Фејзо Џеладиновски
Фејзо Џеладиновски (Елово, Општина Студеничани, 6 февруари 1981 – Танушевци, Скопска Црна Гора, 3 јули 2001) бил македонски бранител, приправник во АРМ, учесник во воениот конфликт во Македонија во 2001 година. Загинува на 3 јули 2001 година во заседа 800 метри од караулата Танушевци од минофрлачки оган.[1][2]
| Фејзо Џеладиновски | |
|---|---|
| 06.02.1981 – † 03.07.2001 (20 г.) | |
 | |
| Роден во: | Елово, Општина Студеничани,  СР Македонија |
| Починал во: | Танушевци |
| Служба во: |  Македонија |
| Чин: | Приправник во  АРМ |
| Битки/војни: | Војна во Македонија 2001 |
| Одличја: | 
Медал за храброст |
Животопис
уредиЖивот, војната 2001 и смрт
уредиКако и секој татко, така и Ферид гордо го испрати својот син Фејзо во армијата која треба да ја чува и да ја брани ако затреба земјата и нејзината слобода и интегритет. Со своите војнички другари и 20 годишниот Фејзо се најде на границата недалеку од Танушевци.
Одговорноста и чесната задача да се бранат мегите на татковината, ја чувствуваат сите кои само еднаш се движеле на граничниот појас. Беше таму со младешката храброст и омилениот војник Фејзо.
На 3 јули 2001 година откако го пречекаа конвојот на Рамно што доаѓаше од касарна Илинден почнаа да се повлекуваат према караула Танушевци каде што требаше да се истовари храната и останатите намирници предвидени за војската од караула Танушевци, Кодра Фура, и школ. Танушевци. Времето беше врнежливо и доста магловито. На 800 метра пред караула Танушевци се случува заседата. Имено, и покрај големото обезбедување кое беше претходно поставено припадници на ОНА прво отвориа оган на десната страна од патот при што го свртеа вниманието на војската (претежно резервисти), а после тоа од левата страна на патот од страна на стариот пат што води према с. Танушевци притрчува припадник на ОНА и со ракетен фрлач Зоља смртно го погодува (на три дена пред завршување на воениот рок) Фејзо во главата, при што транспортното возило Леонидас со кое управуваше тој без контрола застанува на сам бездна.
Откако го извлекоа телото на Фејзо, војн. по дог. Сашо И. се пријави како доброволец (иако немаше претходно искуство) да го извлече Леонидасот. Го закачиа со сајла за Тенк Т55, мрднува едно метро, и поради лошата команда сајлата се откачува од Тенкот, при што Леонидасот прави десетица превртувања во бездна. На тој ден покрај тоа што погинува Фејзо, со траен инвалидитет останува и војн. по догов. Сашо И. Фејзо Џеладиновски посмртно е одликуван со медал за храброст од Претседателот на Р Македонија.[3]
Наводи
уреди- ↑ „Војната однесе уште една жртва“. Вест. 5 јули 2001. Посетено на 2015-04-10.[мртва врска]
- ↑ „Одбележување на годишнина на трагично загинати припадници од оклопниот баталјон“. arm.mil.mk. 11 јуни 2014. Посетено на 2015-04-10.[мртва врска]
- ↑ „Медал за храброст за сите загинати припадници на вооружените сили на Република Македонија“. MKD.mk. 17 август 2012. Архивирано од изворникот на 2019-03-29. Посетено на 2019-03-30.