The Edge of Glory

„The Edge of Glory“ е песна од американската пејачка и текстописец Лејди Гага од нејзиниот втор студиски албум, Born This Way (2011). Песната била издадена дигитално на 9 мај 2011 и била испратена до радијата во САД на 17 мај 2011 година. „The Edge of Glory“ заедно со „Hair“, биле оригинално издадени како два промоциоанлни синглови пред издавањето на Born This Way. Следејќи го успехот на песната ширум светот, било изјавено дека песната ќе служи како третиот официјален сингл од албумот.

„The Edge of Glory“
Сингл од Лејди Гага
од албумот Born This Way
Издаден	мај 9 2011 (2011-05-09)
Текстописец	Лејди Гага, Фернандо Гарибеј, Диџеј Вајт Шадоу
Формат	ЦД сингл, дигитално спуштање
Снимен	2010; The Living Room Studios, Осло, Норвешка
Жанр	Електро рок, денс-поп, синтпоп
Должина	5:20 (Сингл верзија) 4:21 (Радио верзија)
Издавачка куќа	Streamline, Interscope, Kon Live
Продуцент	Лејди Гага, Фернандо Гарибеј
Хронологија на синглови на Лејди Гага
„Judas“ (2011) „The Edge of Glory“ (2011) „Yoü and I“ (2011)

„The Edge of Glory“ содржи продукции од Лејди Гага, Фернандо Гарибеј и диџеј Вајт Шадоу. Снимачките сесии за песната биле одржани во The Living Room Studios во Осло, Норвешка и Германо Студиос во Њујорк Сити. „The Edge of Glory“ е денс песна која зборува за последните моменти на живеењето на Земјата. Според Гага, инспирацијата за текстот дошла од смртта на нејзиниот дедо, во септември 2010. Мелодијата на песната потсетува на работата на Брус Спрингстин и содржи музика како електро рок и синтпоп. Забележливо е и користењето на саксофонско соло, изведено од Кларенс Клејмон, кој бил член на бендот The E Street Band пред неговата смрт.

Критичарите ја пофалиле „The Edge of Glory“, со тврдењето дека песната е најдобрата во албумот. Повеќето ги пофалиле продукцијата и рефренот на песната. Критичарите ги пофалиле и вокалите на Гага. опишувајќи ги како „душевни“. Песната се искачила меѓу првите десет места во неколку поголеми музички паркети, вклучувајќи ги оние во Канада, Белгија, Норвешка, Шпанија и Нов Зеланд. Во САД, се искачила на третото место на Билборд Хот 100, со што станал десеттиот последователен топ-десет сингл на Гага во САД.

Музичкото видео за песната било снимено кон крајот на мај и било ко-режирано од Гага и Haus of Gaga. Видеото е поедноставно за разлика од претходните нејзини музички видеа. Содржи драматични разлики вклучувајќи ја едноставната кореографија, недостатокот на позадински танџери и користењето на облека дизајнирана од Версаче. Критичарите ја пофалиле едноставноста на видеото, а неколку од нив го споредиле видеото со работата на Мајкл Џексон и Мадона, во песните „Billie Jean“ и „Papa Don't Preach“.

Позадина и издавање

„The Edge of Glory“ е напишана од Лејди Гага, Фернандо Гарибеј и диџеј Вајт Шадоу, а била продуцирана од Гага и Гарибеј. Почетоците на текстот излегле во јануари 2011, кога Гага ги задевала обожавателите со текстот на песната.

Список на песни

• Дигитално спуштање

1. „The Edge of Glory“ - 5:20

• ЦД сингл

1. „The Edge of Glory“ (Радио Верзија) - 4:20
2. „The Edge of Glory“ (Клуб Микс од Cahill) - 7:26

Кредити и личности

Кредитите за „The Edge of Glory“ се преземени од забелешките во Born This Way.

Лејди Гага – вокали, текстописец, продуцент, клавијатура и позадински вокали Фернандо Гарибеј – текстописец, продуцент, програмирање и клавијатура Диџеј Вајт Шадоу – текстописец и дополнително програмирање на тапаните Карим „Jesus“ Девлин – гитара Кларенс Клејмонс – саксофон Дејв Расел – снимање, аудио миксинг

Џорџ Тандеро – снимачки асистент Кен Кнапстад – снимачки асистент Били Малина – дополнителен инжинеринг Кента Јонесака – миксинг асистент Кевин Портер – миксинг асистент Ал Карлсон – миксинг асистент Гене Грималди – мастеринг

Надворешни врски

• Матична страница