Татковинска македонска организација за радикална обнова - Вардар - Егеј - Пирин
Татковинска македонска организација за радикална обнова — Вардар, Егеј, Пирин-Преспа (ТМОРО-ВЕП) — македонска политичка партија со десна и национална ориентација. Името на партијата упатува на историската македонска револуционерна организација - ТМОРО.
Татковинска македонска организација за радикална обнова - Вардар - Егеј - Пирин | |
|---|---|
| Штаб | Скопје, Република Македонија |
| Идеологија | Радикална десница Конзервативизам Национализам |
| Бои | црвена и жолта |
| Знаме | |
 | |
| Политика на Република Македонија Политички партии Избори | |
Изборното собрание партијата го одржала на 27 октомври 2007 година, на коешто за претседател на партијата е избран Страшо Ангеловски, долгогодишен претседател на поранешната МААК — Конзервативна партија.
Програмски заложби
уредиВо своите програмски документи ТМОРО-ВЕП се заложува за ревизија на вештачките граници меѓу Република Македонија и поробените делови на македонската држава. Односно, главните цели на партијата се враќање на статусот на Република Македонија како национална држава на македонскиот народ и ревизија на Букурешкиот мировен договор т.е. обединување на Македонија. Според манифестот на партијата, единствената можна иднина на македонскиот народ е преку обидот за создавање на Обединета Македонија како македонска национална држава, што треба да биде крајна цел на македонската национална стратегија, по создавањето на правна, економски развиена и стабилна Република Македонија.
Изборни резултати
уредиЗа првпат ТМОРО-ВЕП учествува на парламентарните избори 2006 година, при што во сите шест изборни единици кога освоила само 744 гласови или 0,08 % од вкупниот број гласови.
На предвремените парламентарни избори во 2008 година, ТМОРО-ВЕП освои 4.319 гласови или 0,44 % од вкупниот број важечки гласови.
На локалните избори 2009 година ТМОРО-ВЕП настапи во коалиција со ВМРО-Демократска партија. За советничките листи на оваа коалиција гласаа 15.147 избирачи, а коалицијата доби 12 советнички места.[1]
На парламентарните избори 2011 година ТМОРО-ВЕП настапи како дел од коалицијата предводена од ВМРО ДПМНЕ.
Наводи
уреди- ↑ „Државна изборна комисија Освоени гласови и советнички места на Локалните избори 2009“ (PDF). Архивирано од изворникот (PDF) на 2012-07-11. Посетено на 2012-04-11.