Илија Спасов

Илија Трајков Спасов ( 1920во Драчево, Скопје ― 24 април 1945 во Славонска Пожега, Хрватска) — македонски партизан, револуционер, борец за слобода на Македонија и учесник во НОВ.

Илија Спасов
Роден	1920 година Драчево, Скопје, Македонија
Починал	24 април, 1945 година Славонска Пожега, Хрватска

Животопис

Произлегува од селско семејство. Се занимавал со земјоделство, а особено со градинарство. На 16 септември 1944 година стапил во Четиринаесеттата македонска ударна бригада со која учествувал во завршните борби за ослободување на Македонија, како и во акциите за ликвидирање на одметнатите балистички банди. Потоа, со Бригадата пристигнал во близината на Белград, каде завршил воена обука. На 21 април 1945 година, учествувал во пробивот на силно утврдените германски позиции на Сремскиот фронт. Загинал храбро кога веќе цела Војводина и поголем дел на Хрватска биле ослободени, во една од многубројните битки што се воделе против непријателот, на 24 април 1945 година кај Славонска Пожега. Закопан бил на борбената позиција.