Отвори го главното мени

Автомобилска индустрија во Турција

Турските автомобилски компании како ТЕМСА, Отокар и BMC се меѓу најголемите производители на комбиња и камиони во светот.

Автомобилската индустрија во Турција игра важна улога во производствениот сектор на турската економија. Компаниите кои работат во турскиот автомобилски сектор главно се наоѓаат во Мраморниот регион.

Во 2012 година, Турција произвела повеќе од 1 милион моторни возила. Со група на производители на автомобили и добавувачи на делови, турскиот автомобилски сектор станал составен дел на глобалната мрежа на производствени бази, извезувајќи моторни возила и компоненти со вредност од околу 20 милијарди долари. Глобалните производители на автомобили со производни погони во земјата се: Фијат/Тофаш, Ојак-Рено, Хјундаи, Тојота, Хонда и Форд/Отосан.

Основите на индустријата биле поставени во 1950-тите, кога ТОЕ (Türk Otomotiv Endüstrileri) започнал со производство на воен камион на РЕО, а подоцна и камиони на International Harvester. Краткиот обид за производство на автомобили бил прекинат. Во 1961 година првиот домашен автомобил Дерим бил направен од ТУЛОМСАШ. Со формирањето на фабриката за склопување Отосан во 1959 година, масовното производство на домашниот автомобил Анадол започнало во 1966 година.

ИсторијаУреди

 
Последен примерок на дервим
 
Анадол A1
 
Тофаш Мурат 124
 
Ојак-Рено 12
 
Анадол STC-16
 
Карсан Пежо J9
 
Етокс Зафер

Во 1959 година, фабриката Отосан била основана во Истанбул за производство на моделите на Форд под лиценца во Турција.

Во 1961 година, седан Деврим бил произведен во фабриката ТУЛОМСАШ во Ескишехир. Тоа бил првиот автохтоно дизајниран и произведен турски автомобил.

Во 1964 година, возилата Остин и Морис од Британската моторна корпорација започнале да се произведуваат под лиценца во фабриката BMC во Измир. BMC брендот подоцна бил целосно целосно стекнат од турската компанија Чукурова во 1989 година, која во моментов ги произведува сите модели на BMC во светот.

Во 1966 година Анадол станал првиот масовен турски автомобилски бренд. Сите модели на биле произведувани од фабриката на Отосан во Истанбул.

Во 1968 година во Бурса беше отворена фабриката Тофаш за производство на модели на Фијат под лиценца.

Во 1969 година во Бурса била формирана фабриката Ојак-Рено за производство на модели од Рено.

Другите светски производители на автомобили, како што се Хјундаи, Тојота, Хонда и Мерцедес, произведуваат автомобили, комбиња, автобуси и камиони во нивните турски фабрики. Исто така, постојат голем број на турски автобуси и камиони, како што се BMC, Отокар и ТЕМСА.

До 2004 година, Турција извезувила 518.000 возила годишно, главно во земјите-членки на Европската унија[1].

Во 2006 година, Европската инвестициона банка му позајмила 175 милиони евра на Тофаш за заеднички развој и производство на мали комерцијални возила PSA Peugeot Citroën и Fiat Auto на европскиот пазар. Заемот, делумно финансирање на вкупните инвестиции проценетна 400 милиони евра, имал за цел да резултира со значајно проширување на производните капацитети на компанијата и да создаде околу 5.000 нови работни места. Автомобилите требало да бидат произведени во фабриката за производство на Тофаш во Бурса со дополнителен почетен капацитет од 135.000 возила[2].

Првото официјално претставување на Етокс Зафер се одржало на 30 август 2007 година.

Како и во многу други земји, индустријата за производство на автомобили е значително засегната од глобалната финансиска криза. Во март 2009 година, турското здружение за автомобилска индустрија соопштило дека производството на автомобили е намалено за 63% во текот на годината во првите два месеци од 2009 година, додека извозот опаднал за 61,6% во истиот период[3].

ПроизводствоУреди

Турција произвела 1.124.982 моторни возила во 2010 година[4], и била рангирана како 7-ти најголем производител на автомобили во Европа; (5,819,614), Франција (3,174,260), Шпанија (2,770,435), Обединетото Кралство (1,648,388), Русија (1,508,358) и Италија (1,211,594)[5].

Во 2008 година Турција произвела 1.147.110 моторни возила, рангирајќи се како шести најголем производител во Европа (зад Обединетото Кралство и над Италија) и 15-ти најголем производител во светот[6][7].

Комбинираниот капацитет на 6 компании за производство на патнички возила изнесувал 726.000 единици годишно во 2002 година, достигнувајќи 991.621 единици годишно во 2006 година[8]. Во 2002 година Фијат/Тофаш имал 34% од овој капацитет, Ојак/Рено 31%, Хјундаи/Асан и Тојопта 14%, Хонда 4% и Форд/ Отосан 3%.

Со група на производители на автомобили и добавувачи на делови, турскиот автомобилски сектор станал составен дел на глобалната мрежа на производствени бази, извезувајќи повеќе од 22.944.000.000 во вредност од моторни возила и компоненти во 2008 година[9][10].

Домашен турски автомобилУреди

На 2 ноември 2017 година, Турција објавила дека пет турски компании, под координација на Сојузот на комори и размена на стоки на Турција, ќе учествуваат во конзорциумот за производство на автомобили во земјата. Очекувањата се дека првиот прототип ќе биде објавен во 2019 година и комерцијалната продажба до 2021 година[11].

Конзорциумот ги вклучува следниве домашни (автомобилски) компании:

  • BMC
  • Анадолу
  • Кирача холдинг
  • Вестел
  • Туркџели

НаводиУреди

  1. „TURKEY: CAR EXPORTS ESTIMATED. | Goliath Business News“. Goliath.ecnext.com. 2005-06-08. конс. 2011-04-03. 
  2. „Turkey’s car industry in perpetual motion“. Eib.org. 2006-06-08. конс. 2011-04-03. 
  3. „Car industry turns into a Turkey - BUSINESS NEW EUROPE“. Businessneweurope.eu. 2009-03-27. Архивирано од изворникот на 2009-10-15. конс. 2011-04-03. 
  4. Turkish Automotive Production Архивирано June 11, 2009, во Wayback Machine., Turkish Automotive Producers' Association
  5. „OICA: WORLD MOTOR VEHICLE PRODUCTION BY COUNTRY, 2005-2006.“ (PDF). конс. 2011-04-03. 
  6. Türkiye otomotiv sektöründe büyüyor“, Ulaşım Online, 29 јуни 2009 (посет. 6 јули 2009 г).
  7. „2008 PRODUCTION STATISTICS“. OICA. Архивирано од изворникот на 1 May 2011. конс. 2011-04-03. 
  8. Özpeynirci, Emre. „Otomotiv üretiminde 17’nciliğe yükseldik, Belçika’yı da geçtik“, „Hürriyet“, 27 јуни 2007 (посет. 29 август 2008 г). (на Turkish)
  9. „Otomotiv İhracatı 2008'de 22 Milyar 944 Milyon Dolara Ulaştı“. Haberler. конс. 2011-04-03. 
  10. 03.04.2011 Pazar 09:04. „2008’de otomotiv ihracatı rekor kırdı“. HaberX. конс. 2011-04-03. [мртва врска]
  11. 5 Turkish companies take part in consortium for domestically-made car production“, Daily Sabah, 2 ноември 2017 (посет. 2 ноември 2017 г).