Страшо Ангеловски

Страшо Ангеловски (5 август 1959 во Скопје) е македонски политичар, претседател на македонската десничарска политичка партија и долгогодишен водач на МААК - Конзервативна Партија, во минатото бил и претседател на некогашната политичка партија ТМОРО-ВЕП . Познат е по своите ставови и залагања за обединување на Македонија, поддршка и промивирање на современиот македонски национален идентитет како продолжение и директна врска со Античките Македонци. Негова единствена политичка заложба е – Македонија – независна, суверена, самостојна, богата, неутрална држава. По занимање е дипломиран новинар. Тој пишува колумни за Денешен весник.

Страшо Ангеловски
Роден(а)	5 август 1959(1959-08-05) Скопје, НР Македонија, ФНРЈ
Националност	Македонец
Партија	ТМОРО-ВЕП (водач)
Деца	Виделина и Благоја Ангеловски
Страница www.denesen.mk

Како претседател на МААК - Конзервативна Партија, Страшо Ангеловски во 1997 година, на своја иницијатива во Женева побара ревизија и поништување на Букурешкиот договор и обединување на Македонија. Во 2001 година организирал протести пред Собранието на Република Македонија со цел да се оневозможи изгласувањето на Охридскиот рамковен договор. Заедно со неговата партија МААК-ЕМО, тој во 2001 година се обиде и преку правна процедура да се поништи Рамковниот договор.

На локалните избори во 2021 година бил избран за советник во Советот на Град Скопје од редовите на коалицијата „За подобра Македонија“. Во 2024 е објавено тротомното издание колумни на Страшо Англовски пишувани и објавувани во период од 25 години уште од крајот на деведестите години на ХХ век до денес, со заеднички наслов „Човекот, зборот, вистината“ во издание на книгоиздателството „Матица Македонска“ од Скопје, во три книги на над 1000 страници.