Канадска набљудувачница за бездомништво
Канадска набљудувачница за бездомништво (КНБ; англиски: Canadian Observatory on Homelessness) - порано именувана како Канадска истражувачка мрежа за бездомници (КИМБ; Canadian Homelessness Research Network) ― канадски непрофитен, непартиски истражувачки институт кој работи со истражувачи, даватели на услуги, творци на политики, студенти и луѓе кои доживеале бездомништво.
Насочувања во истражувањата
уредиКНБ се насочува на следните области: „системски одговори“ на бездомништвото; утврдување ефективни модели на домување и поддршка; бездомништво на Абориџините; спречување на бездомништвото; бездомништво на младите; правни и правосудни прашања; мерење на напредокот кон ставање крај на бездомништвото; мобилизација на знаење и влијание на истражувањето.
Мрежната страница на организацијата, Homeless Hub, нуди информации за причините и решенијата за бездомништвото.
Основање и структура
уредиКИМБ била основана во 2008 година, преку 7-годишен грант на Советот за истражување на општествените и хуманистичките науки (СИОХН; Social Sciences and Humanities Research Council). Нејзините цели биле да биде зајакнето вмрежувањето меѓу засегнатите страни на теренот и да биде мобилизирано истражувањето за бездомниците во Канада.
Преку вториот грант на СИОХН доделен во 2013 година, КИМБ бил преименуван во Канадска набљудувачница за бездомништво (КНБ).[1] КНБ ја продолжува работата на КИМБ и воведува програма за истражување која вклучува месни, покраински и национални активности за надгледување, како и изворно истражување кое се однесува на клучните прашања во врска со бездомништвото. Тековен и основачки директор е д-р Стивен Гаец, професор на Универзитетот Јорк во Торонто, Онтарио, каде што е исто така сместена КНБ. Членовите на КНБ вклучуваат 28 академици од установи низ Канада, како и 28 агенции и организации во заедницата.
Дефиниција за бездомништвото
уредиВо 2005 година, немало доследна дефиниција за бездомништвото. Во тоа време, повеќето истражувања и програми се насочувале на „апсолутна бездомност“[2] и иницијативи за јавна политика.[2]
Во 2012 година, КИМБ/КНБ ја објави канадската дефиниција за бездомништво[3] за да создаде заедничко разбирање кога станува збор за мерење на бездомништвото во Канада и идентификување на цели, интервенции и стратегии за ефикасно справување со бездомништвото. Дефиницијата на КИМБ за бездомништво, која е тесно заснована на дефиницијата од Европската типологија на бездомници и исклучување од домување, го групира населението без покрив над главата во четири категории: „незаштитено“, „засолниште за итни случаи“, „привремено сместено“ и „со ризик од бездомништво“.[4]
Бездомништвото ја опишува ситуацијата на поединец или семејство без стабилно, трајно, соодветно домување или непосредно гледиште, средства и способност за негово стекнување. Тоа е резултат на системски или општествени пречки, недостаток на достапно и соодветно домување, финансиски, ментални, когнитивни, однесувачки или физички предизвици на поединецот/домаќинството и/или расизам и дискриминација. Повеќето луѓе не избираат да бидат бездомници, а искуството е воглавно негативно, непријатно, стресно и вознемирувачко.
—КИМБ, 2012
Новата дефиниција добила голема поддршка и исто така се соочила со одредени критики.[5] Оттогаш, канадската дефиниција за бездомништво била одобрена од 75 изучувачи и организации во заедницата.
Истражување и публикации
уредиКНБ произведува голем број ресурси за да им помогне на давателите на услуги, истражувачите, творците на политики итн., подобро да го разберат и да се справат со проблемот со бездомништвото.
Во соработка со Канадскиот сојуз за ставање крај на бездомништвото, КНБ (тогаш КИМБ) ја објавиле состојбата на бездомништвото во Канада во 2013 година, како што тие го нарекуваат првиот национален извештај за бездомништвото во Канада. Во извештајот било наведено дека 30.000 Канаѓани се бездомници секој ден, 200.000 во која било дадена година.[6] Авторите на извештајот ги повикале творците на политики да направат подобра работа за следење на бездомништвото и проценка на ефективноста на нивните одговори.[7]
Во 2014 година, овој извештај бил ажуриран за да покаже дека 235.000 Канаѓани доживуваат бездомници секоја година, што ја чини економијата 7 милијарди долари. Според извештајот, ќе бидат потребни само 46 долари повеќе по Канаѓанец за драстично да биде намален бројот на бездомници низ целата земја.[8]
КНБ, исто така, објавиле книга за политиката „Домување прво“ (Housing First) во Канада во 2013 година. Испитува како овој пристап е применет во Канада. Последователно, во 2014 година, КНБ објавиле рамка за „Домување прво“ посебно наменета за младите.[9]
Во соработка со Комисијата за душевно здравје на Канада (КДЗК; Mental Health Commission of Canada), КНБ ја објавил мрежната страница „Canadian Housing First Toolkit“, која содржи ресурси за планирање, спроведување, одржување и евалуација на програмата „Домување прво“. Ресурсите при страницата првенствено се засноваат на истражувачкиот проект „Дома“ (англиски: „At Home“; француски: „Chez Soi“) на КДЗК, кој се обидувал да се справи со бездомништвото за луѓето со душевна болест со комбинирање на третман со места за живеење. Пакетот со алатки бил финансиран од Здравство на Канада.[10]
Канадски сојуз за ставање крај на бездомништвото
уредиВо 2012 година, бил создаден „Канадскиот сојуз за ставање крај на бездомништвото“ за да биде подигната свеста за бездомништвото во Канада и „преку развивање на 10-годишни планови за ставање крај на бездомништвото (10 годишни планови).“ По објавувањето на клучниот извештај на Националниот сојузт на Соединетите Држави за ставање крај на бездомништвото од 2000 година, насловен „План, а не сон: Како да се стави крај на бездомништвото за десет години“, успешното движење станало меѓународно.[11] Претседавач на Канадскиот сојуз за ставање крај на бездомништвото е Алекс Химелфарб.
Наводи
уреди- ↑ Shapcott, Michael (6 јуни 2013). „Canadian Observatory On Homelessness Is Launched!“. www.wellesleyinstitute.com. Wellesley Institute. Посетено на 7 јуни 2024.
- ↑ 2,0 2,1 Frankish, C., Hwang, S., & Quantz, D. (2005). Homelessness and health in Canada: Research lessons and priorities. Canadian Journal of Public Health, 96(2)
- ↑ „Researchers nail down new definition of Canadian homelessness“. www.yorku.ca. York University. 10 September 2012. Посетено на 29 October 2014.
- ↑ „Canadian Definition of Homelessness“. 2012. Архивирано од изворникот на 2013-07-05.
- ↑ „Critics say new definition of 'homeless' too broad, includes those only 'at risk'“. National Post (англиски). 2012-09-12. Посетено на 7 јуни 2024.
- ↑ „Canada homeless study: 30,000 on streets, in shelters on given night“. CBC News. 19 јуни 2013. Посетено на 7 јуни 2024.
- ↑ „Finally, good news on homelessness: Editorial“. The Toronto Star. 22 јуни 2013. Посетено на 7 јуни 2024.
- ↑ Levitz, Stephanie (29 октомври 2014). „$46 more per Canadian per year can vastly cut homelessness, new report say“. The Toronto Star. Посетено на 7 јуни 2024.
- ↑ Goodman, Lee-Anne (21 April 2014). „'Housing First' approach may put homeless youth last, report warns“. CTV News. Посетено на 29 October 2014.
- ↑ „Project results and publications“. www.esdc.gc.ca. Health Canada. Архивирано од изворникот на 23 декември 2014. Посетено на 7 јуни 2024.
- ↑ A Plan, Not a Dream: How to End Homelessness in Ten Years (Report). 2000. Архивирано од изворникот на 2014-02-22. Посетено на 7 јуни 2024.