Александар Сариевски
Александар Сариевски (20 јуни 1922 — 19 декември 2002) — македонски пејач на македонска народна музика и композитор на новосоздадени фолклорни песни.
| Александар Сариевски | |
|---|---|
 Александар Сариевски во изведба | |
| Животописни податоци | |
| Роден(а) | 20 јуни 1922 Галичник, Македонија |
| Починал(а) | 19 декември 2002 (возр. 80) Скопје, Македонија |
| Жанрови | народна музика |
| Занимања | текстописец |
| Инструменти | пејач |
| Период на активност | 1946 — 2002 |
| Соработници | „Танец“ |
Животопис
уредиСариевски е роден во Галичник, а средното образование го завршил во Скопје, кога и започнал да свири хармоника. Во 1946 г. во Македонското радио ја снимил песната „А бре невесто око калешо“. Исто така, Сариевски е еден од основачите на ансамблот „Танец“.
Сариевски починал на 19 декември 2002 година. Притоа, по повод смртта на Сариевски, телеграма со изрази на искрено сочувство до неговото семејство упатил и министерот за култура Благој Стефановски во која истакнал дека „со смртта на овој доајен замина човекот, кој низ звукот на тапанот во „Тешкото“, низ народната песна, низ целиот свој живот од Галичник до легендата ја опеваше душата и битот на македонскиот народ“.[1][2]
Творештво
уредиСариевски е композитор и текстописец на познатата песна „Зајди, зајди јасно сонце“. Во своите песни, тој ги опеал родниот Галичник, невозвратената љубов, печалбарството, а познат е и по многуте хумористични песни. Неговиот музички опус претставува дел од македонското културно богатство. Исто така, Сариевски е еден од основачите на ансамблот „Танец“ со кој постојано патувал низ светот, ширејќи го оригиналниот македонски народен мелос.
Сариевски е најмногу запаметен по интерпретацијата на следниве песни:
- „Зајди, зајди јасно сонце“ (автор)
- „Учи ме мајко, карај ме“
- „Јовано, Јованке
- „Море сокол пие“
- „Дејгиди луди млади години“
- „Абер дојде, Донке“
- „Зајко кукурајко“
- „Кандисал Ајрудин паша“ и многу други.
Исто така, тој компонирал и поголем број песни, како:
Дискографија
уреди- Aleksandar Sarievski, PGP RTB, EP 12703.
- Macedonian Folklore Classics, Aleksandar Sarievski. Macedonian Radio and Television.
Наводи
уреди- ↑ Почина Александар Сариевски, Дневник, петок, 20 декември 2002, стр. 1.
- ↑ Александар Сариевски, А1 Вести, 2002.
- ↑ Duetот Kuculova-Andreevski, RTB, EP 12 712.
- ↑ Aleksandar Sarievski, PGP RTB, EP 12703.