Јовано, Јованке
песна
Јовано, Јованке — македонска народна песна. Во песната се зборува за забранета љубов помеѓу двајца млади.
| „Јовано, Јованке“ | |
|---|---|
| Песна од Александар Сариевски Леб и сол Васка Илиева Кевсер Селимова Ѓорѓи Желчески Тоше Проески Наум Петрески Анета Мицевска | |
| Јазик | македонски |
| Напишана | ? |
| Објавена | ? |
| Жанр | македонска народна музика |
| Должина | 2:59 - 04:30 |
| Композитор(и) | непознат, со разни современи аранжмани |
Текст
уреди- Јовано, Јованке
- Крај Вардарот седиш, мори
- Бело платно белиш,
- Бело платно белиш, душо
- Сè нагоре гледаш.
- Јовано, Јованке,
- Јас тебе те чекам, мори
- Дома да ми дојдеш,
- А ти не доаѓаш, душо
- Срце мое, Јовано.
- Јовано, Јованке,
- Твојата мајка, мори
- Тебе не те пушта,
- Кај мене да дојдеш, душо
- Срце мое, Јовано.
Изведби
уреди- Македонскиот пејач и текстописец Александар Сариевски ја изведувал традиционалната верзија на песната во текот на својата музичка кариера (1946–2002).[1]
- 1967 – југословенската бит група Златни дечаци снимиле верзија на песната за филмот „Каде после дождот?“ на Владан Слијепчевиќ.[2]
- 1967 – песната била изведена од Естер и Аби Офарим за нивниот албум 2 во 3.[3]
- 1968 – турската пејачка Ајда Пекан снимила верзија на песната насловена Ne Tadı Var Bu Dünyanın со нов текст на турски јазик.
- 1985 – германската фолклорна група Фарфарело ја извела Јовано на нивниот деби-албум.
- 1986 – хрватскиот и југословенски хард-рок бенд Осми путник вклучиле дел од мелодијата во нивната песна „Јована“.
- 1986 – македонскиот и југословенски џез-фузиски и рок бенд Леб и сол, создале инструментална верзија на песната.
- 1991 – хрватскиот пејач и текстописец Браними Штулиќ ја снимил песната за својот албум „Севдах за Паулу Хорват“. Подоцна, во 2012, снимил уште една верзија во своето домашно студио во Холандија.
- 1994 - македонската група Анастасија вклучила дел од мелодијата во "Coming Back Home 1" за музиката на филмот Пред дождот.
- 1995 и 2006 – светската музичка група од Берлин 17 Hippies издала верзија на песната на нивните албуми „'Rock 'n' Roll 13'“ и „Hippies Live in Berlin“.
- 1997 и 2003 – светската музичка група од Виена, Ним Софијан издала верзии на песната.
- 1999 – романската група Трансилванија Феникс вклучина верзија од песната во нивниот албум Ора-хора.
- 1999 – чешкиот бенд Готхарт вклучил верзија од песната на нивниот албум Adio querida.
- 2001 – двајца пионери на келтско бузуки, Роџер Лендс и Чипер Томпсон, снимиле инструментална верзија на нивниот албум The Janissary Stomp.
- 2003 – светската музичка група од Нов Зеланд Мени хендс издала верзија од оваа песна на нивниот албум Routes.
- 2003 – полската група Кроке и виолинистот Најџел Кенеди ја извеле песната на нивниот албум East meets East.
- 2006 – македонскиот пејач Тоше Проески издал верзија на песната на неговиот албум Божилак. Проески често ја исполнувал оваа песна на концертите во живо.
- 2007 – бугарскиот забавувач Слави Трифонов ја извел песната и снимил патриотско видео како нејзина придружба, кое ја пресоздава бугарската победа во Битката кај Дојран за време на Првата светска војна.[4]
- 2009 – хрватската група Hot Club de Istra направила ромски џез аранжман на песната.
- 2009 – мелодијата на песната била користена во шестиот серија од ТВ рекламната кампања Македонија Вечна.
- 2011 – полскиот продуцент Мартин Виросек издал верзија на песната со полката пејачка Каја.
- 2011 - What Cheer? Brigade, лимен бенд во Провиденс, издала верзија на песната на нивниот албум Classy: Live in Pawtucket.
- март 2014 – словенскиот хор Perpetuum Jazzile издал „а капела“ аранжман на песната.
- 2015 – хрватската пејачка Нина Краљиќ, која ја претставувала Хрватска на Евровизија, ја исполнила песната во живо.[5]
- 2017 – српската група Alice in WonderBand ја извела песната во аранжман за телесна перкусија, вокали и диџериду во телевизиското шоу Јас имам талент!.
Поврзано
уредиНаводи
уреди- ↑ „Aleksandar Sarievski - Jovano Jovanke“. 2007. Архивирано од изворникот на 2001-10-25. Посетено на 2009-08-24.
- ↑ Janjatović, Petar (2007). EX YU ROCK enciklopedija 1960–2006. Belgrade: self-released. стр. 46.
- ↑ „Esther and Abi Ofarim - 2 in 3 - LP 1967, CD 1992“. esther-ofarim.de. Посетено на 4 септември 2018.
- ↑ „Slavi Trifonov i Ku-Ku Bend - Jovano Jovanke“. 2007-03-21. Посетено на 2007-07-28.Предлошка:Dead Youtube links
- ↑ Jovano, Jovanke performed by Nina Kraljić on YouTube
Надворешни врски
уреди| Викиизвор има текст за |
- Јовано, Јованке во изведба на Естер и Аби Офарим
- Јовано, Јованке во изведба на Тоше Проески и Билја Крстиќ
- Јовано, Јованке во изведба на Тоше Проески
- Јовано, Јованке во изведба на Селимова-Желчески
- Јовано, Јованке во изведба на 17 Hippies
- Јовано, Јованке во изведба на Nigel Kennedy
- Јовано, Јованке во изведба на Many Hands
- Јовано, Јованке во изведба на Ethnotrip