Тоскана
Тоскана (италијански: Toscana) — еден од најголемите и најважни региони во Италија поради своето културно-историско и уметничко наследство. Сместена во Централна Италија, на северозапад се граничи со Лигурија, на север со Емилија-Ромања, на исток со Марке и Умбрија, на југ со Лацио. Површината која го зафаќа овој регион на Апенинскиот Полуостров е 22.997 км2 а името произлегло од првите жители кои ја населувале таа зона, Етрурците или Туски, кои му ги дале на регионот првите форми на територијална организација. По нив, регионот бил заземен од страна на Римјаните а по паѓањето на Римското Царство, Тоскана паднала под власт на Готите, Лонгобардите и на Каролинзите. Во средновековниот период биле основани независните општини кои не издржале под превласта на Фиренца со која управувало семејството Медичи. Тоскана се смета за лулката на италијанскиот јазик во која се родиле едни од најпознатите италијански уметници и поети. Освен тоа, Тоскана е своевиден регион-музеј: нејзините градови чуваат многубројни ремек дела како палати, цркви, галерии, кои привлекуваат туристи од целиот свет.
| Тоскана Toscana | |||
|---|---|---|---|
| Регион во Италија | |||
| |||
 | |||
| Земја | Италија | ||
| Админ. центар | [[Фиренца]] | ||
| Управа | |||
| • Претседател | Енрик Роси (PD) | ||
| Површина | |||
| • Вкупна | 22.993 км2 (8,878 ми2) | ||
| Население (31-03-2012) | |||
| • Вкупно | 3.763.076 | ||
| • Густина | 160/км2 (420/ми2) | ||
| Демоним | Тоскан | ||
| Граѓанство[1] | |||
| • Италијанци | 90% | ||
| • Кинези | 8% | ||
| • Албанци | 1% | ||
| Час. појас | CET (UTC+1) | ||
| • Лето (ЛСВ) | CEST (UTC+2) | ||
| БДШ/ном. | € 106.1[2] милијарди (2008) | ||
| БДП/жит | € 28,500[3] (2008) | ||
| NUTS | ITC | ||
| Мреж. место | regione.toscana.it | ||
Главен град на регионот Тоскана е Фиренца, град кој е прочуен во светот по својата убавина и многубројните културно-историски споменици, но и по природната убавина. Во овој регион се сместени и други познати градови како Пиза, Сиена, Лука, Арецо и Ливорно.
Наводи
уреди- ↑ „Statistiche demografiche ISTAT“. Архивирано од изворникот на 2021-02-22. Посетено на 10 March 2010.
- ↑ „Eurostat - Tables, Graphs and Maps Interface (TGM) table“. Epp.eurostat.ec.europa.eu. 2012-04-02. Посетено на 2012-11-07.
- ↑ EUROPA - Press Releases - Regional GDP per inhabitant in 2008 GDP per inhabitant ranged from 28% of the EU27 average in Severozapaden in Bulgaria to 343% in Inner London
Надворешни врски
уреди- Официјален портал на Тоскана
- Емануеле Репети, Географско Физички Историски Речник на Тоскана Архивирано на 5 април 2011 г. (1835)
- ToscanaMusei Архивирано на 22 јуни 2008 г. - Официјален портал на регионот Тоскана посветен на музеите
