Жданец (некропола)

Жданец — археолошко наоѓалиште во скопската населба Жданец, Општина Карпош. Претставува некропола од раноантичкото време.

На источната падина на Градиште во Средно Нерези, на местото каде што се простира дел од современата населба Жданец, во 1971 г. е откриено погребување во циста од камени плочи со значајна гробна содржина (накит од сребро, сад од бронза, меч од железо), датирана во првата половина на IV век п.н.е.

Во 1990 г. исто така случајно, е откриено уште едно погребување, исклучително ретко според обредниот ритуал. Имено, се работи за жртвено погребување на непознат пајонски кнез заедно со кола, два коња и двајца кочијаши, извршено на крајот на V или на почетокот на IV век п.н.е.

Поврзано

• Список на археолошки наоѓалишта во Скопско