Зграда на Музејот на современата уметност (Скопје)

Зграда на Музејот на современата уметност
Зграда на Музејот на современата уметност
	Поглед на музејот
Општи податоци
Статус	споменик на културата
Вид	музејска зграда
Стил	староградски
Адреса	ул. „Самоилова“ б.б.
Град	Скопје
Земја	Македонија
Почната	5 април 1969
Завршена	13 ноември 1970
Технички податоци
Катови	2
Проектирање и изградба
Архитект	Јежи Мокшињски; Еугениуш Вјежбицки; Влацлав Клишевски

Зграда на Музејот на современата уметност — музејска градба во Скопје, прогласена за културно наследство на Македонија како исклучителен претставник на архитектонскиот модернизам.^[1]

Опис уреди

Објектот е сместен во соседство на Скопското кале, на ул. „Самоилова“ б.б. Изградбата на новата зграда на Музеј на современата уметност започнала на 5 април 1969 година и траела сè до 13 ноември 1970 година, кога е свечено отворена.^[2] Зданието се состои од три поврзани крила — две еднокатни и едно двокатно, со вкушна површина од околу 5.000 м². Во нив се сместени салите за привремени изложби, постојаниот изложбен простор, салата за предавања, салата за филмови и видеопроекции, библиотеката и архивот, административните канцеларии и други простории. Околу музејот има голем парковски простор кој овозможува поставување на разни вајарски проекти, како и пространи паркинзи.

Музејската зграда е подарок од Полска, според проект од национален конкурс. Нејзини архитекти се Јежи Мокшињски, Еугениуш Вјежбицки и Влацлав Клишевски.^[3]^[4] Зградата на музејот била реновирана за првпат од нејзиното постоење и отворена за посетителите со изложбата „Солидарноста - недовршен проект“ на 22 февруари 2014 година.