Утерзум (германски: Utersum; фериншки: Ödersem; дански: Yttersum) — општина на островот Фер, во округот Северна Фризија, во Шлезвиг-Холштајн, Германија. Во рамките на општината влегува и селото Хедехузум.

Утерзум
Сламена куќа во Утерзум
Сламена куќа во Утерзум
Сламена куќа во Утерзум
Утерзум во рамките на Германија
Утерзум
Управа
Земја Германија
Покраина Шлезвиг-Холштајн
Округ Северна Фризија
Месна заед. Фер-Амрум
Градоначалник Јоахим Лоренцен
Основни податоци
Површина 5,26 км2
Надм. височина 3 м
Население 406 (31 декември 2020)[1]
 - Густина 77 жит/км2
Други информации
Часовен појас CET/CEST (UTC+1/+2)
Рег. табл. NF
Пошт. бр. 25938
Повик. бр. 04683
Портал www.utersum.de
Местоположба на Утерзум во рамките на округот Северна Фризија
Карта
Карта
Координати 54°43′N 8°24′E / 54.717° СГШ; 8.400° ИГД / 54.717; 8.400Координати: 54°43′N 8°24′E / 54.717° СГШ; 8.400° ИГД / 54.717; 8.400

Географија уреди

 
Плажата кај Утерзум при ниска плима со поглед на северниот дел на островот Амрум

Селото се наоѓа помеѓу борова шума на крајниот југозапад на Фер, со поглед на соседните острови Амрум и Зилт. Тоа е најмалото приморско одморалиште на Фер. Во Утерзум постои санаториум, кој е специјализиран во болестите на белите дробови и во онкологијата и гинекологијата.

Морските птици како сабјарките најчесто ловат долж низините на потокот Годел.

Автобуска линија го поврзува местото со другите села на Фер и со градот Вик.

Историја уреди

Три зачувани долмени сведочат за населбите од бронзеното доба.

Во XVII и XVIII век, китоловството било важна дејност на Фер. Пописот во 1787 година покажал дека Утерзум и Хедехузум заедно имале 294 жители, 62 од нив биле поморци.[2] Како дел од Вестерланд Фер, Утерзум припаѓал на кралската данска енклава и бил директно дел од данската круна, додека Остерланд Фер и Вик припаѓале на Војводството Шлезвиг. Данска го изгубила Шлезвиг од Прусија по Втората шлезвишка војна во 1864 година и Утерзум станал дел од Шлезвиг-Холштајн.[3]

Утерзум, Хедехузум и блиската општина Витзум биле единствените од втората зона на Шлезвишкиот референдум кои гласале за Данска; но бидејќи не се наоѓале на самата граница, останале во Германија.

Наводи уреди

  1. „Население во разните административни единици на Шлезвиг-Холштајн во 2020 г.“. Статистичка служба за Хамбург и Шлезвиг-Холштајн. јуни 2021. (германски)
  2. Faltings, Jan I. (2011). Föhrer Grönlandfahrt im 18. und 19. Jahrhundert (германски). Амрум: Verlag Jens Quedens. стр. 13. ISBN 978-3-924422-95-0.
  3. Faltings, Jan I., Föhrer Grönlandfahrt .... p. 30.

Надворешни врски уреди