Милошево
Милошево — село во Општина Крушево, во околината на градот Крушево.
| Милошево | |
Поглед на селото | |
  Милошево Местоположба на Милошево во Македонија
Милошево на карта
| |
| Координати 41°18′33″N 21°18′45″E / 41.30917°N 21.31250°E | |
| Регион |  Пелагониски
|
| Општина |  Крушево
|
| Население | 42 жит. (поп. 2021)[1]
|
| Пошт. бр. | 7524 |
| Повик. бр. | 048 |
| Шифра на КО | 16018 |
| Надм. вис. | 650 м |
|
Милошево на општинската карта  Атарот на Милошево во рамките на општината | |
 Милошево на Ризницата
| |
Географија и местоположба
уреди
Ова мало село се наоѓа во јужниот рамничарски дел на Општина Крушево.[2] Селото е рамничарско, на надморска височина од 650 метри. Од градот Крушево селото е оддалечено 13 километри.[2]
Милошево е мало потпланинско село на средина на патот помеѓу Пресил на југ и Свето Митрани на север.[3]
Селото има низински тип и куќите му се поредени покрај патот во насока север-југ.[3]
Историја
уредиСелото е основано во 1923 година од колонисти во Далмација, населени на утрина (земја за пасење). Тогаш селото било основано во самата Пелагонија, 2 километри источно од денешното место (близу Крушеани). Меѓутоа, мештаните таму не можеле да живеат поради поплави. Во 1939 година, населението било преместено на денешното место.[3]
Во 1941 година било укинато името Милошево и се водело како маало на соседното Пресил.[3]
Во 1942 година, Милошево имало девет српски домаќинства. Тогаш, бугарските окупатори во секоја куќа го убиле домаќинот, а жените и децата ги протерале.[3]
Населбата била обновена по Втората светска војна од мештаните кои се вратиле. Тогаш, селото повторно го вратило својот статус на село.[3]
Стопанство
уредиБидејќи Милошево има заеднички атар со селото Пресил, за него нема одделни податоци за аграрната структура, односно не се води посебна катастарска евиденција.[2]
Население
уреди
|
| |||||||||||||||||||||||||||||||||
Селото е мало и во 1961 година броело 79 жители, од кои 63 биле Македонци, а 16 жители Срби, а во 1994 година 60 жители, од кои 51 Македонци, а 9 жители Срби.[2]
Според пописот од 2002 година, во селото Милошево живееле 50 жители, од кои 38 Македонци и 12 Срби.[4]
Според последниот попис од 2021 година, во селото живееле 42 жители, сите Македонци.
Во табелата во продолжение е направен преглед на населението во сите пописни години:
| Година | 1900 | 1905 | 1948 | 1953 | 1961 | 1971 | 1981 | 1991 | 1994 | 2002 | 2021 |
|---|---|---|---|---|---|---|---|---|---|---|---|
| Население | — | — | 48 | 55 | 79 | 101 | 89 | 76 | 60 | 50 | 42 |
- Извор за 1900 г.: Македонија. Етнографија и статистика.[5]; за 1905 г.: La Macédoine et sa Population Chrétienne.[6]; за 1948-2002 г.: Државен завод за статистика на РМ.[7]; за 2021 г.: Државен завод за статистика на РМ.[8]
Родови
уредиМилошево е македонско-српско село.[3]
Според истражувањата на Јован Трифуноски во 1952 година родови во селото се:
- Српски родови во селото се: Загориќи (2 к.), Стојисављевиќи (2 к.), Стричевиќи (2 к.), Ружица (1 к.) и Суботиќи (1 к.), сите доселени од Далмација, Хрватска. Во Суботиќи живеел домазет од селото Острилци. И во една куќа од родот Стричевиќи живеел домазет од Базерник.
- Македонски род: Огњановци (1 к.), доселени се од Бирино, таму се доселиле од некое село во Железник.
Самоуправа и политика
уредиСелото влегува во рамките на Општина Крушево, која била една од ретките општини во Македонија која не била изменета при територијалната поделба во 2004 година. Во периодот од 1996-2004 година, селото припаѓало на тогашната Општина Крушево.
Во периодот од 1955 до 1996 година, селото се наоѓало во рамките на големата општина Крушево.
Во периодот 1952-1955, селото било дел од тогашната Општина Кривогаштани, во која покрај селото Врбоец, се наоѓале и селата Годивје, Кореница, Кривогаштани, Крушеани, Локвени, Милошево, Свето Митрани и Турско. Селото влегувало во рамки на Општина Свето Митрани во периодот 1950-1952, кога во нејзе се наоѓале селата Врбоец, Милошево, Пресил и Свето Митрани.
Избирачко место
уредиВо селото постои избирачкото место бр. 1200 според Државната изборна комисија, сместено во простории на приватен објект.[9]
На претседателските избори во 2019 година, на ова избирачко место биле запишани вкупно 40 гласачи.[10] На локалните избори во 2021 година, на ова избирачко место биле запишани вкупно 40 гласачи.[11]
Културни и природни знаменитости
уреди- Споменици
- Споменик во чест на стреланите мештани од бугарските окупациски власти во 1942 година
Галерија
уреди-
Објект на гробиштата -
Спомен-плоча на споменикот -
Споменик на НОБ -
Селските гробишта
Наводи
уреди- ↑ „Пописна слика на населените места во Македонија, Попис 2021“. Државен завод за статистика. Посетено на 22 декември 2022.
- ↑ 2,0 2,1 2,2 2,3 Панов, Митко (1998). Енциклопедија на селата во Република Македонија (PDF). Скопје: Патрија. стр. 196. Посетено на 23 декември 2021.
- ↑ 3,0 3,1 3,2 3,3 3,4 3,5 3,6 Трифуноски; Јован Ф. (1998). Bitoljsko-Prilepska kotlina: antropogeografska proučavanja. Белград: Српска академија на науките и уметностите. ISBN 8670252678. OCLC 41961345.
- ↑ „Попис на Македонија“ (PDF). Завод за статистика на Македонија. 2002. Посетено на 23 декември 2021.
- ↑ К’нчов, Васил. „Македонија. Етнографија и статистика“. Софија, 1900
- ↑ Brancoff, D.M. „La Macédoine et sa Population Chrétienne“. Paris, 1905.
- ↑ „Население по возраст и по пол, по населени места, според пописите спроведени во Република Македонија по Втората светска војна“. Државен завод за статистика.
- ↑ „Вкупно резидентно население на Република Северна Македонија според етничката припадност, по населени места, Попис, 2021“. Државен завод за статистика.
- ↑ „Описи на ИМ“. Архивирано од изворникот на 2023-08-17. Посетено на 3 ноември 2019.
- ↑ „Претседателски избори 2019“. Архивирано од изворникот на 2019-12-29. Посетено на 3 ноември 2019.
- ↑ „Локални избори 2021“. Архивирано од изворникот на 2021-12-02. Посетено на 23 декември 2021.
