Бојане
Бојане — село во Општина Сарај, во околината на градот Скопје.
| Бојане | |
  Бојане Местоположба на Бојане во Македонија
Бојане на карта
| |
| Координати 42°0′0″N 21°11′35″E / 42.00000° СГШ; 21.19306° ИГД | |
| Општина |  Сарај
|
| Население | 2.132 жит. (поп. 2021)[1]
|
| Шифра на КО | 25013, 25513 |
| Надм. вис. | 427 м |
|
Бојане на општинската карта  Атарот на Бојане во рамките на општината | |
 Бојане на Ризницата
| |
Географија и местоположба
уредиНаселбата се наоѓа на крајниот западен дел на Скопската Котлина, чиј атар се издига на планината Жеден и припаѓа на територијата на Општина Сарај. Селото е ридско, на надморска височина од 530 метри. Од патот Скопје - Тетово населбата е оддалечена 2,5 километри.
Историја
уредиВо XIX век, селото е дел од нахијата Дервент во Скопската каза во Отоманското Царство.
Стопанство
уредиАтарот е мошне голем и зафаќа простор од 25,6 км2. На него преовладуваат шумите на површина од 1.303,8 ха, на пасиштата отпаѓаат 297 ха, а на обработливото земјиште 614,4 ха. Селото има полјоделско-шумарска функција.[2]
Население
уреди
|
| |||||||||||||||||||||||||||||||||
Според опширните османлиски дефтери за населението на Скопската Каза од 1832/33 година, селото било муслиманско, со 57 муслимански домаќинства. На овој попис биле забележани 215 мажи муслимани, со 16 новороденчиња. Се проценува дека селото во тој период имало 462 жители.[3]
Стефан Верковиќ во 1857 го бележи со 272 жители.[4]
Според статистиката на Васил К’нчов („Македонија, Етнографија и статистика“) од 1900 година, во Бојане живееле 175 жители, сите Албанци.[5]
Како албанско село било означено и од страна на Афанасиј Селишчев во 1929 година.[6]
Според германска карта издадена во 1941 година, а заснована на пописот на Кралството Југославија во 1931 година, селото имало 950 Албанци.[7]
Населбата е голема и во 1961 година броела 1.195 жители, а во 1994 година 1.910 жители, населена со албанско население.
На пописот од 2002 година, селото имало 2.230 жители, од кои 1 Македонец, 2.225 Албанци и 4 останати.[8]
Според последниот попис од 2021 година, во селото живееле 2.132 жители, од кои 1 Македонец, 2.071 Албанец и 60 лица без податоци.[9]
Во табелата во продолжение е направен преглед на населението во сите пописни години:
| Година | 1900 | 1905 | 1948 | 1953 | 1961 | 1971 | 1981 | 1991 | 1994 | 2002 | 2021 |
|---|---|---|---|---|---|---|---|---|---|---|---|
| Население | 175 | — | 1.128 | 1.207 | 1.195 | 1.306 | 1.579 | 0 | 1.910 | 2.230 | 2.132 |
- Извор за 1900 г.: Македонија. Етнографија и статистика.[10]; за 1905 г.: La Macédoine et sa Population Chrétienne.[11]; за 1948-2002 г.: Државен завод за статистика на РМ.[12]; за 2021 г.: Државен завод за статистика на РМ.[13]
Родови
уредиБојане е албанско село.
Според истражувањата од 1949 година, родови во селото се:
- Староседелци: Ради (9 к.) они се единствениот староседелски род, со доаѓањето на Албанците во селото, они се исламизирале и поалбанчиле/измешале. Некои тврдат дека додека биле православни, овој род се викал Радевци.
- Доселеници: Колесњан (16 к.) потекнуваат од тројца браќа кои се доселиле од селото Колесњан во областа Љума во северна Албанија; Доми (23 к.) доселени се од местото Домни во Фанда во северна Албанија; Лески или Карач (20 к.) доселени се од селото Бицан во Љума во северна Албанија; Жугри (12 к.) доселени се од селото Дарда кое се наоѓа во областа Матија во средна Албанија; Чајон (7 к.) доселени се од местото Чаја во Љума во северна Албанија; Боди (11 к.) они потекнуваат од фисот Красниќи во северна Албанија; Речи (12 к.) и Долдур (13 к.) доселени се од местото Бице во Љума во северна Албанија; Мичи (6 к.) доселени се однекаде од северна Албанија; Рогле (10 к.) потекнуваат од фисот Круја Зи во северна Албанија; Печи (8 к.) доселени се од некое село Печи кое се наоѓало во тиранска Малесија; Ималар (7 к.) доселени се од северна Албанија; Фаризалар (10 к.) доселени се од фисот Бериш во северна Албанија; Калис или Исмаилар (6 к.) доселени се од областа Калис во северна Албанија.[14]
Иселеништво
уредиИселени православни Македонци од ова село има на следните места: Мартиновци, Јанчевци, Павлевци и Николовци иселени се во селото Сиричино кај Тетово. Богојевци иселени се во селото Туденце кај Тетово.[14]
Поврзано
уредиНаводи
уреди- ↑ „Пописна слика на населените места во Македонија, Попис 2021“. Државен завод за статистика. Посетено на 22 декември 2022.
- ↑ Панов, Митко (1998). Енциклопедија на селата во Република Македонија. Скопје: Патрија. стр. 33.
- ↑ Османлиски документи за историјата на Македонија - пописи од XIX век на муслиманското население - Скопски Санџак, каза Скопје. Скопје: д-р Емил Крстески. 2020.
- ↑ Верковиќ, Стефан (1889). Топографическо-этнографическій очеркъ Македоніи. Санкт Петербург.
- ↑ Кънчов, Васил. „Македония. Етнография и статистика“. София, 1900.
- ↑ Афанасий Селищев. „Полог и его болгарское население. Исторические, этнографические и диалектологические очерки северо-западной Македонии“. - София, 1929.
- ↑ „200K Volkstumskarte Jugoslawien“.
- ↑ Попис на населението, домаќинствата и становите во Република Македонија, 2002 - Книга X
- ↑ „Оваа категорија опфаќа лица коишто учествуваат во вкупното резидентно население, но поради нивно одбивање да бидат попишани, неможност да бидат најдени на својата адреса на живеење и непотполност во работата на попишувачите не биле официјално попишани, туку за нив податоците биле преземени од административни извори и затоа не учествуваат во изјаснувањето за етничка припадност, вероисповед и мајчин јазик (Прочитајте повеќе...).“
- ↑ К’нчов, Васил. „Македонија. Етнографија и статистика“. Софија, 1900
- ↑ Brancoff, D.M. „La Macédoine et sa Population Chrétienne“. Paris, 1905.
- ↑ „Население по возраст и по пол, по населени места, според пописите спроведени во Република Македонија по Втората светска војна“. Државен завод за статистика.
- ↑ „Вкупно резидентно население на Република Северна Македонија според етничката припадност, по населени места, Попис, 2021“. Државен завод за статистика.
- ↑ 14,0 14,1 Трифуноски, Јован (1949). Скопски Дервен. САНУ.
Надворешни врски
уреди- Сателитска снимка на Бојане, на Карти на Гугл