LinkedIn (мак: Линкдин) е деловна социјална мрежа, наменета да ги поврзе работодавците и луѓето што бараат работа. Оваа мрежа е создадена со цел ефективно да ги презентира професионалните способности на своите членови, поврзувајќи ги работодавците со ловците на работа што е можно побрзо.[1] LinkedIn е, меѓу другото, најголемата светска професионална деловна социјална мрежа каде деловните луѓе можат да разменат искуства, да учествуваат во дискусии, да споделуваат интересни содржини и, се разбира, да наоѓаат нови работодавци.[2]
Оваа социјална мрежа е основана во декември 2002 г. а лансирана е на 5 мај 2003 година. Во април 2014 г. LinkedIn објавил дека имат повеќе од 300 милиони регистрирани корисници од повеќе од 200 земји ширум светот, од кои 100 милиони регистрирани корисници се од САД.[3]
Веб-страницата е достапна на 22 странски јазици[4], вклучувајќи англиски, кинески, чешки, дански, холандски, француски, германски, индонезиски, италијански, јапонски, корејски, норвешки, полски, португалски, романски, руски, шпански, шведски, тагалски јазик, тајландски и турски. Сајтот Quantcast објавил извештај дека LinkedIn во периодот од 2. април до 1 мај 2014 година имал 71,9 милиони уникатни посетители од САД и 200,6 милиони единствени глобални посетители.[5]
Историја
уреди
Извршен директор на LinkedIn е Џеф Вајнер[6], претходно извршен директор на Yahoo! Inc. Компанијата е основана од Рид Хофман и основачките членови на тимот од PayPal и Socialnet.com (Ален Блу, Ерик Ли, Жан-Лук Вајлан, Ли Хауер, Константин Герике, Стивен Бајцел, Дејвид Ивс, Иан Мекниш, Јан Пуџанте и Крис Сакери)
Основачот Рид Хофман, претходно директор на LinkedIn, сега е претседател на Одборот на директори.[7] LinkedIn е компанија со седиште во Маунтин Вју, Калифорнија, со канцеларии во Омаха, Чикаго, Њујорк, Лондон и Даблин. LinkedIn достигнала профитабилност во март 2006 година.[8] Во текот на јануари 2011 г компанијата заработила вкупно 103 милиони долари од инвестиции.[9]
Во јуни 2008 г Секвоја капитал (анг: Sequoia Capital), Грјлок партнерс (анг: Greylock Partners) и други фирми за ризичен капитал купиле 5% од акциите во компанијата за 53 милиони долари.[10]
Компанија LinkedIn со меѓународно седиште во Даблин, Ирска, во 2010 година, добила инвестиција од 20 милиони долари од Тајгер глобал менаџмент (анг: Tiger Global Management LLC) по проценка од околу 2 милијарди американски долари[11] и ја објавила својата прва аквизиција.[12] Во октомври истата година, организацијата Силикоун вали инсајдер (анг: Silicon Valley Insider) ја рангираше компанијата LinkedIn на 10-тото место на нејзината Топ 100 листа на највредни старт-ап компании.[13] До декември, компанијата била проценета на 1,575 милијарди долари на приватните пазари.[14]
Членство
уредиОд 2013 г LinkedIn има повеќе од 259 милиони членови во над 200 земји.[15] LinkedIn е значително пред своите конкуренти Вијадео (анг:Viadeo) (50 милиони)[16] и Ксинг (анг: XING) (10 милиони).[17] Членството расте за околу два нови члена секоја секунда.[18] Со 20 милиони корисници, Индија има најбрзо растечка корисничка мрежа од 2013 година.
Во мај 2014 г , земјите со најмногу корисници на LinkedIn беа:[19]
| Земја | Корисници | Проценти |
|---|---|---|
| САД | 101 милион | 32,06% |
| Индија | 26 милиони | 2,06% |
| Бразил | 17 милиони | 8,56% |
| Обединето Кралство | 15 милиони | 24,49% |
| Канада | 9 милиони | 27,67% |
| Франција | 7 милиони | 11,46% |
| Шпанија | 6 милиони | 12,98% |
| Италија | 6 милиони | 11,12% |
| Мексико | 5 милиони | 5,11% |
| Австралија | 5 милиони | 25,08% |
Процентите се прикажани во однос на вкупниот број на жители на дадените земји.
Како да користите LinkedIn
уредиЗа разлика од Facebook, Twitter, My Space и слични сајтови, LinkedIn е деловна социјална мрежа. Главната цел на LinkedIn е да се поврзе со други колеги од индустријата на корисникот и потенцијалните работодавци. По отворањето на профилот, корисникот има можност да ја прикачи својата работна биографија, може да споделува содржина што ја смета за релевантна и интересна, може да се приклучува на различни групи и страници, да следи огласи за работа.Да се направи сметка е многу едноставно - исто како на повеќето други социјални мрежи. Потоа, корисникот станува видлив за работодавците и за сите оние кои го внесуваат името на корисникот во некој од пребарувачите.[20]
Поврзано
уреди- Виадео
- КСИНГ
- Социјална мрежа
- Мобилни апликации
Наводи
уреди- ↑ SVET KOMPJUTERA - INTERNET - Poslovno umrežavanjeПредлошка:Ботовски наслов
- ↑ „Архивирана копија“. Архивирано од изворникот на 12 јуни 2014. Посетено на 22 мај 2014.
- ↑ The Next Three Billion [INFOGRAPHIC]Предлошка:Ботовски наслов
- ↑ Supported Languages | LinkedIn HelpПредлошка:Ботовски наслов[мртва врска][мртва врска]
- ↑ https://www.quantcast.com/linkedin.com Архивирано на 17 ноември 2017 г. Проверено 3.5.2014.
- ↑ Hempel, Jessi (July 1, 2013). "LinkedIn: How It's Changing Business". Fortune. стр. 69–74.
- ↑ "LinkedIn - Management". LinkedIn Corporation.
- ↑ "LinkedIn Premium Services Finding Rapid Adoption" (Саопштење). LinkedIn. March 7, 2006.
- ↑ Swisher, Kara (January 27, 2011). "Here Comes Another Web IPO: LinkedIn S-1 Filing Imminent".
- ↑ Guynn, Jessica (June 18, 2008). "Professional networking site LinkedIn valued at $1 billion". The Los Angeles Times.
- ↑ Levy, Ari (July 28, 2010). "Tiger Global Said to Invest in LinkedIn at $2 billion Valuation". Bloomberg (Bloomberg L.P.).
- ↑ Hardy, Quentin (August 4, 2010). "LinkedIn Hooks Up". Forbes.
- ↑ Fusfeld, Adam (September 23, 2010). "2010 Digital 100 Companies 1–100". Business Insider.
- ↑ Demos, Telis; Menn, Joseph (January 27, 2011). "LinkedIn looks for boost with IPO". Financial Times.
- ↑ Nishar, Deep (January 9, 2013). "200 Million Members!". LinkedIn Blog. LinkedIn
- ↑ "Now at 50m users, LinkedIn rival Viadeo acquires French startup Pealk and announces US innovation lab". January 14, 2013.
- ↑ "Facts and Figures". XING. September 1, 2010.
- ↑ "LinkedIn now adding two members every second". TechCrunch.com.
- ↑ "LinkedIn Statistics by country". Проверено Maj 22, 2014.
- ↑ Šta je LinkedIn? | Saznaj LakoПредлошка:Ботовски наслов