Турчели
Турчели (Тузчели или Тусчели, грчки: Θρακικό, Тракико; до 1927 г. Τουρτσελή, Турцели[2]) — село во Валовишко, Егејска Македонија, денес во општината Синтика на Серскиот округ, Грција. Сè до 1920-тите било населено со Турци.[3]
| Турчели Θρακικό | |
|---|---|
  Турчели | |
|
Местоположба во областа   Турчели | |
| Координати: 41°15.49′N 23°11.35′E / 41.25817° СГШ; 23.18917° ИГД | |
| Земја | Грција |
| Област | Централна Македонија |
| Округ | Серски |
| Општина | Синтика |
| Општ. единица | Петрич |
| Надм. вис. | 80 м |
| Население (2021)[1] | |
| • Вкупно | 83 |
| Час. појас | EET (UTC+2) |
| • Лето (ЛСВ) | EEST (UTC+3) |
Географија
уредиСелото се наоѓа во јужното подножје на Беласица, на север од Бутковското Езеро. Лажи 8 км источно од Ветрен и практично е споемно со селото Рамна.
Историја
уредиВо Отоманското Царство
уредиВо „Етнографија на вилаетите Адријанопол, Монастир и Салоника“ се вели дека во 1873 г. Тусчили (Toustchili) било село во Серската каза со 86 домаќинства сочинети од 208 муслимани.[4]
Во 1891 г. Георги Стрезов напишал за селото:
| „ | Тузчели, на З од Џумаја, отаде Струма до езерото. Почва богата; местоположба на рамно поле, кое се напојува од излевањето на Струма. Околното поле, кое исто така се нарекува „Тузчели“, многу страда од поплави: Струма често си ја менува матката, па прави пустоши. 70 куќи турски. И името на селото е турски значи „Солено“ поради тоа. Според едно месно предание, морето било до тука, па селото било на брегот и вадело сол. И сега покажуваат еден вековен даб на кој има железна алка; на неа ги врзувале чамците. Ова предание го предавам само за љубопитство. Најверојатното толкување што може да му се даде е дека тука во незапаметено време некако се добивало сол.[5] | “ |
Во Грција
уредиПо Балканските војни во 1913 г. селото е припоено кон Грција согласно Букурешкиот договор. Поради војните, во истата 1913 г. населението спаднало на 208 жители, а во 1920 (по Првата светска војна) на 101 жител.[3] Во 1924 г. жителите се иселени во Турција по сила на Лозанскиот договор, а на нивно место се доведени грчки колонисти од Тракија. Во 1927 г. селото преименувано во Тракико, во превод тракиско. На пописот од 1928 г. Турчели е претставено како чисто дојденско село со 234 лица (54 семејства).[6]
Население
уредиЕве преглед на населението во сите пописни години, од 1940 г. до денес:
| Година | 1940 | 1951 | 1961 | 1971 | 1981 | 1991 | 2001 | 2011 | 2021 |
|---|---|---|---|---|---|---|---|---|---|
| Население | 162 | 190 | 241 | 132 | 120 | 151 | 122 | 95 |
- Извор за 1940-1991 г.: Т. Симовски, Населените места во Егејска Македонија
Наводи
уреди- ↑ „Попис на населението од 2021 г. Трајно население“. Државен завод за статистика на Грција.
- ↑ „Μετονομασίες των Οικισμών της Ελλάδας“. Πανδέκτης: Name Changes of Settlements in Greece. Посетено на 12 април 2021.
- ↑ 3,0 3,1 Симовски, Тодор Христов (1998). Населените места во Егеjска Македониjа (PDF). II дел. Скопjе: Здружение на децата-бегалци од Егејскиот дел на Македонија, Печатница „Гоце Делчев“. стр. 210. ISBN 9989-9819-6-5.
- ↑ Македония и Одринско : Статистика на населението от 1873 г. София: Македонски научен институт – София, Македонска библиотека № 33. 1995. стр. 120–121. ISBN 954-8187-21-3.
- ↑ Стрезов, Георги (1891). „Два санджака отъ Источна Македония“ (PDF). Периодическо списание на Българското книжовно дружество въ Средѣцъ. Средѣцъ: Държавна печатница. Година Седма (XXXVI): 851.
- ↑ Κατάλογος των προσφυγικών συνοικισμών της Μακεδονίας σύμφωνα με τα στοιχεία της Επιτροπής Αποκαταστάσεως Προσφύγων (ΕΑΠ) έτος 1928, Архивирано од изворникот на 30 јуни 2012, Посетено на 30 јуни 2012