Отвори го главното мени
Помаци на почетокот на XX век.

Помаци — етнички Македонци со исламска вероисповест, чиј мајчин јазик е помачкиот, кој се смета за македонски или бугарски дијалект, зависно од гледиштето. Помаците во текот на Отоманската Империја се преобратиле во ислам. Денес ги сметаат за верска група на Бугари, која претежно живее во Пиринска Македонија, како и во североисточна Егејска Македонија, Западна Тракија и европскиот дел на Турција (Источна Тракија).

Етимолошкото значење на зборот „помак“ најверојатно доаѓа од словенскиот збор помагачи. Овој назив најверојатно потекнува од времето на Османлиите, каде Помаците биле означени како колаборативна група.

Во XX век Помаците доживеале повеќе етапи на асимилација и бугаризација од страна на бугарската државна управа. Од 1905 година во Бугарија се користи називот „Помаци“. Во текот на Балканските војни (1912 и 1913) голем дел од Помаците се принудени да се преобратат во христијани, со што дел после Букурешкиот договор во 1913 бил поништен. Помеѓу 1938 и 1944 година се принудувани да прифатат бугарски имиња, што се повторувало и во 1950-тите и 1970-тите години.

Бугарската статистика не ги прикажува посебно. Мнозинството Помаци на пописот во Бугарија се изјаснуваат како „Бугари со исламска вероисповест“. На пописот 2001 година 130.000 жители се изјасниле како такви, со што во Смолјанската област биле мнозинство.

ПоврзаноУреди