КК Универзитет „Гоце Делчев“

КК Гоце Делчев
КК Гоце Делчев
Лига	/
Основан	1967; пред 57 години
Распаднат	17 октомври 2015; пред 9 години
Место	Штип
Бои на клубот	кафеава и жолта;
Тренер	/
Позиција 2014/15 (последна сезона)	Плејаут 1ви; Прва Лига 7ми
Прваци	1 Втора Лига Мажи
Дресови
Домашен	Гостински ;

КК Универзитет Гоце Делчев е поранешен кошаркарски клуб од Штип, Македонија. Клубот една сезона се натпреварувал во Првата македонска кошаркарска лига. Клубот бил раководен од Универзитетскиот спортски центар - Гоце Делчев Штип.

Историја

Во 1967 г. професорот Методи Шишков ги започнал првите чекори во кошарката, така што собра дваесетина ученици од Гимназијата „Славчо Стојменски“ во Штип и ги започнал тренинзите во дворот на гимназијата. Идната година во Скопје се одиграле квалификациите за влегување во Првата кошаркарска лига во Македонија. Квалификациите успешно ги поминале и во Штип повторно заживеала кошарката. Кошаркарскиот клуб со име „Работник“ натпреварите ги играл во дворот на Гимназијата „Славчо Стојменски“. По 3-4 години натпреварите се играле во спортскиот комплекс „Џексон“. Почетните натпревари ги играле натпреварувачите: Благој Димов, Димитар Димитров, Миле Петковски, Љупчо Тасов, Љупчо Коцев, Павле Ѓоргиев, Делчо Толев, Мите Барбареов, Васе Ташков, Љупчо Арсов. Од 1975 г. се играло во салата на основното училиште во Карбинци. Тогаш тренер на екипата бил Раде Илиев. Натпреварите се играле и во Основното училиште „Тошо Арсов“, а екипата го носела името КК „Астибо“. Потоа тренинзите и натпреварите се изведувале и во Средното електротехничко училиште „Коле Нехтенин“, додека пак свој дом и вистински услови за работа, тренинг и натпревар добиле во 2008 година, кога спонзор на екипата станала Универзитетот „Гоце Делчев“. Натпреварите почнале да ги одржуваат во Спортската сала „Јордан Мијалков“.^[1]

Гоце Делчев во сезоната 2009/10 во Втората лига завршил на третото место.^[2] Во сезоната 2010/11, клубот завршил на четвртото место.^[3] Во сезоната 2011/12, Гоце Делчев завршил на петтото место.^[4] Во сезоната 2012/13 завршил на четвртото место во Втората лига.^[5] Во сезоната 2013/14, Гоце Делчев завршил на првото место во Втората лига, со што обезбедил пласман во Првата лига.^[6] Екипата иако во сезоната 2014/15 во Првата лига го одбегнала последното место кое водело до отпаѓање во Втората лига, клубот за следната сезона во Првата лига се повлекол од натпреварувањето поради финансиски причини и се приклучил во Втората лига.^[7]^[8]^[9] Меѓутоа подоцна клубот го откажал учеството и во Втората лига и се распаднал.^[10]

Последен состав

Тренер на екипата бил Делчо Толев.

број	име	висина см	позиција	години	националност	претходен клуб
6	Мико Голубовиќ	206	Центар	32	Црна Гора	Челик
67	Никола Караколев	197	Бек	27	Македонија	Лирија
8	Даниел Калов	204	Крилен центар / Центар	25	Македонија	Куманово
69	Иван Јованов	192	Бек	28	Македонија	младински тим
4	Димитар Петрушев	190	Бек	25	Македонија	Тор АК
21	Бранислав Радак	207	Центар	28	Србија	Сутјеска
88	Стефан Крстевски	190	Плејмејкер	21	Македонија	Водњански Лисици
15	Димитар Делипетров	200	Центар / Крилен центар	23	Македонија	Борец Баскет
10	Петар Апцев	199	Крилен центар	26	Македонија	Пелистер
7	Ристе Стојанов	196	Крилен центар	35	Македонија	Овче Поле
44	Тодор Ивковиќ	180	Плејмејкер	26	Македонија	Овче Поле
12	Александар Давитков	197	Крилен центар	32	Македонија	КФИ
5	Дамјан Стојменов			18	Македонија	младински тим
	Виктор Марјанов	193	Крилен центар / Центар	27	Македонија	младински тим
5	Влатко Андонов			23	Македонија	младински тим