Оаза (департман)

Оаза (француски: Oise) — департман во регионот Горна Франција на северот на истоимената земја. Наречен е по реката Оаза.

Оаза Oise
департман
Префектурната управа во Бове
Грб
Местоположба на Оаза во Франција
Земја	Франција
Регион	Горна Франција
Префектура	Бове
Потпрефектура	Клермон Компјењ Санлис
Управа
• Прет. на Ген. совет	Надеж Лефевр
Површина
• Вкупна	5.860 км2 (2,260 ми2)
Население (2016)
• Вкупно	823.542
• Ранг	26.
• Густина	140/км2 (360/ми2)
Час. појас	CET (UTC+1)
• Лето (ЛСВ)	CEST (UTC+2)
Департ. бр.	60
Окрузи	4
Кантони	21
Општини	679

Историја

Оаза е еден од изворните 83 департмани воведени со Француската револуција на 4 март 1790 г. Создадена е земајќи делови од покраините Ил де Франс и Пикардија.

По извојуваната победа во Битката кај Ватерло, британската војска го окупирала департманот, што траело од јуни 1815 доноември 1818 г.

Географија

Оаза е дел од денешниот регион Горна Франција и лежи на 35 км северно од Париз. Опкружен е од департманите Сома, Ена, Сена и Марна, Долина на Оаза, Ер и Приморска Сена.

Поважни населени места

Најнаселени општини во Оаза

Место	Општина	Кантон	Округ	Население
1	Бове	Бове-1 Бове-2	Бове	55.252
2	Компјењ	Компјењ-1 Компјењ-2	Компјењ	40.430
3	Креј	Креј	Санлис	34.262
4	Ножан на Оаза	Ножан на Оаза	Санлис	18.753
5	Санлис	Санлис	Санлис	15.583
6	Крепи во Валоа	Крепи во Валоа	Санлис	14.962
7	Мери	Мери	Бове	13.995
8	Ноајон	Ноајон	Компјењ	13.894
9	Монтатер	Монтатер	Санлис	12.843
10	Пон Сент Максанс	Пон Сент Максанс	Санлис	12.637

Туризам

Највеќе посетители во департманот добива забавниот парк „Астерикс“ отворен 1989 г. Други места од особено културно-историско значење се катедралата „Св. Петар“ во Бове, замокот Пјерфон обновен од Ежен Виоле ле Дик и ликовната збирка во Шантији, една од најголемите вон Париз.

• 
  Ликовна галерија во замокот Шантији
• 
  Катедралата „Св. Петар“ во Бове
• 
  Луда железница во паркот „Астерикс“
• 
  Изложен тенк „Рено ФТ“ кај Компјењ
• 
  Замокот Пјерфон

Збратимени места

Оаза е збратимена со грофовијата Бедфордшир во Англија.

Едно од селата во поречието е Овер на Оаза, познато како свратилиште на разни импресионистички уметници. Овде Винсент ван Гог ги провел последните 70 дена од животот и тука е закопан, заедно со брат му Тео.

Поврзано

• Окрузи во Оаза
• Кантони во Оаза
• Општини во Оаза

Надворешни врски

• Портал на префектурата Оаза (француски)
• Портал на Генералниот совет на Оаза Архивирано на 27 септември 2009 г. (француски)
• Именик на Оаза Архивирано на 3 мај 2020 г. (француски)
• Туристички портал на Оаза (англиски)