Босфорски Мост

Босфорски мост (турски: Boğaziçi Köprüsü), официјално Мост „Петнаесеттојулски маченици“ (15 Temmuz Şehitler Köprüsü) — еден од двата моста кои се протегаат на босфорскиот теснец во Истанбул, Турција. Овој мост ги поврзува Анадолија со Европа. Мостот се наоѓа меѓу Ортакој од европска страна и Бејлергеј на азиска страна.

Босфорски Мост
Босфорскиот мост ги поврзува Европа и Азија.
Носи	возила, пешаци
Место	Истанбул, Турција
Официјален назив	Boğaziçi Köprüsü
Особености
Вкуп. должина	1,56 км
Ширина	33,4 метри
Најдолг распон	1,074 км
Историја
Отворен	1973
Сообраќај
Дневен сообраќај	200,000
Местоположба

Долг е 1,56 км а неговата ширина е 33,4 метри. Распонот помеѓу столбовите изнесува 1,074 км, нивната висина е 165 метри, а висината на мостот над водата е 69 метри.

Во моментот е пуштен во употреба е мост со 4-ти најголем распон во свет (зад Веразано мостот во Њујорк, Голеден Гејт во Сан Франциско и Мекино мостот во Мичиген) и е висечки мост со најголем распон изграден надвор од САД.

Одлуката за градење на мостот е донесена во 1957 година за време на владата на премиерот Аднан Мендерас, деталните проекти се изработени во 1968 година од страна на британските инженери Гилберт Робертс и Вилиам Браун. Градбата е започната во февруари 1970 година, а свечено е отворен на 30 Октомври 1973 година, ден по прославата на 50 годишнината од прогласувањето на модерна Република Турција.

Дневниот промет е 180-200.000 возила, 90% од нив се патнички моторни возила, другото се товарни и автобуси. Наплатата на ”мостарината” е еднократна и се врши Азискиот дел. Во 1997 година забележан е премин ма милијардитото возило преку мостот.