Поток

Поток — водна површина која тече по свое корито и е помала и покуса од река.

Поток во Архангелската област, Русија.

Тајмишка Река како поток

Потоците имаат големо значење во кружењето на водата, полнењето на подземните води и како минувалиште за преселбата на рибите и животните. Биолошкото живеалиште по текот на потокот се нарекува „крајречна зона“. Ваквите зони се важен поврзувач на расцепените живеалишта, и со тоа ја одржуваат и зачувуваат биоразновидноста. Дисциплината што ги изучува потоците и водните патишта се нарекува „површинска хидрологија“ и претставува основа на еколошката географија.

Извори

Потоците се снабдуваат со вода претежно од атмосферски врнежи во облик на дожд и снег. Поголем дел од неа повторно се враќа во атмосферата по пат на испарување од водните површини и почвата, или пак со транспирација на растенијата. Помал дел од неа потонува во земјата со т.н. инфилтрација и станува подземна вода. Највеќето од оваа вода повторно се враќа на површината во потоци. Извесен дел од врнежите привремено се заробуваат во снежни прекривки и ледници, и подоцна се ослободуваат со испарување или топење. Остатокот истекува во земјиштето како површинско исцедување.

Потоци во Македонија

Еве некои попознати потоци во Република Македонија:

Белински Поток Бродечки Поток Буринарачки Поток Варошки Поток Воденички Поток Завојски Поток

Изворски Поток Кучковски Поток Раштачки Поток Слубички Поток Урвички Поток ‎

Потокот како мотив во уметноста

• „Каква боја има потокот?“ — песна за деца на хрватскиот поет Григор Витез.
• „Поток — песна на рускиот поет Јуриј Коринец.
• „Јас знам што е поток“ — песна на македонскиот поет Стојан Тарапуза.
• „Поток“ — песна на словенечката хардкор-панк група Полска Малца од 1990 година.

Поврзано

• Извор
• Водотек
• Река
• Брзак
• Воден пат
• Водна површина
• Лимнологија

Надворешни врски

• Потоци на Ризницата ^?
• Управа за хидрометеоролошки работи на РМ (македонски)