ППН
2016   Детроит Пистонс 4 4 40.3 .440 .444 .714 4.3 2.8 1.8 .3 15.3
2020     Л.А. Лејкерс 21 21 29.0 .418 .378 .815 2.1 1.3 1.0 .2 10.7
Кариера 25 25 30.8 .423 .390 .794 2.4 1.6 1.1 .2 11.4

Титули уреди

НБА уреди

2019-2020

Наводи уреди

  1. Lockridge & Cole (March 12, 2013). „Georgia's Kentavious Caldwell-Pope named SEC's top player“. The Tennessean. Посетено на March 16, 2013.
  2. „LSU 68, Georgia 63“. ESPN. March 14, 2013. Посетено на March 14, 2013.
  3. Kentavious Caldwell-Pope, rivals.yahoo.com. Retrieved 20 April 2013.
  4. „Detroit Pistons Sign Draft Selections Kentavious Caldwell-Pope and Tony Mitchell“. NBA.com. Turner Sports Interactive, Inc. July 19, 2013. Посетено на July 19, 2013.
  5. „Notebook: Thunder 112, Pistons 111“. NBA.com. Turner Sports Interactive, Inc. April 16, 2014. Посетено на April 16, 2014.
  6. „2014-15 Player Recap: Kentavious Caldwell-Pope“. NBA.com. Turner Sports Interactive, Inc. May 4, 2015. Посетено на November 3, 2015.
  7. „Caldwell-Pope scores 31 points, Pistons beat Celtics 119-116“. NBA.com. Turner Sports Interactive, Inc. December 16, 2015. Посетено на December 16, 2015.
  8. „Big 3 back together, lead Cavs to 106-101 win over Pistons“. NBA.com. April 17, 2016. Посетено на April 18, 2016.
  9. „Bledsoe, Dudley lead Suns past Pistons 105-99 [sic]“. ESPN.com. November 9, 2016. Посетено на November 9, 2016.
  10. „Pistons hand Clippers first road loss with 108-97 win“. ESPN.com. November 25, 2016. Посетено на November 26, 2016.
  11. „Pistons outlast Trail Blazers 125-124 in double-overtime“. ESPN.com. January 8, 2017. Посетено на January 8, 2017.
  12. Caldwell-Pope has rotator-cuff strain, doubtful Sunday
  13. Kentavious Caldwell-Pope started Monday and scores 14 in loss to the Kings
  14. „Caldwell-Pope scores 38 in Pistons' 118-98 win over Pelicans“. ESPN.com. February 1, 2017. Посетено на February 1, 2017.
  15. „Lakers Sign Kentavious Caldwell-Pope“. NBA.com. July 13, 2017. Посетено на July 13, 2017.
  16. Beacham, Greg; Krawczynski, Jon (July 12, 2017). „Reports: Kentavious Caldwell-Pope, Los Angeles Lakers reach 1-year deal“. NBA.com. Посетено на July 22, 2017.
  17. „Wiggins' heave banks in, leads Timberwolves past Thunder“. ESPN.com. October 22, 2017. Посетено на October 18, 2020.
  18. „Kentavious Caldwell-Pope 2017-18 Game Log“. Basketball-Reference.com. Посетено на January 15, 2018.
  19. Ganguli, Tania (December 21, 2017). „Kentavious Caldwell-Pope is practicing and playing with the Lakers while serving a 25-day jail sentence“. latimes.com. Посетено на December 23, 2017.
  20. „Caldwell-Pope's season-high 34 points help Lakers top Kings“. ESPN.com. February 24, 2018. Посетено на October 18, 2020.
  21. „Davis, Rondo, push Pelicans past Lakers, 128-125“. ESPN.com. March 22, 2018. Посетено на October 18, 2020.
  22. „Lakers Re-Sign Kentavious Caldwell-Pope“. NBA.com. July 6, 2018. Посетено на July 6, 2018.
  23. Barnewall, Chris (July 2, 2018). „2018 NBA free agency: Lakers, Kentavious Caldwell-Pope agree to deal after LeBron's commitment“. CBSSports.com. Посетено на July 6, 2018.
  24. „Wall's 40, 14 lead Wiz past Lakers 128-110; LBJ scores 13“. ESPN.com. December 16, 2018. Посетено на October 18, 2020.
  25. „Lakers rally in 4th quarter, defeat Kings 121-112“. ESPN.com. December 30, 2018. Посетено на October 18, 2020.
  26. „Bucks beat Lakers 115-101; Antetokounmpo, James sit out“. ESPN.com. March 19, 2019. Посетено на October 18, 2020.
  27. „Kentavious Caldwell-Pope, Lakers Agree to Reported 2-Year Contract Worth $16M“. BleacherReport.com. July 6, 2019. Посетено на July 6, 2019.
  28. 28,0 28,1 McMenamin, Dave (November 22, 2020). „Kentavious Caldwell-Pope nets a three-year, $40 million deal to return to Los Angeles Lakers, agent says“. ESPN.com. Посетено на November 23, 2020.
  29. „Kentavious Caldwell-Pope again proves his worth to the Lakers in Game 4 against the Heat“. LATimes.com. October 7, 2020. Посетено на October 7, 2020.
  30. „Lakers Re-sign Kentavious Caldwell-Pope“. NBA.com. November 22, 2020. Посетено на November 23, 2020.
  31. 31,0 31,1 31,2 31,3 31,4 31,5 31,6 31,7 „Вкупно бодови, скокови и асистенции во НБА кариерата“. basketball-reference. Архивирано од изворникот на 2017-11-02. Посетено на 28 декември 2020.
  32. 32,00 32,01 32,02 32,03 32,04 32,05 32,06 32,07 32,08 32,09 „Најдобро во НБА кариерата“. basketball.realgm.com. Посетено на 28 декември 2018.

Надворешни врски уреди