Брод (Гора)
Брод е село во јужниот дел на Косово[1] во планинскиот регион Гора, во општината Драгаш. Припаѓа на Призренскиот округ. Мнозинството од жители се Горанци, муслимани. Населението брои 1.544.
Јазик
уредиГоранците зборуваат нашински јазик. Малкумина кои живеат близу до градовите зборуваат албански или српски. Според пописот 1991 во Југославија, 54,8% од населението на регионот Гора се изјасниле дека зборуваат нашински јазик, бидејќи мнозинството на населението се Горанци.
Традиција
уредиТрадиционалната горанска народна музика вклучува танц наречен Коло, која е кружен танц фокусиран на движењата на ногата. Танцот секогаш почнува со користење на десната нога и се движи во насока спротивна од стрелките. Колото обично е придружувано со инструментална музика направена често со зурла, кавал и тапан. Колото поретко е придружено со пеење како тие што се во соседните етнички групи: Албанците, Македонците и Србите.
Исто така постои и голем дел од историјата на Гораните во нивните текстови и песни. Уникатно, се пее за долго патување во Турција, за скршени срца и љубов. Нивните песни се вршат од страна на мажите и жените.
Родови
уредиБрод е горанско село.
Според германска карта издадена во 1941 година, а заснована на пописот на Кралство Југославија во 1931 година, селото имало 1.550 јужнословенски муслимани.[2]
Според истражувањата во периодот 1936/37 година, родови во селото се:
Лековци (4 к.), Чучуловци (10 к.), Лајковци (8 к.), Томовци (6 к.), Помаковци (13 к.), Богдановци (10 к.), Миленковци (18 к.), Лиловци (8 к.), Смиљановци или Паскинци или Ѓунковци (6 к.), Вељановци (4 к.), Кољовци (3 к.), Мазникаровци (7 к.), Царовци (18 к.), Лиловци (8 к.), Смиљановци, Аврамовци (2 к.), Тркаљачовци (5 к.), Мацинци (13 к.), Кокица (2 к.), Шатинци (8 к.), Мандаковци (6 к.), Бајмаковци (6 к.), Пупевци (4 к.), Ѓурчевци (1 к.), Џемперовци (15 к.), Масларовци (10 к.), Цаковци (6 к.), Рахтевци (8 к.), Газинци (2 к.), Копачевци (3 к.), Кучкаревци (6 к.), Кечачевци (5 к.), Љокановци (7 к.), Мушевци (5 к.), Трупчевци (5 к.), Пуњевци (2 к.), Вељашевци (4 к.), Себинци (3 к.), Торбинци (28 к.), Ќунковци (1 к.), Чучинци (2 к.), Канговци (5 к.), Шокаровци (2 к.), Чекановци (6 к.), Шишовци (5 к.), Калинковци (5 к.), Кртовци (4 к.), Козицни (4 к.), Козаровци (4 к.), Цујковци (3 к.), Штичаревци (2 к.), Ќаиќевци (5 к.), Канговци (2 к.), Атулинци (7 к.), Прцановци (2 к.), Жилевци (4 к.), Зизинци (8 к.), Аклевци (8 к.), Рендовци (5 к.), Лиманчевци (4 к.), Буталеновци (1 к.), Полежинци (1 к.), Скендеровци (8 к.), Ачанкинци (4 к.), Балибогинци (8 к.), Прдеровци (1 к.), Ментовци (2 к.), Шутинци (2 к.), Лалинци (1 к.), Ќипринци (4 к.), Еминчевци (2 к.), Шутраковци (7 к.), Џаџинци (1 к.), Ќајиќи (5 к.), Џамперовци (6 к.), Шолинци (5 к.), Котларовци (5 к.), Василовци (4 к.) и Хатема (1 к.) помеѓу овие родови поголемиот број се староседелци. Но постојат и доселеници од други места, поблиски и подалечни.[3]
Иселеништво
уредиОд ова село има многу иселеници. Некои од муслиманите од ова село се иселиле во селата Урвич и Јеловјане во Полог, Македонија. Но иселеници може да се најдат и на други места во Македонија. Од селото се има иселено и православно население кое не сакало да го прифати исламот. Па така во Призрен има иселено неколку православни семејства кои имаат муслимански роднини во Брод. Во селото Долно Палчиште се наоѓа православниот род Наумовци и Клиповци (10 к.) кои таму се доселени од селото Брод во Гора. Во селото Теарце се наоѓа родот Велковци или Броданци (5 к.) кои исто така, таму, се доселени од селото Брод во Гора.
Наводи
уреди- ↑ Косово е предмет на територијален спор меѓу Република Косово и Република Србија. Република Косово еднострано прогласила независност на 17 февруари 2008 година. Србија продолжува да го смета како дел од сопствената суверена територија. Двете влади започнале да ги нормализираат односите во 2013 година, како дел од Бриселскиот договор од 2013 година. Косово во моментов е признат како независна држава од 98 од 193 земји-членки на Обединетите нации. Вкупно, 113 земји-членки на ООН во одреден момент го признале Косово, од кои 15 подоцна го повлекле признавањето.
- ↑ „200K Volkstumskarte Jugoslawien“.
- ↑ Лутовац, Милисав. Гора и Опаље.
Надворешни врски
уреди- Село Брод Архивирано на 5 октомври 2011 г.