Кристијан Ериксен

Кристијан Ериксен
	Ериксен на тренинг со Данска во 2014
Лични податоци
Полно име	Кристијан Данеман Ериксен
Роден на	14 февруари 1992 (32 г.)
Роден во	Миделфарт, Данска
Држава	Данска
Висина	1,82 м
Позиција	среден ред
Клупски податоци
Сегашен клуб	Брентфорд
Број	21
Младинска кариера
1995–2005	Миделфарт
2005–2008	Оденсе
2008–2010	Јонг Ајакс
Кариера*
Репрезентација ‡

Кристијан Данеман Ериксен (дански: Christian Dannemann Eriksen, роден на 14 февруари 1992 година) — дански фудбалер, играч од средниот ред на Брентфорд и на данската репрезентација.

Сметан за еден од најдобрите играчи во историјата на данскиот фудбал и еден од најдобрите играчи од средниот ред на својата генерација,^[2]^[3] Ериксен се афирмирал во холандскиот клуб Ајакс, со кој освоил три последователни титули во холандското првенство (2010-2011, 2011-2012 и 2012-2013), еден Куп на Холандија (2009-2010) и еден Суперкуп (2013). Во 2013 година, тој се преселил во Тотенхем, со кој стигнал до финалето на Лигата на шампионите (2019). Од 2020 до 2021 година играл за Интер, со кого ја освоил Серија А (2020-2021) и стигнал до финалето на Лига Европа (2020).

Своето деби за Данска го имаше во март 2010 година, и набргу потоа како најмлад фудбалер настапил на Светското првенство 2010 во Јужна Африка.^[4]^[5] Со својата репрезентацијата тој учествувал на две Светски (2010 и 2018) и две Европски првенства (2012 и 2020). Моментално го зазема петтото место во репрезентацијата по бројот на настапи и по бројот на постигнати голови со 111 настапи и 38 голови.

На индивидуален план, Ериксен пет патти бил добитник на наградата Дански фудбалер на годината (2013, 2014, 2015, 2017, 2018), што е рекорд со една повеќе од Бријан Лаудруп.