Градиште - Брежине

Градиште - Брежине — археолошко наоѓалиште во тетовското село Челопек. Претставува населба и некропола од доцноантичкото време. Се наоѓа источно од селото, на падините на Сува Гора, каде при обработувањето на земјата се откриени темели од повеќе објекти, а на површината на нивите се среќаваат фрагменти од керамички садови, питоси и множество градежен материјал. Во непосредната близина се откриени и гробови. Од ова наоѓалиште потекнува еден надгробен споменик што се чува во Музејот на тетовскиот крај. Тука е пронајдена бронзена статуетка на богот Меркур (Хермес).

Поврзано

• Челопек;
• Список на археолошки наоѓалишта во Тетовско;