Саракина (планина во јужно Костурско)
Саракина[1] или Габер[2] (грчки: Σαρακήνα, Γάβρος) — ниска планина во Костурско, Егејска Македонија.[3]
| Саракина | |
|---|---|
| Σαρακήνα | |
 Чуриловскиот манастир | |
| Највисока точка | |
| Надм. вис. | 1.383 м |
| Координати | 40°26′59″N 21°22′38″E / 40.4497° СГШ; 21.3772° ИГД |
| Географија | |
Саракина на карта
| |
| Место | Костурско, Егејска Македонија |
 | |
Опис
уредиПланината е сместена во источниот дел на Костурско, над југоисточниот брег на Костурското Езеро и градот Костур. Се протега во правец север-југ, од селото Горенци на север до Богатско на југ.[3] На запад се граничи со долината на Ѓоле,[4] преку која е Рупишкото Поле на запад и планината Диминик на северозапад.[5] На североисток има седло кое по Голема (1.182 м) и Мала Саракина (1.240 м) и долината на Лошничка Река или Порос (притока на Бистрица) ја одделува од планината Мурик.[3]
Име
уредиПланината како целина нема име во ниеден извор, туку се нарекува по некои од врвовите.[3] Георги Христов од Шкрапари целата планина ја нарекува Саракина по името врвот Саракина во нејзиниот источен дел.[6] Лев Адамов од Горенци ја нарекува Габер, по името на врвот на северозападниот крај, југозападно над Горенци.[2] На картата на австроунгарскиот генералштаб во планината се обележани врвовите Габер (Gaber) и Ежово (Ežovo). Никос Незис ја нарекува Корисос (Κορησός) по новото име на нејзиниот највисок врв, претходно наречен Ајдонакос (Αηδονάκος, 1383 м).[3]
Планината е гола и карпеста.[4] Карпите се доломитски варовници.[3] До врвот се стасува од Горенци (на 730 м) за околу 3 часа или од Чуриловскиот манастир (на 1.030 м) за околу 2 часа.[3]
Врвови
уредиОва се врвовите на Саракина, подредени по висина:[3]
| Име | Грчки | Висина (м) |
Местоположба |
|---|---|---|---|
| Ајдонакос | Αηδονάκος, Κορησός | 1.383 | јужно над Горенци |
| Свети Илија | Προφήτης Ηλίας, Βογατσικού Κορυφή, Βογατσικό | 1.361 | југоисточно над Богатско |
| Гуфа | Γκούφα, Κούφια | 1.282 | источно над Костараџа |
| Цотра | Τσότρα | 1.260 | југоисточно над Богатско |
| Мала Саракина | Μικρή Σαρακίνα | 1.240 | јужно од Милија, северозападно над Лошница |
| Милија | Μηλιά | 1.235 | јужно од Голема Саракина и северно од Мала Саракина |
| Свети Илија | Προφήτης Ηλίας | 1.220 | источно над Костараџа |
| Пренија | Πρενιά | 1.210 | североисточно над Костараџа |
| Саракина | Σαρακίνα, Μεγάλη Σαρακίνα | 1.182 | источно од Ајдонакос, јужно над Чуриловскиот манастир |
| Пиргос | Πύργος | 1.170 | југозападно над Богатско |
| Чука | Τσούκα, Κορυφή | 1.166 | западно над Лошница |
| Скала | Σκάλα | 1.133 | северно над Костараџа |
| Ставрос | Σταυρός | 1.068 | источно над Слимништа |
| Габер | Γάβρος | 1.060 - 900 | југозападно над Горенци |
| Ѕорѕуло | Τζόρτζουλο, Παλιόκαστρο | 1.045 | североисточно над Нова Костараџа и југозападно од Костараџа |
| Микро Вуно | Μικρό Βουνό | 804 | источно над Слимништа |
Поврзано
уредиНаводи
уреди- ↑ Марков, Георги Христов (2002). Хрупищко (PDF). Хасково: Държавен архив - Хасково, Интерфейс. стр. 9, 10, 22. ISBN 954-90993-1-8.
- ↑ 2,0 2,1 Адамов, Лев (2014). История на с. Горенци, Костурско (Македония) (PDF). София: Издава Библиотека Струмски. стр. 1. ISBN 978-619-7212-06-8.
- ↑ 3,0 3,1 3,2 3,3 3,4 3,5 3,6 3,7 Νέζης, Νίκος (2010). Τα ελληνικά βουνά : γεωγραφική εγκυκλοπαίδεια. Τόμος 2. Ηπειρωτική Ελλάδα. Πελοπόννησος - Στερεά Ελλάδα - Θεσσαλία - Ήπειρος - Μακεδονία - Θράκη. Αθήνα: Ελληνική Ομοσπονδία Ορειβασίας Αναρρίχησης : Κληροδότημα Αθ. Λευκαδίτη. стр. 411. ISBN 978-960-86676-6-2.
- ↑ 4,0 4,1 Марков, Георги Христов (2002). Хрупищко (PDF). Хасково: Държавен архив - Хасково, Интерфейс. стр. 22. ISBN 954-90993-1-8.
- ↑ Марков, Георги Христов (2002). Хрупищко (PDF). Хасково: Държавен архив - Хасково, Интерфейс. стр. 18. ISBN 954-90993-1-8.
- ↑ Марков, Георги Христов (2002). Хрупищко (PDF). Хасково: Държавен архив - Хасково, Интерфейс. стр. 9. ISBN 954-90993-1-8.