Токио Хотел
Токио Хотел (Tokio Hotel) е германска рок група оформена во 2001 година од страна на вокалистот Бил Каулиц (Bill Kaulitz), гитаристот Том Каулиц (Tom Kaulitz), тапанарот Густав Шефер (Gustav Schäfer) и басистот Георг Листинг (Georg Listing). Квартетот има постигнато четири број еден синглови и има издадено три број еден албуми во родната им земја, продавајќи приближно 5 милиони CD-ја и DVD-ја. Откако запишуваат необјавено демо-CD под името „Devilish“, а својот прв договор со Sony BMG Germany е прекинат, групата го издава својот прв германски албум, Schrei, под името Токио Хотел во 2005 година под Universal Music Germany. Schrei продава повеќе од половина милион копии насекаде во светот, а исто така постигнува и четири топ 5 синглови во Германија и Австрија. Во 2007 година бендот го издава својот втор германски албум „Zimmer 483“ (Соба 483) и својот прв англиски албум „Scream“. Овие два албума продаваат преку милион копии насекаде низ светот и ја донесуваат првата МТВ Европска Музичка Награда (MTV Europe Music Award) на бендот и намреч награда за Најдобра Интеракција (Best InterAct). Првиот албум, „Zimmer 483“, постигнува три топ 5 синглови во Германија, додека вториот, „Scream“, устварува два сингла кои се уврстувват во најдобрите топ 20 во држави како Франција, Португалија, Шпанија и Италија. Во септември 2008 година во САД ја освојуваат својата прва МТВ Видео Музичка Награда (MTV Video Music Award) за Најдобар Нов Изведувач (Best New Artist). Во октомври 2008 година освојуваат четири награди меѓу кои и награди за Најдобар Интернационален Изведувач (Best International Artist) и Песна на годината (Song of the year) на Los Premios МТВ Латиноамерика кои се одржуваат во Мексико. Токио Хотел се првиот германски бенд кој е освоил награда на МТВ Видео Музички Награди како и на МТВ Латиноамериканските Награди. Покрај тоа ја освоијуваат и наградата Ѕвезда (Headliner award) на МТВ Европските Музички награди кои се одржуваат во Ливерпул на 6 ноември 2008 година, како и наградата за Најдобра Група (Best Group) на 5 ноември 2009 година на МТВ Европските Музички Награди во Берлин. Токио Хотел добиваат награда и за Најдобра Сценска Изведба (Best World Stage Performance) на 7 ноември 2010 година на МТВ Европските Музички Награди во Мадрид. Во јули 2011 година стануваат првиот германски бенд да освои МТВ Видео Музичка Награда во Јапонија (Video Music Awards Japan). Исто така ја добиваат и наградата за Најдобра Фан Армија ("Fan Army FTW") трипати по ред во 2012 година.
| Токио Хотел | |
|---|---|
 Токио Хотел, 2010. Л-Д: Георг Листинг, Бил Каулиц, Том Каулиц, Густав Шефер | |
| Животописни податоци | |
| Потекло | Магдебург, Германија |
| Жанрови | поп рок, рок, електронски рок, глам рок, алтернативен рок |
| Период на активност | 2001– денес |
| Издавачи | Universal Music Germany, Cherrytree, Interscope |
| Мреж. место | tokiohotel.com |
| Членови | |
| Бил Каулиц Том Каулиц Георг Листинг Густав Шефер | |
Историја
уредиФормација (2001–2004)
уредиТокио Хотел се состои од вокалист Бил Каулиц (гер. Bill Kaulitz) и гитарист Том Каулиц (гер. Tom Kaulitz), кои се идентични браќа близнаци, тапанар Густав Шефер (гер. Gustav Schäfer) и бас-гитарист Георг Листинг (гер. Georg Listing) . Четворицата се запознаваат во 2001 година после живо шоу каде настапуваат Бил и Том Каулиц, а од публиката ги гледат Листинг и Шефер, кои се познаваат од музичко училиште. Нивниот сличен вкус за музика доведува до создавањето на групата Devilish („Ѓаволски“) со која наскоро почнуват да настапуват во талент шоуа и да одржуваат мали концерти. По настапот на, тогаш тринаесет годишниот, Бил Каулиц во детското шоу Потрага по Ѕвезда во 2003 г. (од кое испаѓа во четврт-финалето) е откриен од музичкиот продуцент Питер Хофман (Peter Hoffmann). Devilish го менуваат своето име во Токио Хотел: “Токио“ по јапонскиот главен град, заради љубовта до него, а “Хотел“ заради сталните турнеи и живот во хотели. Вокалистот Бил вели дека кога го бирале името барале нешто што би ги стално мотивирало да напредувват и да одат напред. Градот “Токио“ како далечен и недосеглив град за кого не знаеле речиси ништо им се чинел како добра опција, додека „Хотел„ бил симбол за живот каков би сакале да живеат. Откако Sony BMG потпишува договор со нив, Хофман ги најмува Давид Јост (David Jost) и Пат Бенцнер (Pat Benzner) во тимот на творци и автори, кои имаат за работа да ги советуват тинејџерите при пишувањето песни и свирењето инструменти; повеќето од песните на првиот албум се напишани од Хофман, Јост и Бнецнер (вклучувајќи ги и сингловите "Schrei" и "Rette mich" кои се целосно напишани од нив), само синглот "Unendlichkeit" е целосно напишан од Токио Хотел самите. Sony го прекинува договорот со нив кратко пред издавањето на нивниот трет албум. Бендот е еден од најуспешните и најголемите германски модерни изведувачи во последните 20 години.
Schrei (2005–2006)
уреди
Во 2005 година Universal Music Group потпишува договор со Токио Хотел и развива маркетиншки план за нив. Првиот сингл на бендот "Durch den Monsun" („Преку монсунот“) брзо се искачува на топ листите и се појавува на геманската официјална топ листа за синглови Media Control на 15. место на 20 август 2005 година и евентуално стигнува и до №1 на 21 август истата година; покрај тоа се искачува на 1. место и на австриските топ листи. Вториот сингл, "Schrei" („Викај“), се искачува на 5. место на германските топ листи. Овие две песни се напишани од пејачот Бил Каулиц со помош од групата на продуценти Питер Хофман, Давид Јост, Пат Бенцнер и Дејв Рот (Dave Roth). Нивниот втор албум, Schrei, е издаден на 19 септември 2005 година; албумот е награден со тројно злато од страна на BVMI во 2006 година заради продадени повеќе од 300 000 копии во Германија. Во 2006 година бендот издава трет и четврт сингл, "Rette mich" („Спаси ме“) и "Der letzte Tag" („Последниот ден“). "Der letzte Tag" содржи и Б-страна именувана "Wir schließen uns ein", која има и музичко видео.
Zimmer 483 (2007–2008)
уредиПрвиот сингл од нивниот втор албум Zimmer 483 (Соба 483), именуван "Übers Ende der Welt" („На крајот на светот“; подоцна повторно издаден на англиски јазик под името "Ready, Set, Go!"), го издаваат на 26 јануари 2007 година и брзо се искачува на №1 место во Германија и Австрија и №2 место во Франција. Албумот Zimmer 483 е издаден на 23 февруари 2007 г. во Германија заедно со делукс издание на албумот кое содржи DVD. Вториот сингл од албумот "Spring nicht" („Не скокај“) е издаден на 7 април. Турнејата по повод излегувањето на албумот, планрана за март 2007, е одложена за две недели заради желбите на бендот по различен дизајн на бината. Трет сингл, "An deiner Seite (Ich bin da)" („На твојата страна (Јас сум тука)“) е издаден на 16 ноември. Синглот содржи и Б-страна, песната "1000 Meere" („1000 мориња“) за која е снимен и видео спот. Токио Хотел го издава синглот "Heilig" („Свет“) на 28 април 2008 г., но без видео спот, заради густиот распоред кој го имаат.
Scream (2007–2008)
уредиПрвиот англиски албум на Токио Хотел, Scream, е издаден на 4 јуни 2007 г. низ цела Европа. Во Германија албумот е издаден под името Room 483 со цел да го нагласи континуитетот со нивниот последен германски албум Zimmer 483. Scream содржи англиски верзии на избрани песни од нивните германски албуми Schrei и Zimmer 483. "Monsoon" („Монсун“) анлиската верзија на песната "Durch den Monsun", е првиот сингл од албумот. "Ready, Set, Go!" (Припрема, внимание, сега!; преводот на "Übers Ende der Welt") е издаден како втор сингл, а "Don't Jump" („Не скокај“ преводот на "Spring nicht") како трет. Покрај тоа е снимен и видео спот за "Scream", англиската верзија на нивниот хит од 2005 г. "Schrei" и пуштен во iTunes продавниците на почетокот на март 2008 г. Токио Хотел го одржуваат својот прв концерт во Обединетото Кралство на 19 јуни 2007 година. "Ready, Set, Go!" е издаден во Обединетото Кралство како првиот сингл на бендот на 27 август 2007 г. Песната го достигнува №77 на Списокот на Синглови во Обединетото Кралство. Токио Хотел освојуваат МТВ Европска Музичка Награда за Најдобра Интеракција на 1 ноември 2007 г. и исто така се номинирани за Најдобар Бенд. На настанов настапуваат со песната "Monsoon". Кон крајот на 2007 г. Токио Хотел го издаваат својот прв сингл во САД кој е именован „Токио Хотел“. Синглот ги содржи песните "Scream" и "Ready, Set, Go!" и е достапен исклучително во продавниците Hot Topic (Хот Топик). Нивниот втор американски сингл "Scream America" е издаден на 11 декември 2007 г. Синглот ги содржи песните "Scream" и ремикс на песната "Ready, Set, Go!" направен од пејачот на АФИ - Џејд Пјуџет (анг. AFI's Jade Puget). Во февруари бендот тргнува на пет дневна турнеја во Северна Америка, почнувајќи од Канада и завршувајќи во Њујорк. Откако се појавуваат и настапуваат во живо на MuchMusic, за време на турнејата во Канада, "Ready, Set, Go!" влегува во MuchOnDemand Дневните 10, одбројување на видеа одбрани од страна на гледачи. Таму се задржува подолго од една недела, а подоцна, на 8 април се враќа на врвот на листата MOD Дневни 10. "Scream" е издаден во Канада на 25 март и во САД на 6 мај.
Турнеја 1000 Hotels
уредиЕвропската турнеја "1000 Hotels" („1000 хотели“) почнува на 3 март во Брисел, Белгија и продолжува во други држави вклучувајќи ги Холандија, Луксембург, Франција, Шпанија, Португалија, Италија, Скандинавија, а планирано е да заврши на 9 април; меѓутоа за време на концерт во Марсеј (Франција) на 14 март, Бил има проблеми со гласот. Ѝ дозволува на публиката да пее почесто од обичаено и наместо оригиналните 21 песни на листата, бендот свири само 16. Бил се извинува на германски за своето лошо пеење и објаснува дека е болен. Два дена подоцна, само минути пред почеток, бендот го откажува концертот во Лисабон, Португалија. Преостанатите концерти од турнејата "1000 Hotels" како и турнејата во Северна Америка се откажани. Следи изјава во германското списание Bild (Билд) од страна на менаџерот на бендот дека Бил Каулиц мора да оди на операција за да му се отстрани циста од гласните жици. Бил Каулиц го изложува својот глас на притисок после одсвирени 43 концерти без одмор во турнејата 1000 Hotels. Мора да оди на операција на 30 март како би му се одстранила циста која се е оформила на неговите гласни жици. Цистата е резултат на инфекција на грлото која минала нелечена. После операцијата Бил не смее да зборува дванаесет дена, и четири недели оди на вокална рехабилитација. Кога би продолжил да пее на остатокот од турнејата, неговиот глас би евентуално трајно останал оштетен. Токио Хотел продолжуваат со настапи во мај 2008, а после тоа тргнуваат и на вториот дел од нивната европска турнеја 1000 Hotels, додавајќи и многу нови концерти на отворено, и завршувајќи со турнејата на 13 јули во Верхтер, Белгија.
Турнеја во Северна Америка и Humanoid (2009–2010)
уредиНастапи во Азија
уредиМанекенство и реклами
уредиBest Of Tokio Hotel (2010)
уредиДует со Far East Movement (2011 – денес)
уредиТекстови
уредиЧленови
уреди- Бил Каулиц – главен вокал, виолина (за снимањето на албумот Humanoid)
- Том Каулиц – гитара, клавијатура, бек вокал, виолина (за снимањето на албумот Humanoid)
- Георг Листинг – бас, пијано, клавијатура, бек вокал
- Густав Шефер – тапани, бек вокал
Дискографија
уредиСинглови
уреди- 2005: Durch den Monsun (Преку монсунот)
- 2005: Schrei (Викај)
- 2006: Rette Mich (Спаси ме)
- 2006: Der Letzte Tag (Последниот ден)
- 2007: Übers Ende der Welt (На крајот на светот)
- 2007: Spring Nicht (Не скокај)
- 2007: Monsoon (Англиска верзија на Durch den Monsun)
- 2007: Ready,set,go (Англиска верзија на Übers Ende der Welt )
- 2007: An deiner Seite (Ich bin da) (Јас сум тука)
- 2007: 1000 Meere (1000 oceans) (1000 мориња/океани)
- 2008: Don't Jump (Англиска верзија на Spring Nicht)
- 2009: Automatisch/Automatic (Автоматски)
- 2010: Lass uns laufen/ World behind my wall (Ајде да трчаме/Светот позади мојот ѕид)
- 2010: Dark side of the sun (Темната страна на сонцето)
- 2010: Hurricanes und suns (Бури и сонца)
- 2010: Mädchen aus dem all
Видеографија
уреди| Спот | Година | Режисер |
|---|---|---|
| Durch den Monsun | 2005 | Sandra Marschner |
| Schrei | 2005 | Zoran Bihac |
| Rette mich | 2006 | Katja Kuhl |
| Der letzte Tag | 2006 | Daniel Warwick,Christopher Häring |
| Wir schließen uns ein | 2006 | Daniel Warwick,Christopher Häring |
| Übers Ende der Welt | 2007 | Daniel Warwick,Christopher Häring |
| Spring nicht | 2007 | Jörn Heitmann |
| Monsoon | 2007 | Daniel Siegler |
| An deiner Seite (Ich bin da) | 2007 | |
| 1000 Meere | 2007 | Daniel Siegler |
| Scream | 2007 | Katja Kuhl |
| Don't Jump | 2008 | Ingo Georgi |
| Automatisch | 2009 | Craig Wessels |
| World Behind My Wall | 2010 | Daniel Wolfe |
| Hurricanes And Suns | 2010 | |
| Run, Run, Run | 2014 | Gianluca Fellini |
| Girl Got A Gun | 2014 | Kris Moyes |
| Love Who Loves You Back | 2014 | Marc Klasfeld |
| Feel It All | 2015 | Mattias Erik Johansson |
| Love Don't Break Me | 2016 | Shiro Gutzie + Davis Factor |
| Something New | 2017 | Kris Moyes |
| What If | 2017 | Barış Aydınlı |
| Boy Don't Cry | 2017 | Baris Aladag |
| EASY | 2017 | Dominik Wilzok |
| Not Over You | 2018 | Shiro Gutzie |
| California High | 2018 | Shiro Gutzie |
| Monsoon 2020 | 2020 | Kris Moyes |
| White Lies | 2021 | Baris Aladag |
| Behind Blue Eyes | 2021 | Baris Aladag |
Албуми
уреди- 2003: Devilish(Ѓаволски), Германија, содржи 7 песни
- 2005: Schrei (Викај), Германија: №1, Полска: №3, Унгарија: №4
- 2006: Schrei: So Laut Du Kannst — Extended Editon (Викај толку силно, колку можеш — Подобрено издание), Германија: №1
- 2007: Zimmer 483(Соба 483)
- 2007: Scream (Викај) — англиска верзија на 2-от албум
- 2007: Room 483 (Соба 483)- албум со англиските верзии на нај-големите им хитови и повеќето песни од Zimmer 483.
- 2009: Humanoid (Хуманоид) - англиска верзија
- 2009: Humanoid (Хуманоид) - германска верзија
- 2010: Best Of[мртва врска] - нај-добрите хитови издадени некогаш од групата собрани в 1 CD + 2 до сега не издадени песни.
DVD-ја
уреди- 2005: Leb' die Sekunde (Живеј ја секоја секунда): Зад сцената
- 2006: Schrei Live
- 2007: Zimmer 483 DVD
- 2007: Zimmer 483 Live DVD
- 2008: Tokio Hotel TV Caught on Camera
- 2010: Humanoid City Live
Надворешни врски
уреди
Токио Хотел на Ризницата- Официјална страна
- Профил на Cherrytree[мртва врска]
- Профил на Interscope records Архивирано на 18 август 2012 г.
- Токио Хотел на MySpace
- Токио Хотел на Фејсбук
- Токио Хотел на Twitter
- Токио Хотел Архивирано на 3 март 2009 г. на МТВ
