Пикардија

Пикардија (француски: Picardie, француски изговор: [pikaʁdi]) е еден од поранешните региони на Франција, сместен во северниот дел на земјата.

Пикардија Picardie
Земја	Франција
Префектура	Амјен
Департмани	3 Ена Оаза Сома
Управа
• Претседател	Клод Геверк (PS - Социјалистичка партија)
Површина
• Вкупна	19.399 км2 (7,490 ми2)
Население (2007-01-01)
• Вкупно	1.890.000
• Густина	97/км2 (250/ми2)
Час. појас	CET (UTC+1)
• Лето (ЛСВ)	CEST (UTC+2)
NUTS	FR2
Мреж. место	cr-picardie.fr

Историја

Историската провинција Пикардија се протегала северно од Ноајон до Кале, низ целиот департман Сона и северно од департманот Ена. Провинцијата Артоа (областа Арас) ја делела Пикардија од Француска Фландрија.

Денес, современиот регион Пикардија не го вклучува брегот од Берк до Кале, преку Булоња (Булоне), кој денес е во регионот Север-Па де Кале, но ги вклучува краевите (pays) Бовези, Валоа, Ноајон, Лан, Соасоне, Омоа на југ од департманите Ен и Оаза.

Географија

Пејзаж во Пикардија

Пикардија се протега од долгите песочни брегови на устието на Сома на запад до пространите шуми и пасишта на исток и надолу кон замоците на Шантији или Пјерфон близу до париското подрачје и на југ сè до виноградите на границата со Шампања (Champagne picarde). Регионот се состои од 4 департмани:

Култура

Пикардското културно наследство вклучува некои од најубавите готски цркви (Катедралите во Амјен и Буве), изразена локална гастрономија (ficelle picarde, flamiche aux poireaux, tarte au maroilles), пиво и традиционални игри и спортови како longue paume (претходникот на тенисот), како и пикардските танци.

Демографија

Според пописите помеѓу 1990 и 1999, населението на Оаза се зголемувало за 0,61% годишно (речиси двојно побрзо од Франција во целина) додека департманот Ена бележи намалување на населението додека пак во Сома сосем малку било во пораст (за 0,16% годишно). Денес, 41,3% од популацијата на Пикардија живее во департманот Оаза.

Администрација

Претседател на Регионалниот совет е Клод Геверк, припадник на социјалистите кој е на истата функција од 2004. Од 2008, градоначалник на градот Амјен, главен град на регионот, е социјалистот Жил Демеји.

Поголеми градови

Опатијта во Оаза

• Абевил
• Амјен
• Бове
• Компиењ
• Креј
• Лан
• Сен Квентен
• Соасон

Поврзано

• Пикардски јазик

Надворешни врски

• Официјална страна на регионот Архивирано на 23 февруари 2011 г. (француски)
• Пикардија, краток водич за регионот и неговите знаменитости (англиски)
• Фотографии од Пикардија Архивирано на 27 мај 2007 г. (англиски)
• Слики од Јужна Пикардија (англиски)