Волга

Волга е река во западна Русија. Таа е најдолгата река во Европа (3.530 км) и е јадрото на најопширниот речен систем на континентот (површина на сливот 1.360.000 км²). Средното и долното течение на реката ја образуваат географската област Поволжје.

Волга
Волга кај Јарослављ
Карта на сливот на Волга
Местоположба
Локација	Источна Европа
Држава	Русија
Градови	Твер, Јарослављ, Нижни Новгород, Чебоксари, Казањ, Уљјановск, Самара, Саратов, Волгоград, Астрахањ, Тољјати
Физички особености
Устие	Касписко Езеро
Должина	3.530 км
Особености на сливот

Имињата на Волга на јазиците на различните народи кои живеат покрај неа се:

• Руски: Вóлга;
• Татарски: İdel, Идел;
• Чувашки: Atăl, Атăл;
• Германски: Wolga.

Името Волга произлегува од најмногубројното племе што ја населувало во минатото, Волгарите. Пред тоа, реката се викала Итил. Волга извира од Валдајското возвишение и се влева во Каспиското Езеро (површина 19.000 км²). Замрзнува во периодот декември-април. Реката Волга има околу 200 притоки. Со канали е поврзана со Балтичко Море, Бело Море, Азовско Море и Црно Море. Водите на Волга се користат за водоснабдување, напојување, добивање на енергија и др.