Атина Апостолова (р. 20 мај 1946 во с. Л'нки, Преспанско - 7 март 2024[1] во Скопје) — македонска пејачка на народни песни.[2]

Атина Апостолова
Роден(а)20 мај 1946
с. Л'нки, Преспанско, СФРЈ СФР Југославија
ПотеклоМакедонија Македонија
Починал(а)7 март 2024(2024-03-07) (возр. 77)
Скопје, Македонија Македонија
Жанровинародна музика, поп-фолк музика
Занимањапејач
Период на активност1963 - 2024

Животопис

уреди

Атина Апостолова е родена на 20 мај 1946 година во с. Л'нки, Преспанско, детството го минува во Скопје. Дипломира на Економскиот факултет во Скопје. Таа е македонска пејачка на народна музика. Таа со музика се занимава уште од најрана возраст, учествувала во емисијата "Микрофонот е ваш" каде го освоила првото место, со песната "Не си го продавај Кољо чифликот", која и била првата снимка на Атина. Позната е по песните Запејте мераклии, Цела вечер ќе ти пејам, Верувај ми, Усни румени, Те видов, и се заљубив, Дали знаеш либе, Ако грешам, Иле Илија и многу други. Таа имала турнеји во Австралија, Канада, Америка и европските земји. Во Австралија има настапувано со Круме Спасовски, Никола Бадев и Александар Сариевски. Има одлична соработка со: Ванчо Тарабунов, Ефто Пупиновски и Милан Завков. Во својата долгогодишна кариера има испеано неколку дуети со: Ванчо Тарабунов (Верувај ми) и Ефто Пупиновски (Скопските боеми). Има учествувано на голем број музички фестивали во Македонија, за нејзините успеси говорат бројните награди и признанија на фестивалите: Фолк Фест Валандово, Цветници, Филиграни и Гоце Фест. Во 2023 година на Фестивалот "Тумба Фест" Куманово ја добива наградата за животно дело. Зад себе има и неколку албуми од кои три снимени во Белград и два во Македонската радио телевизија.

Наводи

уреди
  1. „Почина Атина Апостолова, доајен на македонската народна музика“. Слободен печат. Посетено на 7 март 2024.
  2. „(Видео) "Ни отиде Тинче", ни беше како мајка - Почина Атина Апостолов, доајен на македонската фолк музика“. Канал 77. Посетено на 8 март 2024.

Надворешни врски

уреди