Отвори го главното мени

Шпицбершки Острови

архипелаг во Северниот Леден Океан
(Пренасочено од Свалбард)

Шпицбершките Острови или Свалбард се група на острови во Северниот Леден Океан, околу 635 km северно од Норвешка, а североисточно од Гренланд. Зафаќаат површина од 62,422 km2, а имаат околу 4,500 жители (главно Норвежани и Руси). Главно место е Лонгјир, важно пристаниште. Останати гратчиња се Грин Харбор и Нов Олесунд. Најголеми острови се Западен Шпицберген и Североисточниот Остров. Климата е арктичка, ублажена со топлата Голфска струја. Средната зимска температура е околу -18°С, а летната околу 6°С. Островите се претежно планински, а најголем врв е Њутновиот Врв, висок 1,717 m; се наоѓаат под многубројни глечери, длабоки фјордови. Богати се со камен јаглен. Од животните ги има белите мечки, ирвасите и поларните лисици.

Шпицбершки Острови
Знаме Грб
Главен град
(и најголем)
Лонгјир
Службен јазик Норвешки
Народности 
Површина
 •  Вкупна 61.022 км2 
Население
 •  проценка за 2012 г. 2,642 
Валута Норвешка круна (NOK)
Часовен појас CET (UTC+1)
 •  (ЛСВ) CEST (UTC+2)
НДД .no
Повик. бр. +47

Со Шпицбершкиот договор од 1920 година е призната сувереноста на Норвешка над архипелагот, кој од 1925 година станува составен дел од Норвешка.