Форум на Теодосиј
Форумот на Теодосиј (грчки: φόρος Θεοδοσίου, денес Бајазитски плоштад) е форум кој се наоѓал во Цариград , денешен Истанбул, Турција.
| Форум на Теодосиј | |
|---|---|
.JPG) | |
 | |
| Општи податоци | |
| Стил | римски форум |
| Град | Цариград , денешен Истанбул |
| Земја | Византија, денешна Турција |
| Почната | 5 век |
| Урната | 18 век |
| Технички податоци | |
| Големина | 55х55 метри |
Историја
уредиПрвично, форумот бил изграден од страна на Константин I и неговото име било Форум на бикови. Во 393 година бил преименуван според императорот Теодосиј I, кој го обновил по моделот на форумот на Трајан во Рим, опкружен со згради како што биле цркви и бањи[1].
Форумот имал димензии 55х55 метри и освен статуите од императорот и неговото семејство, имало поставено и бронзена статуа од бик. Сите овие статуи биле ограбени во 1204 година во времето кога крстоносците го зазеле градот. Целиот комплекс исчезнал поради различни грабежи, земјотреси и слично и тоа пред 1453 година кога Османлиите го зазеле градот. Денеска на ова место се наоѓа улицата Диванјоглу, во близина на Бајазидовиот плоштад[2].
Столб
уредиВо средината на форумот се наоѓал римски триумфален столб кој бил изграден во чест на Теодосиј I. Статуата од столбот се срушила во земјотресот од 478 година. Столбот останал без статуа до 506 година кога била поставена новата статуа на Анастасиј I. Столбот се задржал до 15 век кога бил разрушен и неговите делови биле искористени за изградба на бања посветена на Патрона Халил.
Базилика
уредиСпоред археолошките ископувања, во некогашниот форум биле откриени три рани базилики, кои денеска се нарекуваат А, В и Ц. Базиликата А била изградена во времето на Јустинијан I и нејзиниот план е познат. Нејзиниот централен дел има форма на квадрат со два странични дворови. Од оваа базилика била пронајдена амвона (подигнат подиум од каде се читат евангелијата) која денеска се наоѓа во дворот на музејот Света Софија.
Триумфална капија
уредиМармерната триумфална капија се наоѓала на западната страна од форумот. Објектот се состоел од три сводови. Централниот бил поширок и повисок од останатите два. На врвот се наоѓале статуите на Теодосиј и неговите синови Аркадиј и Хонориј[1]. Освен со статуи, капијата била украсена со релјефи и фрагменти кои денеска се наоѓаат во археолошкиот музеј на градот.
Наводи
уреди- ↑ 1,0 1,1 Иванов С. А., 2011, с. 265—268
- ↑ Forum Theodosius (Square Taurus) Архивирано на 23 септември 2015 г.(англиски)
