Субас Босе

Субас Чандра Босе (23 јануари 1897; Кутак, Ориса, Индија - 18 август 1945; Тајпеј, Тајван) бил индиски револуционер.

Субас Чандра Босе
Субас Босе
Роден(а)	23 јануари 1897(1897-01-23) Кутак, Дивизија Ориса, Бенгалска провинција, Индија
Починал(а)	18 август 1945 Тајпеј, Тајван
Националност	Индиец
Алма матер	Универзитет во Калкута Кембрички универзитет
Познат(а) по	Учесник во Индиското движење за независност
Звање	Претседател на Индискиот Национален Конгрес (1938) Претседател, Премиер, Министер за одбрана и надворешни работи Привремена влада на Слободна Индија со седиште на окупираните острови од Јапонија Андамани и Никобари (1943–1945)
Партија	Индиски Национален Конгрес 1921–1940, Напреден Блок дел од Индискиот Национален Конгрес, 1939–1940
Вера	Хиндуизам

Во Британија се подготвувал за кариера во индиската јавна служба но се откажал од кандидатурата когаслушнал дека има националистички превирања во неговата земја. Испратен од Мохандрас К. Ганди да се организира во Бенгал, неколкупати бил депортиран и затворан. Тој претпочитал индустријализација, што било во контрадикција со економската мисла на Ганди, и иако бил избран за претседател на Индискиот национален конгрес од 1938 до 1939 година, без поддршката на Ганди се чувствувал обврзан да даде оставка. Скришум избегал од Индија во 1941 година и ја пренел својата борба против Британците во нацистичка Германија и подоцна во југоисточна Азија. Во 1944 година, ја нападнал Индија од Бурма (Мјанмар) со мала армија индиски државјани и Јапонци, но неговата армија набрзо била натерана да се повлече. Избегал од југоисточна Азија по капитулацијата на Јапонија во 1945 година и починал од изгореници со кои се здобил во авионска несреќа.

Користена литература

• Енциклопедија Британика (македонска верзија), книга втора (Б-Г), 2005 година, Скопје.