Анаберг-Буххолц

Анаберг-Буххолц (германски: Annaberg-Buchholz) — град во сојузната покраина Саксонија, Германија, главен град на округот Рудни Планини.

Анаберг-Буххолц
Црквата Св. Ана во Анаберг Црквата Св. Ана во Анаберг
Анаберг-Буххолц
Управа
Земја	Германија
Покраина	Саксонија
Округ	Рудни Планини
Градоначалник	Барбара Клепш (ДХС)
Основни податоци
Површина	27,70 км2
Надм. височина	600 м
Население	19.382 (31 декември 2022)
- Густина	700 жит/км2
Други информации
Часовен појас	CET/CEST (UTC+1/+2)
Рег. табл.	ERZ
Пошт. бр.	09456
Повик. бр.	03733
Портал	www.annaberg-buchholz.de
Местоположба на градот Анаберг-Буххолц во рамките на округот Рудни Планини
Карта
Координати	50°34′48″N 13°0′8″E

Градот се наоѓа во Рудните Планини, на страната на Пелберг (832 м надморска височина). Има три протестантски цркви, меѓу нив Света Ана, градена 1499-1525 (која е исто така најголема од ваков вид во Саксонија), римокатоличка црква, неколку јавни споменици, меѓу нив оној на Мартин Лутер, на познатиот математичар Адам Рис и на Барбара Утман. Анаберг е добро познат по неговиот историски стар град и главниот плоштад, една куќа на самиот плоштад го покажува грбот на семејството Апиан-Беневиц.

Анаберг, заедно со соседната заедница, Буххолц, е главно седиште на плетената и индустријата за тантела во Германија, воведена од Барбара Утман во 1561 и понатаму развиена од белгиските бегалци, кои дошле во областа од нивната држава откако биле протерани. Рударството, по кое градот порано бил познат, сега е целосно прекинато. Некогаш се ископувале калај, сребро и кобалт. Неколку рудници се обновени по падот на Берлинскиот ѕид во 1989 и може да се посетат од туристите. Анаберг има стручни училишта за тантела, трговија и земјоделство, како и неколку јавни училишта за момчиња и девојки.

Во 1945 година, двата града Анаберг и Буххолц се споиле во новиот град Анаберг-Буххолц.

Историја

Поглед на Анаберг

Анаберг од запад

Подрачјето на градот било густо пошумено во горните Рудни Планини, кое било населено во 12-от и XIII век од франкските фармери. Првите документирани спомнувања на Фронау, Гајерсдорф и Клајнрикерсвалде, кои се сите делови на денешниот град Анаберг-Буххолц биле во 1397.

Главни знаменитости

Областа е познато туристичко одредиште и скијачки центар.

Рудните Планини се наведуваат како Божиќна земја; позната по нејзините специјални таленти, Божиќните пазари и резбаните скулптури.

Музеи

• Музеј на Адам Риси Школа за сметководство во Анаберг (Rechenschule)
• Музеј за Рудните Планини и рудник за посетување Im Gößner
• Manufaktur der Träume
• Markus-Röhling-Stolln рудник овозможен за посетување кај Фронау
• Dorothea-Stolln рудник кај Кунерсдорф

Frohnauer Hammer

Frohnauer Hammer е историски и потполно зачувана воденица во селото Фронау во рамките на општината. Во 1907 бил прогласен за технички споменик и оттогаш бил отворен за јавноста. Во прилог на воденицата, има и изложби на предмети од минатото и предмети од поранешниот сопственик на куќата (Hammerherrenhaus).

Редовни настани

• Годишен главен настан во раното лето е најголемиот фолклорен фестивал во регионот, Annaberger Kät.
• Секои две години во август се одржува Опатискиот фестивал во урнатините на опатијата Анаберг.
• Божиќниот пазар Анаберг е широко познат надвор од регионот и се затвора со најголемата парада на рударите во светот (Bergparade).

Меѓународни односи

Поврзано: Список на збратимени градови во Германија

Анаберг-Буххолц е збратимен со:

• Вајден (Горен Пфалц), Германија
• Паиде, Естонија
• Хомутов, Чешка

Галерија

• 
  Црква Света Ана
• 
  Црква Света Ана
• 
  Црква Света Богородица
• 
  Споменик Утман
• 
  Frohnauer Hammer
• 
  Markus Röhling Stolln
• 
  Училишна зграда
• 
  Споменик на Адам Рис

Наводи

Оваа статија вклучува текст од објавено дело кое сега е јавна сопственост: Chisholm, Hugh, уред. (1911). Encyclopædia Britannica (11. изд.). Cambridge University Press.

Надворешна страница

• Службена страница