Агова Маала
Агова Маала (грчки: Αδελφικό, Аделфико; до 1927 г. Άγκω Μαχαλά, Аго Махала[2]) — село во Серско, Егејска Македонија, денес во општината Сер на Серскиот округ, Грција. Сè до 1920-тите било населено исклучиво со Македонци, а денес е мешано.[3]
| Агова Маала Αδελφικό | |
|---|---|
  Агова Маала | |
|
Местоположба во областа   Агова Маала | |
| Координати: 41°0.52′N 23°27.27′E / 41.00867° СГШ; 23.45450° ИГД | |
| Земја | Грција |
| Област | Централна Македонија |
| Округ | Серски |
| Општина | Сер |
| Општ. единица | Киспикеси |
| Надм. вис. | 10 м |
| Население (2021)[1] | |
| • Вкупно | 209 |
| Час. појас | EET (UTC+2) |
| • Лето (ЛСВ) | EEST (UTC+3) |
Географија
уредиСелото се наоѓа во Серското Поле, југозападно од Сер. Лежи близу до левиот брег на Струма.[4]
Историја
уредиВо Отоманското Царство
уредиВо XIX и почетокот на XX век Агова Маала било чисто македонски чифлик во Серската каза. Во „Етнографија на вилаетите Адријанопол, Монастир и Салоника“ се вели дека во 1873 г. Агова Маала (Ago-mahala) имала 35 домаќинства сочинети од 118 жители Македонци.[5][6] Грчка статистика од 1886 г. го води Аго Махалас (Άγκο Μαχαλάς) како село со 150 христијани.[7]
Во 1891 г. Георги Стрезов напишал за селото:
| „ | Агова Маала, чифлик на серскиот доктор Атанасаки на ЈЗ од градот близу 3 часа. Иако е до реката и со истите услови како горните два чифлика,[8] со усилбите на сопственикот Агова Маала многу ги надминува соседните села. 30 куќи.[9] | “ |
Според статистиката на Васил К’нчов („Македонија. Етнографија и статистика“) од 1900 г. селото броело 240 жители Македонци-христијани.[5][10]
На почетокот XX век населението на Агова Маала (Agova-Mahala) било под врховенството на Цариградската патријаршија. По податоци на егзархискиот секретар Димитар Мишев („La Macédoine et sa Population Chrétienne“) во 1905 г. селото се состоело од 248 Македонци патријаршисти и 18 Роми.[5][11] Грчка статистика од 1908 г. го води Аго Махале (Άγκο Μαχαλέ) како село со 210 егзархиски жители.[7]
Селаните од Агова Маала се жалеле до европските конзули и властите го осудиле кметот на селото.[12]
Во Грција
уредиЗа време на Првата балканска војна селото е окупирано од бугарска војска, а по Втората балканска војна во 1913 г. е припоено кон Грција согласно Букурешкиот договор. Таа година населението броело 292 жители, кои во 1920 г. се намалиле на 152 лица.[3] Во 1923-1924 г. 4 жители под притисок на власта се иселиле во Бугарија, а државата довела грчки колонисти. На пописот од 1928 г. Агова Маала имала 564 жители,[3] од кои 344 лица (74 семејства) биле грчки дојденци, а останатите македонски староседелци.[13]
Во 1952–1953 г. на сретселото е изградена црквата „Св. Атанасиј“.[14]
| Име | Грчки | Ново име | Грчки | Опис |
|---|---|---|---|---|
| Ќорколак[4] | Κιορκολάκι | Страво Авти | Στραβό Αύτί[15] | месност на С од Агова Маала[4] |
Население
уредиЕве преглед на населението во сите пописни години, од 1940 г. до денес:
| Година | 1940 | 1951 | 1961 | 1971 | 1981 | 1991 | 2001 | 2011 | 2021 |
|---|---|---|---|---|---|---|---|---|---|
| Население | 690 | 734 | 915 | 758 | 581 | 531 | 526 | 254 |
- Извор за 1940-1991 г.: Т. Симовски, Населените места во Егејска Македонија
Културни и природни знаменитости
уреди- Црква „Св. Атанасиј“ од 1953 г.
Наводи
уреди- ↑ „Попис на населението од 2021 г. Трајно население“. Државен завод за статистика на Грција.
- ↑ „Μετονομασίες των Οικισμών της Ελλάδας“. Πανδέκτης: Name Changes of Settlements in Greece. Посетено на 12 април 2021.
- ↑ 3,0 3,1 3,2 Симовски, Тодор Христов (1998). Населените места во Егеjска Македониjа (PDF). II дел. Скопjе: Здружение на децата-бегалци од Егејскиот дел на Македонија, Печатница „Гоце Делчев“. стр. 245. ISBN 9989-9819-6-5.
- ↑ 4,0 4,1 4,2 По топографска карта М1:50 000, издание 1980-1985 „Генеральный штаб“
- ↑ 5,0 5,1 5,2 Како што е општопознато, Македонците во бугарските извори се присвојуваат и водат како Бугари, и покрај признанието дека самите се изјаснувале како Македонци.
- ↑ Македония и Одринско : Статистика на населението от 1873 г. София: Македонски научен институт – София, Македонска библиотека № 33. 1995. стр. 118–119. ISBN 954-8187-21-3.
- ↑ 7,0 7,1 Демографија на селата во општината Копеки, Архивирано од изворникот на 30 ноември 2007, Посетено на 30 јуни 2009
- ↑ Џами Маала и Камила.
- ↑ Стрезов, Георги (1891). „Два санджака отъ Источна Македония“ (PDF). Периодическо списание на Българското книжовно дружество въ Средѣцъ. Средѣцъ: Държавна печатница. Година Седма (XXXVI): 842.
- ↑ Кѫнчовъ, Василъ (1900). Македония. Етнография и статистика. София: Българското книжовно дружество. стр. 176. ISBN 954430424X.
- ↑ Brancoff, D. M (1905). La Macédoine et sa Population Chrétienne : Avec deux cartes etnographiques (PDF). Paris: Librarie Plon, Plon-Nourrit et Cie, Imprimeurs-Éditeurs. стр. 200–201.
- ↑ Одрински глас, брой 18, 11 май 1908, стр. 4.
- ↑ Κατάλογος των προσφυγικών συνοικισμών της Μακεδονίας σύμφωνα με τα στοιχεία της Επιτροπής Αποκαταστάσεως Προσφύγων (ΕΑΠ) έτος 1928, Архивирано од изворникот на 30 јуни 2012, Посетено на 30 јуни 2012
- ↑ „Ιερός Ναός Ἁγίου Ἀθανασίου“. Ιερά Μητρόπολη Σερρών και Νιγρίτης. Посетено на 16 декември 2017.
- ↑ „Β. Διάταγμα ΥΠ' Αριθ. 427. Περὶ μετονομασίας συνοικισμὤν, κοινοτήτων καὶ θέσεων“ (PDF). Εφημερίς της Κυβερνήσεως του Βασιλείου της Ελλάδος. Εν Αθήναις: Ἐκ τοῦ Εθνικού Τυπογραφείου. Τεύχος Πρώτον (Αριθμός Φύλλου 146): 1042. 1968. Занемарен непознатиот параметар
|month=(help)